1. პირადი (პერსონალური) ჰოროსკოპი (ხასიათი, ფინანსები, ურთიერთობები, სიყვარული, დაოჯახება, ჯანმრთელობა, ხიფათი, ემიგრაცია, კარიერა, პროფესია, ემოციური რეაქციები, აზროვნების პროცესი, საქმიანობა, წარმატებები, წარუმატებლობები და ბევრი სხვა ფაქტორი).
2. პირადი (პერსონალური)
ასტროლოგიური პროგნოზი (ყველა ძირითადი მოვლენის პროგნოზირება: 1–დან 3 წლამდე პერიოდი. თქვენთვის სასურველი მოქმედებებისთვის სასურველი პერიოდის გამოთვლა როგორც „კლასიკური“, ისე ინდური ასტროლოგიის მიხედვით).
3. სინასტრიული ჰოროსკოპი (სასიყვარულო ან საქმიანი ურთიერთშეთავსება, პარტნიორის ჰოროსკოპის ანალიზი და ურთიერთობის პერსპექტივის დადგენა – როგორ შეესაბამება ერთმანეთს ორი ადამიანი - როგორც „კლასიკური“, ისე ინდური ასტროლოგიის მიხედვით).
4.
ბავშვის ჰოროსკოპი (ფსიქოტიპის ანალიზი, შიშების, კომპლექსების, აგრესიის მიზეზის დადგენა, ჯანმრთელობის პრობლემები, შესაფერისი და სასიკეთო პროფესის არჩევა).
5.
კარმული ჰოროსკოპი (კარმის ასტროლოგიური დიაგნოსტიკა, კარმული პრობლემების ანალიზი, კარმული მისიის დადგენა).
6. ბიზნეს და ფინანსური ჰოროსკოპი
(ბიზნესთან და ფინანსებთან დაკავშირებული პერსპექტივების და პრობლემების ანალიზი და პროგნოზი).
7.
რელოკაციური და ასტროკარტოგრაფიული ჰოროსკოპი (ემიგრაცია–მიგრაციასთან დაკავშირებული ტენდენციებისა და გარემოებების ანალიზი–პროგნოზი. ემიგრაციისთვის სასიკეთო ქვეყნისა და ქალაქის შერჩევა).
8.
ელექციური ჰოროსკოპი (ნებისმიერი საქმის დაწყებისთვის და მნიშვნელოვანი გადაწყვეტილებებისთვის ოპტიმალური დროის შერჩევა: ქორწინება, ორგანიზაციის რეგისტრაცია, ხელშეკრულების გაფორმება და ა. შ.).
9. ჰორარული ჰოროსკოპი (თქვენთვის საინტერესო ნებისმიერ საკითხზე და კითხვაზე ასტროლოგიური ანალიზი და პასუხი).
======================================================================================================
პირადი ჰოროსკოპი 24 საათში: Messenger-ის, Viber-ის ან Skype-ის დახმარებით პირადი ჰოროსკოპის გაშიფვრა-ანალიზი, მოსალოდნელი ტენდენციების პროგნოზირება.
======================================================================================================
ანაზღაურება გადარიცხვით:
1.
საბანკო ანგარიშზე;
2. სწრაფი გზავნილით (Western Union, Anelik, Money Gram, Unistream, Contact, Rico Gram).
======================================================================================================
ტელეფონი:

5 (99) 940-680 (მაგთი)
5 (93) 740-380 (ჯეოსელი)
Email: geoastrolog@gmail.com

Facebook: Ramaz Gigauri
ასტროლოგი რამაზ გიგაური


Dec 25, 2023

2024 წლის ასტროლოგიური პროგნოზი ზოდიაქოს ნიშნებისთვის

 /© რამაზ გიგაური/



ვერძი


 

თქვენთვის 2024 წელი მთლიანობაში დადებითად უნდა ჩაითვალოს. ეს იქნება შემოქმედებითი და სულიერი განვითარების პერიოდი. გაძლიერდებით და განვითარდებით როგორც მენტალურ და ემოციურ, ისე მატერიალურ დონეზე. იმ პროექტების უმეტესობა, რომლებიც გასული წლის მეორე ნახევარში დაიწყო, დამდეგი წლის მაისამდე წარმატებით განვითარდება ან დასრულდება. განსაკუთრებით ეს სამუშაო პროცესებს, კარიერას, ბიზნესს და ფინანსური მდგომარეობის გაუმჯობესებას ეხება. შეძლებთ საკუთარი ნეგატიური თვისებების დამუშავებას და ახალი უნარების შეძენას. საკუთარ თავში ჩაღრმავებას და ახალი ტალანტების აღმოჩენას. წლის ყველაზე აქტიური პერიოდი მაისი და ივნისის პირველი დეკადა იქნება. ამ დროს იგრძნობთ ენერგიულობასა და ძალების მოზღვავებას, მოიმატებს თქვენი მიზანსწრაფვაც, რაც საშუალებას მოგცემთ ბევრი დაგროვებული პრობლემა გადაჭრათ, ძველი საქმეები დაასრულოთ და ახალი დაიწყოთ. საერთოდ, გაზაფხული (შემდგომ უკვე ზამთარი) - ეს ის დრო იქნება, როდესაც თქვენი ძალისხმევა აქტიურად და გაბედულად უნდა გამოავლინოთ, რადგან ის აუცილებლად დაფასდება. წლის მეორე ნახევარი დადებითი უფრო ურთიერთობებისთვის იქნება, განსაკუთრებით ეს პირად ცხოვრებას ეხება. თუ დაოჯახებას აპირებთ, ზაფხული და შემოდგომა ამისთვის სასიკეთო პერიოდია. ხოლო თუ დაოჯახებული ხართ, მაშინ ოჯახური ურთიერთობები დაალაგეთ და ჰარმონიაში მოიყვანეთ. ამ დროს იყავით ტაქტიანი და შეეცადეთ, კონფლიქტები არ გამოიწვიოთ. ეს კარგი დროა გაზაფხულზე წარმოშობილი გაუგებრობების გარკვევისთვის და შეთანხმების მიღწევისთვის. ამ პერიოდში ასევე მოიმატებს უცხოეთში მოგზაურობის, გართობის და დროის კარგად გატარების ალბათობაც. წლის ბოლოს ახალს ნურაფერს დაგეგმავთ, ეს დრო გამოიყენეთ წარსულის ანალიზისთვის და ადრე დაშვებული შეცდომების გამოსწორებისთვის.


კურო

2024 წლის დასაწყისიდან მაისის ბოლომდე პერიოდი საშუალებას მოგცემთ, წარმატებით გააგრძელოთ ის საკითხები, რომლებიც 2023 წლის გაზაფხულის შემდეგ დაიწყეთ. ამას შესაძლოა ახალი რეალობის ფორმირება ან განვითარების ახალ დონეზე გადასვლაც ვუწოდოთ. ეს იქნება არა მხოლოდ წვრილმანი, არამედ გლობალური საკითხებიც, რომლებსაც თქვენი ცხოვრების ვექტორის განსაზღვრაც კი შეუძლიათ. სასურველი იქნება თქვენს ოცნებებსა და მიზნებს გადახედოთ და მათთვის კონკრეტული და პრაგმატული გეგმები შეიმუშავოთ. მომავლის მიმართ ოპტიმისტურად იყავით განწყობილი და თუნდაც დროებითი წინაღობები ნუ შეგაშინებთ. ყურადღება მიაქციეთ გრძელვადიან პროექტებს, განსაკუთრებით სწავლასთან, პროფესიულ საქმიანობასთან, კარიერასთან, საქმიან კავშირებთან, უცხოეთთან და უცხოელებთან დაკავშირებულ საკითხებს. გაზაფხულის ბოლო და ზაფხული პირველი ნახევარი გახდება ის პერიოდი, როდესაც თქვენ კარგად დაინახავთ წარსულისგან რა ისწავლეთ, მომავლის მიმართ როგორი ხედვა ჩამოგიყალიბდათ და ამასთანავე, მიზნების მიღწევისთვის რა კონკრეტული გეგმები შეიმუშავეთ. ამ პერიოდში მოგიწევთ უფრო მეტი დრო დაუთმოთ მატერიალურ საკითხებს და მოგიწევთ ფინანსური მდგომარეობის გაუმჯობესებაზე ზრუნვა. წლის მეორე ნახევარი არანაკლებად საინტერესო იქნება. მოსალოდნელია გაჩნდეს ბოლო 1-1,5 წლის განმავლობაში ფორმირებული იდეების რეალიზაციის ალბათობა. ეს შესაძლოა კავშირში იყოს სწავლასთან ან ხელოვნებასთან. ზაფხულში გააქტიურდება პირად ცხოვრებასთან დაკავშირებული საკითხები. მოიმატებს ქორწინების, ახალი რომანის ან თუნდაც ფარული სასიყვარულო ურთიერთობების დაწყების ალბათობა. ეს დრო ასევე გამოიყენეთ დასვენებისთვის და ფიზიკური ძალების აღდგენისთვის. შემოდგომის პირველი ნახევარი სასიკეთო იქნება კვალიფიკაციის ამაღლებისთვის, ფინანსური შემოსავლების ზრდისთვის, ბიზნესის განვითარებისთვის და ასევე ადრე შექმნილი კრიზისებისგან თავის დაღწევისთვის. წლის ბოლოს გაუფრთხილდით ჯანმრთელობას და შეეცადეთ, არ გარისკოთ.


ტყუპები

დამდეგ წელს ენერგიულად დაიწყებთ და წლის პირველივე კვარტალში შეძლებთ არა მხოლოდ ადრე დამუხრუჭებული საკითხების ხელახალ გააქტიურებას, არამედ ახალი პროექტების დაწყებასაც. შეეცადეთ, ამ პერიოდში კონცენტრირებული და ორგანიზებული იყოთ. რაც მთავარია, გამოჰყავით პრიორიტეტული საკითხები და თქვენი დრო და ენერგია მათ დაუთმეთ. ასე უფრო იოლად წახვალთ წინ. ამ დროს ნუ იქნებით აჩქარებული და ნუ შეეცდებით ყველა საქმის ერთად კეთებას. გაზაფხულის მეორე ნახევარი სასიკეთო იქნება საქმიანი ინფორმაციის თუ ცოდნის მიღება-გადაცემისთვის, შეთანხმებების მიღწევისთვის, სამსახურებრივი ცვლილებებისთვის, ხელშეკრულებების გაფორმებისთვის, ასევე ქორწინებისთვის ან პირად ცხოვრებაში სერიოზული ცვლილებებისთვის. ეს დრო ასევე გამოიყენეთ წარსულში დაშვებული შეცდომების გამოსწორებისთვის და ასევე იმ ძველი პროექტების გადახედვისთვის, რომლებიც შესაძლოა წლის მეორე ნახევარში მიუბრუნდეთ. მაისის ბოლოდან დაიწყებთ ახალ, თორმეტწლიან ციკლს, აქედან გამომდინარე, მაქსიმალური ძალისხმევის გაღება მოგიწევთ, რომ ძლიერი ფუნდამენტი შექმნათ. ზაფხულის დასაწყისიდანვე იგრძნობთ აღმაფრენას და მოიმატებს იღბლიანობაც. თუ ამის წინაპირობა იქნება, სამსახურში მოითხოვეთ ხელფასის მომატება ან დაწინაურება. არ დაგავიწყდეთ, რომ მნიშვნელოვანი გადაწყვეტილებები უნდა გაასაიდუმლოოთ და თქვენს მიზნებზე ხმამაღლა არ ისაუბროთ. ზაფხული კარგი დროა საერთაშორისო კავშირების დამყარებისთვის ან გაძლიერებისთვის, მოგზაურობისთვის, საბუთებთან და უძრავ ქონებასთან დაკავშირებული საკითხების მოგვარებისთვის. შემოდგომით მიიღებთ იმას, რასაც მაის-ივნისში დათესავთ. ამ ორ პერიოდს ერთმანეთთან კარმული კავშირიც კი აქვთ. ამ პერიოდში გაუფრთხილდით ჯანმრთელობას და საჭიროების შემთხვევაში გამაჯანსაღებელ პროცედურებსაც მიმართეთ. წლის ბოლოს მოგიწევთ ტემპის მომატება, რათა წარმატებით დაასრულოთ ან დაასტაბილუროთ მაინც ის პროექტები, რომლებიც 2024 წლის მეორე ნახევარში დაიწყეთ ან განავითარეთ.


კირჩხიბი

2024 წელი მთლიანობაში საკმაოდ დატვირთული აღმოჩნდება და ამ წელს განვითარებული მოვლენები ცხოვრების ახალ ეტაპზე გადაგიყვანთ. წლის პირველი ნახევარი თქვენგან მოითხოვს საკუთარი წარსულის სწორად შეფასებას და შესაბამის ანალიზს. შეეცადეთ, ყველა ის ურთიერთობა თუ საკითხი, რომელიც მხოლოდ თქვენს რესურსებს ითხოვს და სანაცვლოდ არაფერს გაძლევთ, თუნდაც დროებით უკან გადასწიოთ. ეს უპირველესად გულისხმობს „ტოქსიკური“ ადამიანებისგან და არასაჭირო მოვალეობებისგან გათავისუფლებას. ასეთი მიდგომით უკვე გაზაფხულის მეორე ნახევარში გზას გაუხსნით საინტერესო პერსპექტივებს და ახალ ნაცნობობას. ამავე პერიოდში შესაძლოა თქვენს ცხოვრებაში გამოჩნდნენ თქვენდამი კეთილგანწყობილი ადამიანები და ეს ურთიერთობები მეგობრობაშიც კი გადაიზარდოს. გააქტიურდება სამსახურებრივი ცვლილებებიც ან ახალ პროექტებში აღმოჩნდებით ჩართული. თუ დაგჭირდეთ, დაიხმარეთ არა მხოლოდ ოჯახის წევრები და მეგობრები, არამედ რჩევები კონსულტანტებისგანაც მიიღეთ. ზაფხულში თქვენს მეტ ყურადღებას შინაგანი პროცესები მოითხოვს. მოგიწევთ ფსიქოლოგიურად გაძლიერება და რაც მთავარია, ემოციების მართვის სწავლა. ეს საშუალებას მოგცემთ წარმატებით გაართვათ თავი როგორც პირად, ისე საქმიან ურთიერთობებს. შემოდგომის პირველ ნახევარში მოიმატებს კარიერული წინსვლის და ფინანსური შემოსავლების ზრდის ალბათობა. ეს კარგი დროა ვალების გასტუმრებისთვის, ფინანსური დაბანდებისთვის, კომერციული გარიგებებისთვის და ახალი შენაძენებისთვის (მათ შორის უძრავი ქონების ყიდვა-გაყიდვისთვის). მოგიწევთ სწავლა, ახალი ცოდნის შეძენა და კვალიფიკაციის ამაღლება. შემოდგომის მეორე ნახევარი და ზამთარი კარგი დროა მოგზაურობისთვის, ახალი გამოცდილების შეძენისთვის, ჯანმრთელობის გამყარებისთვის, დაშვებული შეცდომების გამოსწორებისთვის. წლის ბოლოს გადახედეთ თქვენს საქმიან კავშირებს, სამსახურებრივ ურთიერთობებს და საჭიროების შემთხვევაში ცვლილებების განხორციელებისაც ნუ შეგეშინდებათ.


ლომი

2024 წელის აქტიურად და ენერგიულად დაიწყებთ. პირველივე კვარტალში მოგიწევთ საინტერესო შეხვედრები, მოლაპარაკებები და შესაძლოა გარკვეულ შეთანხმებებსაც მიაღწიოთ. ამ დროს ბევრი რამ თქვენს კომუნიკაბელურობაზე იქნება დამოკიდებული. ამ პერიოდში ჩამოყალიბდება სწორედ ის პროექტები და კავშირები, რომლებიც უახლოეს სამწლიან პერიოდზე მოახდენს გავლენას. წლის პირველ ნახევარში თქვენს ადრე დასახულ მიზნებს კრიტიკული თვალით შეხედეთ და საჭიროების შემთხვევაში მათში გარკვეული ცვლილებებიც შეიტანეთ. თუ გაზაფხულზე პრიორიტეტებს სწორად დასახავთ და სამსახურებრივ თუ კარიერულ საკითხებთან მიმართებაში უშეცდომოდ იმოქმედებთ, წარმატებებს აუცილებლად მიაღწევთ. თუმცა საკუთარ თავზე პასუხისმგებლობა ზომიერად დაიკისრეთ და ამ კუთხით არ გადააჭარბოთ. ზომიერი იყავით სხვების დახმარების კუთხითაც. გაჩნდება იმის საშიშროება, რომ სხვებზე ზრუნვის გამო, თქვენი საქმეები უკან დარჩეს. წლის მეორე ნახევარში თქვენი ის იმედები, რომლებიც კოლექტიურ საქმიანობას და მეგობრულ ურთიერთობებს უკავშირდება, გამართლდება. ასე რომ, ზაფხულში და შემოდგომით ნაკლებად ფორმალური იყავით და ნურც ერთპიროვნული გადაწყვეტილებების მიღებას მოინდომებთ. უპირატესობა პარტნიორულ საქმიანობას მიანიჭეთ. ეს ცვლილებების პერიოდი იქნება, რომელიც შესაძლოა დაუკავშირდეს სამსახურს, რომელიმე ორგანიზაციასთან ან კომპანიასთან თანამშრომლობას. ზაფხულის მეორე ნახევარში და შემოდგომის დასაწყისში მაქსიმალურად გაუფრთხილდით ფინანსებს (განსაკუთრებით ეს კრედიტების ან ნებისმიერი, სხვა სახის ფინანსურ ვალდებულებებს ეხება). თუ აუცილებლობა არ იქნება, მოერიდეთ ვალების აღებას. საქმეში ფული გამოცდილ ადამიანებთან შეთანხმების შემდეგ დააბანდეთ. შემოდგომის მეორე ნახევარში სასიყვარულო ურთიერთობები მეტ სინათლეს და მკაფიოობას მოითხოვს. ამ კუთხით არასწორი ნაბიჯების გადადგმას, მოსალოდნელია მთელი რიგი გართულებები მოჰყვეს. ამიტომ ადამიანი ჯერ კარგად გაიცანით და მნიშვნელოვანი გადაწყვეტილება ამის შემდეგ მიიღეთ.


ქალწული

თქვენთვის 2024 წლის ძირითადი ხაზი საქმიანი თუ სასიყვარულო სფეროში პარტნიორული ურთიერთობების მართვა და განვითარება იქნება. სწორედ ამ მიმართულებით გაჩნდება ახალი გამოწვევები, წინაღობები და ასევე წარმატების შანსიც. წლის პირველი ნახევარი დადებითი იქნება. ამ პერიოდში აქტიურად და რაც მთავარია წარმატებულად გააგრძელებთ შარშან დაწყებულ პროექტებს და დიდი ალბათობით თქვენს იდეებსაც განახორციელებთ. ეს განსაკუთრებით ეხება სწავლა-განათლებას, ახალი ცოდნის მიღებას, თქვენს თავში გარკვეულ იდეოლოგიის ფორმირებას, რომელიც შეიძლება საინტერესოდ გამოვლინდეს პოლიტიკური, რელიგიური, ფსიქოლოგიური ან სოციოლოგიური კუთხით. ეს კარგი დროა უცხოეთში მოგზაურობისთვის ან უცხოეთთან დაკავშირებული ნებისმიერი საკითხის განვითარებისთვის. ამის ალბათობა განსაკუთრებით მაღალი იქნება გაზაფხულზე, მითუმეტეს, რომ სწორედ ამ დროს გაფართოვდება თქვენი პერსპექტივები და მომავალსაც უფრო ნათლად დაინახავთ. ზაფხულის პირველ ნახევარში სასურველია მეტი დაისვენოთ და ადრე დაწყებული ან გადადებული მოკლევადიანი საქმეები დაასრულოთ. ამ პერიოდში ასევე საშუალება მოგეცემათ გაისტუმროთ ვალები, გაარკვიოთ პრობლემური ურთიერთობები და მოაგვაროთ იურიდიული დავა. ზაფხულის მეორე ნახევარს ენერგიულად გაივლით. ბევრ პერსპექტივას თუ პრობლემას განსხვავებულად დაინახავთ. მითუმეტეს, რომ ის შინაგანი შფოთვა თუ შიშის განცდა, რაც ადრე გაწუხდებათ, სრულად მოიხსნება. მოგეცემათ გავლენის გაფართოვების და ავტორიტეტის ზრდის შესაძლებლობა. შემოდგომა დაუკავშირდება პირად ცხოვრებაში ახალ იმპულსების შემოსვლას. ძველი ურთიერთობები განვითარდება ან შესაძლოა სრულიად ახალი ურთიერთობაც დაიწყოს. ეს კარგი დროა ბავშვებთან დაკავშირებული საკითხების მოგვარების, ასევე ახალი საერთაშორისო (განსაკუთრებით შემოქმედებითი) პროექტების დაწყებისთვის. წლის ბოლო სასიკეთო იქნება ფინანსური საკითხების მოგვარებისთვის, შემოსავლის ახალი წყაროს მოძიებისთვის ან ახალი ცოდნის მიღებისთვის.

სასწორი

2024 წლის დასაწყისი უკვე მიღწეული შედეგების გაანალიზებისთვის და მომავლის დაგეგმვისთვის გამოიყენეთ. ამ პერიოდში გაგიჭირდებათ ყველაფრის ერთად თავის გართმევა. ამიტომ ყურადღება ძირითად საკითხებზე გაამახვილეთ. მოაწესრიგეთ, დაარეგულირეთ და მართეთ როგორც თქვენს შინაგანი განწყობა, ისე თქვენს გარშემო მიმდინარე პროცესები. წინსვლის და წარმატების რეალური შესაძლებლობა მხოლოდ გაზაფხულის დასაწყისიდან გაჩნდება. ეს იქნება არსებული სიტუაციის ახლებურად დანახვის, მომავლის სწორად დაგეგმვის და რეორგანიზების პერიოდიც. ეს კარგი დროა კრედიტებთან, ფინანსურ ვალდებულებებთან, ბიზნესთან, დივიდენდებთან, უძრავი ქონების ყიდვა-გაყიდვასთან დაკავშირებული საკითხების მოგვარებისთვის. არ არის გამორიცხული სწორედ ამ დროს გაგიჩნდეთ იმიჯის შეცვლის სურვილიც. ამ პერიოდში არ შეგეშინდეთ ცვლილებების განხორციელების და გადამწყვეტ ვითარებაში გაბედულად იმოქმედეთ. გაზაფხულის მეორე ნახევარი და ზაფხულის დასაწყისი სასიკეთო იქნება პირადი ცხოვრების დალაგებისთვის, ქორწინებისთვის ან სულაც არასასურველი ურთიერთობიდან თავის დაღწევისთვის. ეს კარგი დროა მოგზაურობისთვის, ადგილების მონახულებისთვის შემეცნებისთვის და საინტერესო თავგადასავლებისთვის. წლის მეორე ნახევარში უპირატესობა ერთობლივ საქმიანობას მიანიჭეთ. ასევე ყურადღება მიაქციეთ ახლობელი ადამიანების რჩევებს. ეს გარკვეულწილად არასწორი გადაწყვეტილების მიღებისგან გიხსნით. ზაფხულის მეორე ნახევარი და შემოდგომა საკმაოდ დადებითი გამოდგება. ეს დაუკავშირდება ახალი, დადებითი ემოციების მიღებას. გააფართოვებთ პირად ჰორიზონტს, აითვისებთ ახალ სივრცეებს და ბევრი რამ, რაც ადრე სარისკოდ გეჩვენებოდათ, შედარებით კომფორტული და ჰარმონიული გახდება. ამავე პერიოდში მოიმატებს საერთაშორისო პროექტებში მონაწილეობის მიღების ალბათობა. შესაძლოა მოგიწიოთ საბუთებთან დაკავშირებული საკითხების მოგვარებაც. წლის ბოლოს შეეცადეთ დაისვენოთ, ენერგია აღიდგინოთ და ემოციურად განიტვირთოთ. თუმცა მომავალი წლის დაგეგმვაც არ დაგავიწყდეთ.

მორიელი

იმ საქმიანი ურთიერთობების უმეტესობა, რომლებიც გასულ წელს დაიწყეთ, 2024 წელს წარმატებულად განვითარდება. ბევრი ახალი ნაცნობი საინტერესო კუთხით გამოავლენს თავს და შესაძლოა ახალი მოკავშირეები ან მეგობრებიც კი შეიძინოთ. ეს განსაკუთრებით საგრძნობი იქნება წლის პირველი ნახევარში, როდესაც მოგიწევთ პარტნიორებთან ერთად ახალ პროექტებში ჩართვა. წარმატებას მოიტანს ერთობლივი საქმიანობა. თუ დასაოჯახებელი ხართ, მიმდინარე წელს სასიყვარულო პარტნიორის მოძიებისთვის, ახალი რომანის დაწყებისთვის ან თუნდაც ქორწინებისთვის, ამაზე კარგ პერიოდს ვერ ნახავთ. გაზაფხულის მეორე ნახევარი სასიკეთო იქნება სამსახურებრივი ცვლილებისთვის, ფინანსური მდგომარეობის დასტაბილურებისთვის, კარიერული წინსვლისთვის, განვითარების ახალ ეტაპზე გადასვლისთვის. მთავარი იქნება, რომ წლის პირველი ნახევარში საკუთარ ეჭვებს გაუმკლავდეთ და ემოციური სისტემა მართოთ, კონკრეტულად კი ყოველივე მნიშვნელოვანი გადაწყვეტილების წინ უსაფუძვლო შფოთვას არ აჰყვეთ ხოლმე. ზაფხულის პირველ ნახევარში გაძლიერდება აგრესიული ფონი, რაც შექმნის კონფლიქტურ სიტუაციებს. მოსალოდნელია საფრთხე დაემუქროს იმ პირად, თუ საქმიან კავშირებს, რომლებიც დამუხრუჭებულია და ვეღარ ვითარდება. ამ პერიოდში ნუ შეხვალთ მოშურნეებთან თუ ოპონენტებთან კონფრონტაციაში. ზაფხულის მეორე ნახევარში და შემოდგომაზე მდგომარეობა გამოსწორდება და შეძლებთ არა მხოლოდ დაკარგული პოზიციების დაბრუნებას, არამედ ახალი პერსპექტივების შექმნასა და გამოყენებას. უფრო მეტიც, სწორედ ამ პერიოდიდან მოიტანს წარმატებასა და ფინანსურ შემოსავლებს ის კავშირები, რომლებიც წლის პირველ ნახევარში განავითარეთ. გარდა ამისა, ეს ასევე კარგი დროა პირად ცხოვრებასთან, ბავშვებთან და ასევე შემოქმედებით პროექტებთან (იგივე, ხელოვნებასთან) დაკავშირებული საკითხების წამოჭრისთვის და განვითარებისთვის. წლის ბოლოს გაგიჩნდებათ გადადებული საქმეების დასრულების ან თქვენთვის ბუნდოვან სიტუაციებში გარკვევის კარგი შესაძლებლობა.


მშვილდოსანი

2024 წლისთვის დამახასიათებელი იქნება მაღალი დინამიკა და ამას წლის დასაწყისიდანვე იგრძნობთ. ეს შესაძლოა დაკავშირებული იყოს სამსახურებრივ ცვლილებასთან, სამუშაო გარემოს განვითარებასთან, ასევე ჯანმრთელობაზე ზრუნვასთან და ფიზიკური ფორმის განვითარება-გაძლიერებასთან. აქედან გამომდინარე, თუ სამსახურში ხელფასის მომატების მოთხოვნას, ან თუნდაც საქმიანობის სფეროს შეცვლას აპირებთ, წლის პირველი კვარტალი გამოიყენეთ. მთავარია, რომ შეძლოთ ყველაფრის ორგანიზება და წვრილმან საკითხებსაც კი აკურატულად და დისციპლინირებულად მიუდგეთ. გაზაფხულის პირველ ნახევარში მოიმატებს წარმატების მიღწევის ალბათობა, განსაკუთრებით თუ საქმიანობა უცხოეთს, საერთაშორისო ურთიერთობებს, ცოდნის მიღება-გადაცემას, ასევე სპორტს ან ძალოვან სამსახურებს უკავშირდება. გაზაფხულის მეორე ნახევარში შესაძლოა მოახერხოთ საცხოვრებელი პირობების გაუმჯობესება ან საერთოდ, ეს საცხოვრებელი ადგილის შეცვლაც კი იყოს. ამ პერიოდში მნიშვნელოვანი იქნება მშობლებთან და საერთოდ, ოჯახის წევრებთან დაკავშირებული ურთიერთობების განვითარებაც. წლის მეორე ნახევარში და განსაკუთრებით, ზაფხულის მეორე ნახევარში შეეცადეთ საკუთარ რესურსები კარგად და მოგებიანად გამოიყენოთ. ეს ეხება როგორც ენერგიას, ისე ფინანსებსა და დროს. ნუ დაიკისრებთ თქვენს თავზე ზედმეტ პასუხისმგებლობას და ნუ დაიწყებთ მასშტაბურ პროექტებს მათი საფუძვლიანი მომზადების გარეშე. ამ პერიოდში საინტერესო იქნება სოციალური პროექტები, ასევე მოგზაურობასთან, სწავლასთან და საერთაშორისო პროექტებთან დაკავშირებული საკითხების გააქტიურება. განსაკუთრებულ ყურადღებას შემოდგომა ითხოვს. ამ პერიოდში ნელ-ნელა, მაგრამ სტაბილურად წაიწიეთ წინ. ამ პერიოდში წამოჭრილი პრობლემები აუცილებლად გადაჭერით, რადგან მომავალში მათი მოგვარება უფრო გართულდება. ეს კარგი დროა ახალი ან თუნდაც დამატებითი სამსახურის მოძიებისთვის და ფინანსური შემოსავლების გაზრდისთვის. წლის ბოლოს დაასრულეთ გადადებული საქმეები და მათ, მომდევნო 2025 წელში ნუ გადაიტანთ.

თხის რქა

2024 წელი და განსაკუთრებითი მისი პირველი კვარტალი თქვენთვის გარდამავალი ეტაპი აღმოჩნდება. ამ პერიოდში ბევრი არაფრის მომტანი ურთიერთობისგან თუ ზედმეტი პასუხისმგებლობისგან გათავისუფლებას შეძლებთ. ეს საშუალებას მოგცემთ გამოთავისუფლებული დრო და ენერგია ახალი მიზნების დასახვასა და მათ მიღწევას მოახმაროთ. თქვენი მუშაობის გრაფიკი და ცხოვრების რეჟიმი საკმაოდ აქტიური იქნება გაზაფხულზეც. ამ პერიოდში მოგიწევთ ბევრი დაგროვილი საკითხის მოგვარება როგორც თქვენს, ისე ოჯახის წევრების ცხოვრებაში. თქვენი მხრიდან გაწეული ძალისხმევა და რთული საკითხების მიმართ ორგანიზებული მიდგომები უახლოეს გარემოცვაში თქვენს ავტორიტეტულობას გაზრდის, სამსახურში კი ეს საშუალებას მოგცემთ ახლებურად წარმოაჩინოთ თქვენი ტალანტი. რაც ბუნებრივია, ეს ხელმძღვანელობას ყურადღების მიღმა არ დარჩება და შესაბამის ანაზღაურებასაც მიიღებთ. წლის მეორე ნახევარი ერთი შეხედვით წინააღმდეგობრივი, მაგრამ მაინც სტაბილური იქნება. ზაფხულის პირველი ნახევარი დაგეხმარებათ წარსული გააანალიზოთ, დაისვენოთ და სულიერი სიმშვიდე მოიპოვოთ. ეს კარგი დროა ვარჯისთვის და გამაჯანსაღებელი პროცედურებისთვის. ზაფხულის მეორე ნახევარში და შემოდგომაზე სერიოზული ცვლილებების განხორციელება მოგიწევთ (ეს უფრო საქმიან სფეროს, სამსახურსა და ბიზნესს ეხება). ამ პერიოდში თუ გარშემო მყოფებთან მიმართებაში საკუთარი თავის და უნარების დაფასებას ისწავლით, ეს თქვენს ფინანსურ შემოსავლებზე და საერთოდ, ცხოვრების ხარისხზე სასიკეთოდ აისახება. შეეცადეთ, დრო და ენერგია არაფრისმომტან ურთიერთობებზე და საქმეებზე არ გაფლანგოთ. მეოთხე კვარტალი მთლიანობაში სასიკეთო აღმოჩნდება. მოიმატებს თქვენი თავისუფლების განცდა და ბევრ დადებით ემოციას მიიღებთ, რომელიც დაკავშირებული იქნება ოჯახურ ცხოვრებასთან, სასიყვარულო სფეროსთან და უძრავ ქონებასთან. ამ დროს იყავით მოსიყვარულე და პარტნიორის მიმართ ემოციები გაბედულად გამოავლინეთ.


მერწყული

2024 წელს მოგიწევთ ბევრი ძირეული ცვლილების განხორციელება. შეიძლება ითქვას, რომ ეს წელი გარკვეულ ტრანსფორმაციას მოგიტანთ (ეს გამოვლინდება, როგორც ფიზიკურ, ისე ფსიქოლოგიურ დონეზე). ის, რასაც აქამდე ითმენდით ან ყურადღებას არ აქცევდით, კრიტიკულ ზღვარს მიაღწევს და დაიწყებთ ამ ყველაფრის შეცვლას. წლის პირველი ნახევარშივე შეძლებთ სასიკეთო ცვლილებების განხორციელებას. განსაკუთრებით ეს ეხება ურთიერთობებს, სწავლას, სამსახურს და საცხოვრებელი პირობების გაუმჯობესებას (ძალიან მნიშვნელოვანი იქნება უძრავ ქონებასთან დაკავშირებული საკითხები). წლის დასაწყისიდან გაზაფხულის ბოლომდე პერიოდი დაუკავშირდება იმ გეგმების ორგანიზებას, სისტემატიზაციას და მატერიალიზაციას, რომლებიც გასულ წლის ბოლოს ჩაიფიქრეთ. მნიშვნელოვანი იქნება მეგობრების და ერთგული ადამიანების მხრიდან გაწეული ძალისხმევა, ამიტომ შემოთავაზებულ დახმარებაზე უარს ნუ იტყვით. შეეცადეთ ამ პერიოდში ჯანმრთელობას გაუფრთხილდეთ (განსაკუთრებული ყურადღება მიაქციეთ ნერვულ სისტემას). წლის მეორე ნახევარი უფრო მშვიდი და სტაბილური გამოდგება. მითუმეტეს, რომ ზაფხულის დასაწყისიდანვე იგრძნობთ იღბლიანობის გაძლიერებას და შესაძლოა ცხოვრების გარკვეული კონფიგურაციები თქვენდა სასარგებლოდ დალაგდეს. ზაფხულის ბოლოს მოერიდეთ საეჭვო ფინანსურ ოპერაციებს და სარისკო საქმეების დაწყებას. ეს დრო დასვენებისთვის და სიმშვიდის მოპოვებისთვის გამოიყენეთ. შემოდგომის პირველ ნახევარში ყურადღება მიაქციეთ შემოსავლებსა და გასავლებს. გონივრულად მართეთ კრედიტებთან და ფინანსურ ვალდებულებებთან დაკავშირებული საკითხები. ამ პერიოდში თუ დაგჭირდებათ, დახმარება გაბედულად ითხოვეთ. შემოდგომის მეორე ნახევარი და ზამთრის დასაწყისი სასიკეთო იქნება პირად ცხოვრებაში ახალი იმპულსების შეტანისთვის, ქორწინებისთვის, პრობლემური ურთიერთობისგან თავის დაღწევისთვის, ასევე ბავშვებთან დაკავშირებული პოზიტიური ცვლილებებისთვის. წლის ბოლოს გადახედეთ განვლილ ნაბიჯებს და შეეცადეთ არა მხოლოდ ობიექტურად შეაფასოთ და შეაჯამოთ თქვენს მიერ მიღწეული შედეგები, არამედ დასახოთ ახალი მიზნებიც.

თევზები

2024 წელი იმ სამწლიანი პერიოდის პიკი იქნება, რომელი შარშან გაზაფხულზე დაიწყო. ამ წელს მოგიწევთ თქვენთვის მნიშვნელოვანი საკითხების, პროექტების, პერსპექტივებისა და პრობლემების ყურადღებით შესწავლა, ანალიზი, სწორი დასკვნების გამოტანა და რაც მთავარია, საფუძვლიანი დალაგება. წლის პირველი ნახევრის მთავარი გზავნილი იქნება: მკაფიოობა და კონკრეტულობა! თუ იქნებით ბუნდოვანი და აბსტრაქტული, მოსალოდნელია არასასიამოვნო სიტუაციებში არც თუ იშვიათად აღმოჩნდეთ. შეეცადეთ, რომ გაზაფხულზევე დაალაგოთ ურთიერთობები ნათესავებთან, მეგობრებთან, თანამშრომლებთან და იმ ადამიანებთან, ვისაც ხშირად ხვდებით. მოიცილეთ პარაზიტი და მანიპულატორი ადამიანები. ეს ეხება ნეგატიურ ინფორმაციასაც - ისწავლეთ მისი თავიდან არიდება. გარდა ამისა, გაასაიდუმლოეთ მიზნები და შეეცადეთ, თქვენს გეგმებზე ხმამაღლა არ ისაუბროთ. საქმიან ცხოვრებაში და სამსახურში მხოლოდ ორგანიზებული და დისციპლინირებული მოქმედებებით მიაღწევთ წარმატებას. წლის მეორე ნახევარი იმ შემთხვევაში აღმოჩნდება საინტერესო და წარმატებული, თუ შექმნილ კრიზისებს პრაქტიკულ გასაღებს მოუძებნით. თეორიული მსჯელობით წინ ვერ წახვალთ, ამიტომ იყავით პრაგმატული და კონკრეტული. პრიორიტეტებში მოაქციეთ ის საკითხები, რომლებიც თქვენს კარიერულ წარმატებას, ფინანსურ შემოსავლებს და ოჯახურ ჰარმონიას უზრუნველყოფენ. ზაფხულის მეორე ნახევარში და შემოდგომის პირველ ნახევარში წინსვლა გელით, თუ თქვენი საქმიანობა მუსიკას, კინოს, თეატრს ან ლიტერატურას უკავშირდება. ეს პერიოდი ასევე სასიკეთო იქნება მოგზაურობისთვის, საქმიანი შეთანხმებებისთვის და ხელშეკრულებების გაფორმებისთვის. თუმცა ამავე პერიოდში თქვენი წარსული მოქმედებები თქვენგან გარკვეულ კორექციას მოითხოვს. ამიტომ ის ძველი შეცდომები გამოასწორეთ. მეოთხე კვარტალში დასტაბილურდება თქვენი ფინანსური მდგომარეობა, ხოლო უძრავ ქონებასთან და დაოჯახებასთან დაკავშირებული საკითხები თქვენდა სასარგებლოდ განვითარდება.

2024 წლის პოლიტიკურ-ეკონომიკური პროგნოზი: ასტროლოგიურ ჭრილში

  /© ასტროლოგი რამაზ გიგაური/



მსოფლიო



ერთი შეხედვით, 2024 წელს ცის კაბადონზე, თითქოს აღარ ფიგურირებს ის ნეგატიური პლანეტარული კონფიგურაციები, რომლებიც გასულ ორწლიან მონაკვეთში აქტიური იყო (იგივე სატურნი-ურანის კვადრატი). თუმცა ჩვენ არ უნდა დაგვავიწყდეს, რომ ამჟამად მიმდინარეობს ცხრაწლიანი კრიზისული პერიოდი, რომელიც დაიწყო 2018 წლის გაზაფხულზე და 2026 წლის გაზაფხულზე დასრულდება (ეს პერიოდი ჩემს ძველ პროგნოზებში არაერთხელ მაქვს მითითებული).

თუ ამ ცხრაწლიან პერიოდის (აქ მხედველობაში მიიღება 2018 წელიც) პიკს ავიღებთ, 2022 წელი ამ კრიზისული პერიოდის „ფსკერი“გამოდის. ოღონდ, მოძრაობის წერტილი ზემოთ კი არ ადის, აღწევს მწვერვალს და მერე დაბლა ჩამოდის. არამედ პირიქით, ქვემოთ მიემართება, აღწევს ქვედა ზღვარს („ფსკერს“) და მერე იწყებს ზემოთ ამსვლას. ამ კრიზისმა „ფსკერს“ 2022 წელს მიაღწია. 2023 წლიდან კი ნელ-ნელა ეს კრიზისული მდგომარეობა გაცნობიერდა და წამყვანმა ქვეყნებმა დაიწყეს მის მოგვარებაზე ფიქრი და მოქმედება (ცხადია, ეს კრიზისული მდგომარეობა უპირველესად რუსეთ-უკრაინის ომს უკავშირდება). მიუხედავად იმისა, რომ 2023 წელს გარკვეული ნაბიჯები გადაიდგა, ეს არც საკმარისია და არც აბსოლუტურ სიმშვიდეს ნიშნავს და ეს 2023 წლის ბოლო კვარტალმაც კარგად დაგვანახა.

აქედან გამომდინარე, 2024 წელი არ იქნება კრიზისიდან ერთბაშად ამოხტომის ან მისგან მომენტალურად თავის დაღწევის წელი. უბრალოდ, არის ზემოთ აღნიშნული „ფსკერის“ მეორე წელი, როდესაც უფრო გამოისახება ის ასე ვთქვათ, „გადამრჩენი“ ფორმები, რომლებმაც 2018 წლის შემდგომ შექმნილი კრიზისების დასრულებას (ან მყარი, სტაბილური ფორმების შექმნას მაინც) დაუკავშირდება.

„გუშონ-ბარბოს“ ციკლების მიხედვით, სწორედ 2024 წლიდან უნდა დაიწყოს გარკვეული გარდატეხის შეტანა. გასულ წელსაც ვწერდი, რომ ამ ციკლების მიხედვით 2019-23 წლები გასული ოცდაათწლიანი პერიოდის ქვედა ზღვარის რიგით მესამე მინიმალური წერტილია (პირველი 1990-98 წლებში, მეორე კი 2008-10 წლებში იყო). 2024 წელიც წარმოადგენს 2023 წლის გაგრძელებას. ამიტომ 2024 წელმა უნდა განავითაროს ის პროცესები, რომლებიც 2023 წელს დაისახა და დაიგეგმა.

2024 წლის სამი „მთავარი“ ასტროლოგიური აქტორი იქნება - სატურნი, ურანი და პლუტონი იქნება. იქიდან გამომდინარე, რომ პლანეტების კონკრეტულ ციკლების ინფორმაცია ცალკე პროგნოზად მაქვს გამოტანილი („2024 წელი და პლანეტარული ციკლები“), შევეცდები აქ მოკლედ ჩამოვაყალიბო ამ სამი პლანეტის ასტროლოგიური გავლენა პოლიტიკურ და ეკონომიკურ პროცესებზე.

მიუხედავად ზემოთ თქმულისა, რომ 2024 წელს შეუძლია წინა წლებში შექმნილი კრიზისებისთვის ერთგვარი „ბუფერის“ როლი შეასრულოს. ეს საერთოდ არ გამორიცხავს იმას, რომ ეს წელი თავის მხრივ ახალ გართულებებს არ დაუდებს სათავეს.
2024 წლიდან მთელ მსოფლიოში კიდევ გააქტიურდება სოციალური თანასწორობისთვის ბრძოლა. როგორც განვითარებულ, ისე განვითარებად ქვეყნებში დღის წესრიგში დადგება გარკვეული რეფორმების გატარების აუცილებლობა, რათა ის მოძველებული ფორმები, რომლებიც განვითარებას ხელს უშლიან, შეიცვალოს. წინააღმდეგ შემთხვევაში მოსალოდნელია ხალხში კიდევ უფრო გაძლიერდეს უკმაყოფილება და სერიოზული საპროტესტო გამოსვლებიც ვიხილოთ. ყველა რთული სიტუაცია როგორც ინდივიდუალურ, ისე გლობალურ დონეზე მოითხოვს განსხვავებულ ხედვას და არასტანდარტულ გადაწყვეტილებას. მხოლოდ მოძველებული მეთოდებით ხელმძღვანელობა სასურველი შედეგების მიღებას გააძნელებს.

ზემოთ უკვე აღვნიშნე, რომ როდესაც მიმდინარე პერიოდის გლობალურ კრიზისზე ვსაუბრობ, პირველ რიგში რუსეთ-უკრაინის ომს ვგულისხმობ. მიუხედავად 2023 წლის მეოთხე კვარტალში ის მცირეოდენი უპირატესობა, რომელიც რუსეთმა ბრძოლის ველზე მიაღწია, საბოლოო ჯამში ვერანაირად ვერ დაეხმარება. უფრო პირიქით, სწორედ 2024 წელს გამოისახება ის კონკრეტული კრიზისული ფორმები, რომლებიც რუსეთში მოსალოდნელ პოლიტიკურ ცვლილებებს შეუქცევადს გახდის. განსაკუთრებით სახიფათო იქნება გაზაფხულის მეორე ნახევარი (აპრილის მეორე ნახევარი და მაისი). სწორედ ეს 1,5 თვე განსაზღვრავს 2024 წლის მოვლენები როგორი სიმძიმით განვითარდება რუსეთში.

პოლიტიკაში მოვლენები გაცილებით ხისტად განვითარება და ბიზნესის მსგავსად, აქაც რყევები წლის დასაწყისში და დასასრულში იქნება. სწორედ პირველი და მეოთხე კვარტლებია ის პერიოდები, როდესაც 2024 წლის მთავარი მოვლენები მოხდება, ამიტომ ყველას, ვისაც 2024 წელს ამ მიმართულებით წარმატების მიღწევა მართებს, წლის დასაწყისი მაჟორულ ნოტზე უნდა დაიწყოს და ასევე დაასრულოს. იმ პოლიტიკურმა ძალებმა, რომლებმაც 2022-23 წლებში დარტყმა და ნგრევა მიიღეს, 2024 წელი გაცნობიერებისა და აღდგენისთვის უნდა გამოიყენონ. თუ 2023 წელი სიმბოლურად, გზაჯვარედინს შეიძლება შევადაროთ, როდესაც ამა თუ იმ პოლიტიკურმა ძალამ მიიღო გადაწყვეტილება და არჩევანი გააკეთა თუ საით უნდა წასულიყო, 2024 წელს უკვე ნათლად და მკაფიოდ გამოჩნდება, რამდენად სწორი იყო მათი გადაწყვეტილებები. 2024 წელს რომელი პოლიტიკური ძალებიც ვერ შეძლებენ საკუთარი შეცდომების გაცნობიერებას და ვერ მოასწრებენ ძალების აღდგენას, პოზიციების დათმობა მოუწევთ (რომელიც შესაძლოა ნაწილობრივ ან სრული პოლიტიკური თვითლიკვიდაციით დასრულდეს).

მიუხედავად სერიოზული რყევებისა, 2024 წელი მსოფლიოს ეკონომიკურ ცხოვრებაში მაინც მოიტანს გარკვეულ დადებით ცვლილებებს. ბიზნესში თუ ფინანსურ ბაზარზე რყევები იანვარ-თებერვალში და ნოემბერ-დეკემბერში იქნება. დანარჩენ პერიოდში შესაძლებელი იქნება არა მხოლოდ სტაბილურების მიღწევა, არამედ ახალი პერსპექტივების განვითარება და წარმატებების მიღწევაც. განსაკუთრებით ეს შეეხება 2024 წლის მეორე ნახევარს და იმ კომპანიებს, რომლებიც დაკავშირებულია ინფორმაციასთან და ტექნოლოგიებთან (იგივე ციფრული ბიზნესი). დიდი ალბათობით, სწორედ 2024 წლის მეორე ნახევარში ვიხილავთ ახალ გარღვევებს ნანო-ტექნოლოგიებთან, ასევე ინტერნეტთან, კომპიუტერებთან, მობილურ ტელეფონებთან და მსგავს ტექნოლოგიებთან თუ ტექნიკასთან დაკავშირებით. დიდი ალბათობით, ვიხილავთ ბევრ საინტერესო აპლიკაციის და სასწავლო პროგრამის დაანონსებასა და ბაზარზე გამოსვლასაც.

ასტრონუმეროლოგიური თვალსაზრისით 2024 წელი დაკავშირებულია ციფრებთან 2 და 4. ეს არის მთვარისა და ურანის კომბინაცია, რომელიც იძლევა წარსულიდან თავის დაღწევის და ცვლილებების განხორციელების ძლიერ სურვილს. გარდა ამისა, ეს მიანიშნებს ხალხის რევოლუციურ განწყობებს და ძლიერ პროტესტს. 2024 წლის ასტრონუმეროლოგიური ჯამი გვაძლევს 8-ს (სატურნი) - პასუხისმგებლობა და ამ პასუხისმგებლობის თანაბრად გადანაწილების სურვილი, კანონი და კანონის საყოველთაოდ დაცვის სურვილი, ჩარჩო და ჩარჩოში ყველას მოქცევის სურვილი. დასავლურ ნუმეროლოგიაში ციფრი 8 წინაღობა და ამ წინაღობის გადალახვაა. ეზოთერულ ნუმეროლოგიაში 8 - ეს არის დაუსრულებლობა, რაც ქმნის იმის ალბათობას, რომ 2024 წელმა საბოლოოდ ვერ გადაწყვიტოს ის კრიზისები, რომლებიც ამავე ან წინა წელს წარმოიქმნა. თუმცა ის მკვეთრად ცვლის სტრუქტურას (პოლიტიკურს, ეკონომიკურს, სოციალურს თუ ინდივიდუალურს). ასე რომ, ნუმეროლოგიურად 2024 წელი დიდი ცვლილებების წლად შეიძლება ჩავთვალოთ.


საქართველო


როგორც გასული წლის პროგნოზში ვწერდი, 2023 წელი საქართველოს პოლიტიკურ ცხოვრებაში ორ ძირითად ეტაპს მოიტანდა. პირველს (2023 წლის იანვარი - 2023 წლის ივლისი), პირობითად „შეთანხმება“ ვუწოდეთ, ხოლო მეორეს (2023 წლის აგვისტოდან - 2024 წლის ბოლომდე) „დაპირისპირება“, „ხიფათი“.

პირველი ეტაპი სრულიად უშედეგოდ დასრულდა. უფრო პირიქით, პოლიტიკურ ძალებს შორის ურთიერთობა კიდევ უფრო გამწვავდა. მიუხედავად ევროპული ორგანიზაციების რეკომენდაციებისა, ვერ ხერხდება თუნდაც ქვეყნის საგარეო პოლიტიკის მიმართულებით ურთიერთშეთანხმება. მხარეები ერთმანეთის სრულ პოლიტიკურ განადგურებას ცდილობენ. ბუნებრივია, აქ სრული უპირატესობა აქვს სახელისუფლო პარტიას, რომელიც ოპოზიციური ველის სრულ „მოსწორებას“ ცდილობს. ეს დიდი შეცდომაა და საქართველოში მსგავსი მიდგომა თითქმის ყოველთვის ანადგურებს არა მხოლოდ ოპოზიციას, არამედ მმართველ ძალასაც.

თუ ზემოთ ნახსენებ ორ პერიოდს მივუბრუნდებით, საქართველო იმყოფება მეორე ეტაპზე და ეს მიანიშნებს პოლიტიკური პარტიები კიდევ უფრო მეტი სიმწვავით დაუპირისპირდებიან ერთმანეთს და ამის პიკი 2024 წლის მეოთხე კვარტალში იქნება.
შანსი იმისა, რომ საქართველოში პოლიტიკური მოვლენები დაცხრეს, დასტაბილურდეს და სერიოზულ კატაკლიზმებამდე არ მივიდეს, რაც გულისხმობს ისევ და ისევ გარკვეულ შეთანხმებას, იქნება 9 მაისიდან - 28 ივნისამდე. ამას შესაძლოა დავარქვათ, შედარებით სუსტი, მაგრამ მაინც შეთანხმების გარკვეული შანსი. წინააღმდეგ შემთხვევაში, საქართველოშიუ ურთულესი შემოდგომა იქნება, რამაც ქვეყანა შესაძლოა პოლიტიკურ კრიზისებამდე მიიყვანოს. რაც, რასაკვირველია, პირველ რიგში მის ევროინტეგრაციას შეუშლის ხელს.

თუ პროგნოზირებისთვის მზის ვერძის ნიშანში ინგრესიას გამოვიყენებთ (20.03.2024. 7:07. თბილისი), ვნახავთ, რომ ამ ჰოროსკოპში მზე-ნეპტუნის შეერთება შეერთებულია თევზების ნიშანში მყოფ ასცენდენტთან. ეს მიანიშნებს აბსურდამდე და შეიძლება იტქვას, ჰიპნოზამდე მისულ ტყუილის, სიცრუის ტირაჟირებას. ეს ჰგავს ე. წ. „სასაცილო სარკეების“ ოთახში შესვლას, სადაც ადამიანი თავის გარეგნობას მხოლოდ ოთახის შესასვლელისას და გამოსვლისას ხედავს, რადგან სწორედ აქ ჰკიდია ნამდვილი სარკე. სხვაგან ყველგან მრუდე სარკეებია, სადაც გამოსახულება ილუზიური და არასწორია. 2024 წლის გაზაფხულის ბუნიობიდან ერთი წლის განმავლობაში და საქართველო გაეხვევა სიცრუის ბადეში, საიდანაც თავის დაღწევა იოლი არ იქნება. ყველას მართებს შინაგანი სიჯანსაღე, პრაქტიკულობა, პრაგმატულობა, რათა არ აჰყვნენ ემოციას და რაც მთავარია, მარტივად არ ენდონ იმ ინფორმაციას, რომელსაც პოლიტიკური მხარეები სთავაზობენ (ბუნებრივია, პირველ რიგში სახელისუფლო პარტია იგულისხმება, რადგან მას ამის გაცილებით ძლიერი ბერკეტები გააჩნია). ამ ჰოროსკოპის მიხედვით, საქართველოსთვის რთული პერიოდები იქნება ივლისი, აგვისტოს პირველი ნახევარი, ოქტომბრის მეორე ნახევარი, ნოემბერი და დეკემბრის პირველი ნახევარი.

რაც შეეხება საქართველოს მუნდანურ ჰოროსკოპს. მისი მიხედვით, 2024 წელს შესაძლებელია ორი ნეგატიური პერიოდი გამოვყოთ: 10 ივნისიდან - 25 ივლისამდე და შემდეგ უკვე 25 სექტემბრიდან- 15 დეკემბრამდე. ამ პერიოდში პოლიტიკური თვალსაზრისით, ტემპერატურა თავის მაქსიმუმს მიაღწევს და თუ პოლიტიკურ ძალთა მხრიდან გონივრული ნაბიჯები არ გადაიდგა (ისევ და ისევ ხელისუფლების მხრიდან), არ არის გამორიცხული არა მხოლოდ საპროტესტო გამოსვლები ვიხილოთ, არამედ საქმე ფიზიკურ დაპირისპირებამდეც კი მივიდეს.

2024 წელი და პლანეტარული ციკლები (ასტროლოგიური ანალიზი და პროგნოზი)


რამაზ გიგაური/

 

პლუტონი

 

პლუტონი - ასტროლოგიური თვალსაზრისით, „უნივერსალური“ (ეპოქალური) პლანეტაა (მიუხედავად იმისა, რომ ასტრონომიაში ის ჯუჯა პლანეტაა და სხვა ჯუჯა პლანეტებთან ერთად შედის . . „კოიპ


ერის
სარტყელში“). მისი ზოდიაქალური ციკლი საკმაოდ ხანგრძლივია და გრძელდება 250 წლამდე (ერთი ნიშნის გავლას კი ის საშუალოდ 20-30 წელი უნდება).

2023 წელს პლუტონმა მცირე ხნით შეიცვალა ზოდიაქოს ნიშანი და მან თხის რქიდან მერწყულში გადაინაცვლა. მერწყულში ის 2023 წლის 24 მარტს გადავიდა და შემდგომ რეტროგრადული მოძრაობით 2023 წლის 10 ივნისს ისევ თხის რქაში დაბრუნდა (მერწყულში ხელახლა ის 2024 წლის 21 იანვარს ისევ გადავა).

ასტროლოგიური თვალსაზრისით, პლუტონის ეს ციკლი მიანიშნებს ახალი მსოფლიო პოლიტიკურ-ეკონომიკური რეალობის ფორმირებაზე. 2024 წელს ახალი ძალით გაგრძელდება იმ ძველი პოლიტიკური თუ ეკონომიკური ფორმების ნგრევა-შენება და ტრანსფორმაცია,. რომელიც ჯერ კიდევ 2022-23 წლებში დაიწყო. ბევრი პოლიტიკური სისტემა ძლიერი რყევის და კრიზისის ქვეშ მოექცევა და არ არის გამორიცხული გამოჩნდეს დაშლის ნიშნები. ბუნებრივია, ეს უპირველესად შეეხება ავტოკრატიულ ქვეყნებს და ბუნებრივია, ამის ნიშნები კიდევ უფრო გამოიხატება უპირველესად რუსეთში (მითუმეტეს, რომ რუსი ასტროლოგების თანახმად, რუსეთს სწორედ მერწყულის ნიშანი შეესაბამება). მოსალოდნელია გაძლიერდეს ასე ვთქვათ, „თვითგამორკვევისტალღა, რომელიც ბევრი მიმართულებით გააძლიერებს კრიზისულ მდგომარეობას.

ინდივიდუალურ დონეზე, პლუტონის ეს ინგრესია მნიშვნელოვანი იქნება იმ ადამიანებისთვის, რომლებსაც პირად ჰოროსკოპში მერწყულის პირველ და მეორე გრადუსში რომელიმე პლანეტა ან თუნდაც ასცენდენტი გააჩნიათ. მათ ცხოვრებაში დაიწყება (ან გაგრძელდება) მინიმუმ ორწლიანი პერიოდი, რომელიც მნიშვნელოვან ტრანსფორმაციას მოიტანს

 

ნეპტუნი

 

ნეპტუნი მხოლოდ 2025 წელს გადაინაცვლებს ვერძის ზოდიაქოში. 2024 წელს კი ის თევზების 25- გრადუსიდან 30- გრადუსებში იმოძრავებს. წლის პირველი ნახევარი დირექტიულად იმოძრავებს, წლის მეორე ნახევარში კი, კონკრეტულად კი 1 ივლისიდან - 8 დეკემბრამდე - რეტროგრადული იქნება. 8 დეკემბრიდან ნეპტუნის მოძრაობა ისევ დირექტიული იქნება.

მისი მნიშვნელოვანი ასპექტებიდან უნდა გამოვყოთ მარსის მოძრაობა თევზების ზოდიაქოში და შეერთება ნეპტუნთან. ეს იქნება 22 მარტიდან - 5 მაისის ჩათვლით. ეს იქნება საკუთარი იდეალებისთვის ბრძოლის პერიოდი, როდესაც ადამიანებს გაუჩნდებათ რაღაც დიადის გაკეთების სურვილი. გარდა ამისა, შესაძლოა როგორც პირად, ისე სახელმწიფოებრივ დონეზე გამჟღავნდეს რაღაც საიდუმლო და ამის გამო შეიქმნას მთელი რიგი გართულებები. ამ პერიოდში მოიმატებს ცდუნების, მოტყუების და შანტაჟის ალბათობაც. გარდა ამისა, გლობალურ დონეზე, მოსალოდნელია სერიოზული ტექნიკური ავარია (მომწამვლელ ნივთიერებასთან, ბუნებრივ აირთან, ნავთობთან ან სხვა ტიპის საწვავთან დაკავშირებით) ან შესაძლოა ეს იყოს ბუნებრივი კატაკლიზმი (დავუშვათ, წყალდიდობა და ამასთან დაკავშირებული გართულებები). ამ პერიოდში ასევე ყურადღებას ითხოვს ჯანმრთელობასთან დაკავშირებული საკითხებიც, ვირუსების გააქტიურება და მსგავსი თემატიკა

 

ურანი

 

ურანი, ნეპტუნის მსგავსად, ზოდიაქოს ნიშანს მხოლოდ 2025 წელს შეიცვლის (კუროდან ტყუპში გადაინაცვლებს), შემდეგ რეტროგრადული მოძრაობით ისევ დაბრუნდება კუროში და 2026 წლის გაზაფხულზე საბოლოოდ გადავა ტყუპის ნიშანში.

2024 წელს ის კუროს ნიშანში იმოძრავებს. 23 იანვარს გადავა დირექტიულ ფაზაში და 29 აგვისტომდე დირექტიულ ფაზაში იმოძრავებს. თუმცა 29 აგვისტოს ისევ რეტროგრადულად დაიწყებს მოძრაობს და ეს ფაზა ამჯერად 2025 წლის 27 იანვრამდე გასტანს.

რა ტენდენციებს მოიტანს ურანის კუროში ზოდიაქოში მოძრაობა. ფაქტობრივად, ის დასრულებისკენწაიყვანსიმ ტენდენციებსა და სიტუაციებს, რომლებიც 2018 წლის გაზაფხულის შემდგომ გააქტიურდა. აქედან გამომდინარე, 2018 წლის გაზაფხულიდან - 2026 წლის გაზაფხულამდე პერიოდი ერთ ციკლად უნდა მოვიაზროთ. ასტროლოგიური თვალსაზრისით, ურანი კუროს ნიშანშიდაცემულია“, ამიტომ ამ დროს დაშლას იწყებს ის ფორმები, რომლებიც მოძველდა და განახლებას აღარ ექვემდებარება. გლობალურ დონეზე, ბუნებრივია ეს იქნება პრობლემები იმ ქვეყნებში, რომლებიც ეწინააღმდეგებიან განვითარებას და მოძველებული სისტემებით ცდილობენ პოლიტიკური თუ ეკონომიკური პროცესების მართვას.

ურანი-ალგოლის შეერთება: საინტერესოა, რომ 2024 წლის 26 ივნისიდან - 2024 წლის 10 ნოემბრამდე ურანი . . „უძრავ ვარსკვლავსალგოლს შეუერთდება. თუ ვარსკვლავს ასტროლოგიურად მოკლედ განვიხილავთ, ვნახავთ, რომ ეს არის (ბეტა) ვარსკვლავი პერსევსის თანავარსკვლავედში. მას ძველსპარსულ წყაროებში აჰრიმანი ეწოდება. ეს ზოროასტრიზმში ბოროტი სულის სახელწოდებაა. ძველბერძნულ წყაროებთან ის მედუზა გორგონას თავთან ასოცირდება. ბერძნული მითის თანახმად, მედუზა გორგონა სწორედ პერსევსმა მოკლა. მისი თავი ქალღმერთ ათენას ფარზე იყო გამოსახული და მნახველს ადგილზე აქვავებდა. ალგოლი ასტროლოგიაში ძალიან ნეგატიურ ვარსკვლავად ითვლება. აქედან გამომდინარე, შეიძლება ითქვას, რომ ურანის გავლენის მიხედვით, 2024 წელს ყველაზე რთული და კრიზისული სწორედ 26 ივნისიდან 10 ნოემბრამდე პერიოდია. ამ 4,5 თვიან პერიოდში მსოფლიო გაივლისბეწვის ხიდზედა თუ უფრო დავაზუსტებთ, ამ ესბეწვის ხიდიიქნება რუსეთ-უკრაინის ომი. ორივე ქვეყანაში შესაძლოა მოვლენები ძალიან გართულდეს, თუმცა რუსეთში მდგომარეობა საერთოდ, შესაძლებელია, რომ მდგომარეობა სახელმწიფოებრივ კრიზისამდე და ანარქიამდეც მივიდეს

 

სატურნი

 

სატურნი როგორც წინა წელს, 2024 წელშიც თევზების ზოდიაქოში იმოძრავებს. რეტროგრადულად ის 29 ივნისიდან - 15 ნოემბრამდე პერიოდში იმოძრავებს. დანარჩენ დროს კი მისი მოძრაობა დირექტიული იქნება. სატურნის გავლენით, ბევრი ადამიანის ცხოვრებაში გააქტიურდება ასე ვთქვათ, „კარმული ვალები“, რაც გამოიხატება წარსულში დაშვებული შეცდომების გამოვლენაში ან სულაც აწმყოში ბევრი რამის ვერგააზრებაში. ეს ყველაფერი აქტიურად სწორედ ზემოთ ხსენებულ პერიოდში გამოვლინდება (29 ივნისი - 15 ნოემბერი). ვისაც შეცდომის დაშვება არ სურს, მოუწევს მეტი პრაქტიკულობისა და პრაგმატულობის გამოვლენა. ეს იქნება ერთგვარი დამზღვევი თვისებები, რომლებიც ადამიანებს საშუალებას მისცემს, რომ ილუზიური გარემოებებს თავი აარიდონ. ასარჩევ სიტუაციებში ლოგიკაზე მეტად ადამიანებს ინტუიცია და შინაგანი ხმა დაეხმარებათ.

გარდა ამისა, მნიშვნელოვანი ხდება შინაგანი რწმენის გაძლიერება და ამის ჯანსაღად გამოყენება. საკუთარი თავის და შესაძლებლობების რწმენა ბევრ ადამიანს სწორი დასკვნების გაკეთების საშუალებას მისცემს და მიზანსწრაფვასაც გაუძლიერებს. ყურადღებას ითხოვს ზომიერების მომენტიც, რადგან არსებობს იმის ალბათობაც, რომ სიკეთის სახელით გარშემომყოფებთან მოხდეს საკუთარი პიროვნების, ენერგიის, დროის თუ ფინანსების მსხვერპლად შეწირვა და ეს არა დადებითად, უფრო პირიქით, უარყოფითად აისახოს ურთიერთობებზე.

ამ წელს კიდევ უფრო მნიშვნელოვანი იქნება აზროვნების პროცესის და ემოციის მართვა. დადებითზე უფრო მეტი ყურადღების გამახვილება და მომავლის მიმართ ასევე დადებითად განწყობა

 

იუპიტერი

 

2024 წელს იუპიტერი გააგრძელებს წინა წელს დაწყებულ ციკლს - კუროს ზოდიაქოში მოძრაობას და ტყუპის ნიშანში მხოლოდ 26 მაისს გადაინაცვლებს და იქვე დარჩება 2025 წლის 10 ივნისამდე. იუპიტერი 2024 წელს რეტროგრადულად მოძრაობას 4 სექტემბერს დაიწყებს და ზუსტად წლის ბოლო დღეს, 31 დეკემბერს დაასრულებს. აქედან გამომდინარე, შეიძლება ითქვას, რომ გაზაფხულის ბოლომდე გაძლიერებული იქნება მატერიალური მსოფლმხედველობა და მნიშვნელოვანი იქნება კონკრეტული ფორმების შექმნა. ეს განსაკუთრებით იმ საკითხებს ეხება, რომლებიც 2023 წლის მეორე ნახევარში გააქტიურდა. ეს დრო მნიშვნელოვანი იქნება ფინანსური საკითხების მოგვარებისთვის, ასევე ფულის სესხება-გასესხებასთან, ინვესტირებასთან, დივიდენდების მიღებასთან და კრედიტებთან დაკავშირებული საკითხების მართვა-ორგანიზებისთვის. გაზაფხულის ბოლოდან წლის ბოლომდე კი წარმატებას მოიტანს კომუნიკალურობა. მნიშვნელოვანი გახდება ინფორმაციასთან, საბუთებთან, შეხვედრებთან, მოლაპარაკებებთან, მოგზაურობასთან დაკავშირებული საკითხები. წინ წამოიწევს ის თემები, რომლებიც სწორედ ინფორმაციასა და კომუნიკაციას უკავშირდება

 

მარსი

 

მარსი 2024 წლის განმავლობაში მშვილდოსნის ნიშნიდან ლომის ნიშნამდე დირექტიულად იმოძრავებს. ის რეტროგრადულ ფაზაში მხოლოდ 7-31 დეკემბრის შუალედში იქნება. წლის პირველ ნახევარში მისი ყველაზე რთული ფაზა იქნება 30 აპრილიდან - 9 ივნისამდე, როდესაც მარსითავისნიშანს - ვერძს გაივლის. აქ მისი გამოვლენა მაქსიმალური და ძალიან ძლიერია, რაც გამოიხატება მაღალ დინამიკაში, ბრძოლისუნარიანობაში, აჩქარებულობაში, ნეგატიური კუთხით იმპულსურობაში, კონფლიქტურობასა და დაპირისპირებებში (ფაქტობრივად, ეს არის მაისი და ივნისის პირველი დეკადა).

მარსის ციკლიდან გამომდინარე, 2024 წლის კიდევ ერთ რთულ პერიოდად უნდა ჩაითვალოს ბოლო, მეოთხე კვარტალი. კონკრეტულად 5 ოქტომბერს დაიწყება მარსის . . „მარყუჟიდა 2025 წლის 2 მაისამდე გაგრძელდება. აქედან გამომდინარე, მეოთხე კვარტალში ასევე მოიმატებს კონფლიქტურობის და აგრესიის გამოვლენის ალბათობა. მითუმეტეს, რომ სწორედ ამ პერიოდში მარსი დაუპირისპირდება პლუტონს და ეს კიდევ ერთი ასტროლოგიური მაჩვენებელია, რომელიც გვაფიქრებინებს, რომ 2024 წლის ბოლო სამი თვე საკმაოდ რთული, წინააღმდეგობრივი და საშიში იქნება. ეს განსაკუთრებით შეეხება პოლიტიკურ და სამხედრო-საომარ საკითხებს. ამ პერიოდშიც, ისევე როგორც გაზაფხულის მეორე ნახევარში ყველას წინდახედულება, სიფრთხილე და ყურადღების გამოჩენა მართებს

 

შავი მთვარე (ლილიტი)

 

2024 წელს შავი მთვარის (ლილიტის) ზოდიაქოს ნიშნებში ციკლურობა ასეთი იქნება:

(3/10/2023) 1 იანვარი - 29 ივნისი - ქალწულის ნიშანი;

29 ივნისი - 31 დეკემბერი (27/03/2025) - სასწორის ნიშანი

აქედან გამომდინარე, შავი მთვარის დინამიკაუხეშადშეიძლება ორ ნაწილად გავყოთ. 2024 წლის პირველ ნახევარში ის წინ წამოწევს ქალწულის ნიშნის ნეგატიურ თვისებებს: კრიტიკულობას, პრეტენზიულობას, არაემოციურობას, პედანტიზმს, მეწვრილმანეობას, მოუსვენრობას, აფორიაქებულობას, შფოთვას, პერფექციონიზმსა და წვრილმანებზე ჩაციკვლას.

2024 წლის მეორე ნახევარში კი გააქტიურდება სასწორის ნიშნის ნეგატიური თვისებები: მერყეობას, გაუბედაობას, ნარცისიზმს, წვრილმანების გამო ფორიაქს, „დამალვისდა გაქცევის სურვილს, ასარჩევ სიტუაციაში ქმედების უნარის დაკარგვას, განწყობილების მოულოდნელ ცვლილებისკენ და კამათისკენ მიდრეკილებას.

2024 წლის პირველი ნახევარი ცდუნების და შეცდომების დაშვების კუთხით ნეგატიური იქნება ქალწულის ნიშნით დაბადებული ადამიანებისთვის, წლის მეორე ნახევარს კი იგივე კუთხით ნეგატიური გავლენა ექნება სასწორებზე

 

მზისა და მთვარის დაბნელებები

 

2024 წელს მზის ორი დაბნელება დაფიქსირდება: 8 აპრილს (სრული) და 2 ოქტომბერს (რგოლური). რაც შეეხება მთვარის დაბნელებას, ისიც ორი იქნება: 25 მარტს (ნახევრად ჩრდილური) და 18 სექტემბერს (ნაწილობრივი). ასე რომ, 2024 წელს დაბნელების ორ . . „დერეფანსგავივლით 25 მარტიდან - 8 აპრილამდე და 18 სექტემბრიდან - 2 ოქტომბრამდე. ეს პერიოდები საკმაოდ არასტაბილური და რთული იქნება.

 

მარსის რეტროგრადული მოძრაობა

 

* 7-31 დეკემბრის შუალედში;

2024 წელს მარსი რეტროგრადულად იმოძრავებს წლის ბოლოს, 7-31 დეკემბრის შუალედში (უფრო სწორედ ეს რეტროგრადული ფაზა 2025 წლის 24 თებერვლამდე გაგრძელდება). სწორედ ამ პერიოდის დასრულების შემდეგ გაჩნდება იმის შესაძლებლობა, რომ ადამიანებმა საკუთარი ვალდებულებები გააცნობიერონ და ყველა ის საქმე თუ პროექტი, რომელიც მთელი წლის განმავლობაში ვერ დაასრულეს, 2024 წლის დეკემბერში დაასრულონ ან დაასტაბილურონ მაინც

 

მერკურის რეტროგრადული მოძრაობა

 

პერიოდი, როდესაც მერკური რეტროგრადულია, საშუალოდ სამ თვეში ერთხელ ხდება და ის 22-23 დღე გრძელდება. 2024 წელს, თუ არ ჩავთვლით 1-2 იანვარს, მერკური რეტროგრადულად სამჯერ იმოძრავებს:

* 2-25 აპრილის შუალედში;

* 5-29 აგვისტოს შუალედში;

* 26 ნოემბრიდან - 16 დეკემბრამდე.

რეტროგრადული მერკურის პერიოდში არასასურველია:

* მსხვილი შენაძენები;

* ახალ სახლში გადასვლა,

* იმ ადგილზე წასვლა, სადაც ადამიანი პირველად უხდება გამგზავრება;

* ახალი საქმეების დაწყება;

* საქმიანი შეხვედრა და მოლაპარაკებების წარმოება;

* შეთანხმება და საბუთების გაფორმება;

* მნიშვნელოვანი ინფორმაცია გადამოწმებას საჭიროებს.

რა შეიძლება გავაკეთოთ რეტროგრადული მერკურის პერიოდში?!

* შევაგროვოთ ინფორმაცია და დავიწყოთ საქმე რეტროგრადული პერიოდის გასვლისთანავე;

* წარსულის ანალიზი;

* იმ საქმეება მიტრიალება, რომლებიც რაიმე მიზეზით ვერ დავასრულეთ;

* ძველი კავშირების აღდგენა;

* გადადებული საქმეების გაგრძელება;

* იმის შესწავლა და აუდიტი, რაც უკვე გაკეთდა;

* დაშვებული შეცდომების გამოსწორება.