Ramaz Gigauri - Georgian Astrologer, Metaphysician, Motivational Speaker

რა გველის 2012 წელს

2011-12-24T15:57:00.016+04:00

(პოლიტიკურ-საზოგადოებრივი პროგნოზი)

აღმოსავლური ასტროლოგიის მიხედვით დრაკონის წელიწადი (1916, 1928, 1940, 1952, 1964, 1976, 1988, 2000, 2012) აქტიურისა და ენერგიულობის პერიოდია, აღმოსავლეთში შავი ფერი წყლის სტიქიასთან, ხოლო დრაკონი მამრულ, აქტიურ თვისებებთან ასოცირდება და მისი ენერგია ზეციური ძალების სიმბოლოდ მიიჩნევა.
2012 (დრაკონის) წელს კოსმოსის ბიორიტმები ადამიანებზე აქტიურად იმოქმედებს და უბიძგებს რადიკალური ცვლილებებისკენ და ეს ცხოვრების ყველა სფეროში აქტიურად გამოვლინდება.
წყლის სტიქია გავლენას ახდენს ემოციურ სამყაროზე, ამიტომ დრაკონის აქტიური, მამრული ენერგიისა და წყლის "ინ", ანუ მდედრული ენერგიის ერთიანობა ამ წელს საკმაოდ უჩვეულო ცვლილებებს მოიტანს.

მსოფლიო. 2012 წელს იუპიტერის, სატურნის, ურანისა და პლუტონის ნეგატიური ასპექტების (კავშირების) კოსმობიოლოგიური გავლენა მსოფლიოს პოლიტიკურ-საზოგადოებრივ ცხოვრებაში მეტად დაძაბულ ტენდენციებს შექმნის, რაც გამოიხატება ბევრ ქვეყანაში გართულებულ პოლიტიკურ მდგომარეობაში, ბუნებრივ კატაკლიზმებსა და ტექნიკურ ავარიებში (ამის ალბათობა განსაკუთრებით მაღალი იქნება 2012 წლის მეორე და მესამე კვარტალში, ანუ აპრილიდან სექტემბრამდე).
სოციალური დონეზე აუცილებელი გახდება რეფორმების გატარება, რომლებსაც ბევრ ქვეყანაში არცთუ უმტკივნეულო და შესაძლოა ძალადობრივი ფორმებიც კი ჰქონდეს. გაგრძელდება საპროტესტო გამოსვლები ბევრ ქვეყანაში და ეს მოსალოდნელია არა მხოლოდ არაბულ, აფრიკულ და აზიურ, არამედ ევროპულ ქვეყნებში და ასევე ამერიკის შეერთებულ შტატებშიც კი. შესაძლოა ერთმანეთისადმი მტრულად განყობილ სახელმწიფოებს შორის დაძაბულობამ პიკს მიაღწიოს, არ გამოირიცხება შეიარაღებული დაპირისპირებების დაწყებაც (ამის ალბათობა მაღალი იქნება ახლო აღმოსავლეთში და აზიის კონტინენტზე). მაღალია ალბათობა შეიარაღებული თავდასხმა ან ტერორისტული აქტი მოხდეს რაიმე პოლიტიკური შეხვედრის, ეკონომიკური ფორუმის, სამიტის ან სპორტული ღონისძიების დროს, რამაც თავის მხრივ შესაძლოა კიდევ უფრო რთული სიტუაციების დაწყებას მისცეს საფუძველი (ამის ალბათობა მაღალი იქნება 2012 წლის წლის მეორე და მესამე კვარტალში).
პოლიტიკური კრიზისები, საპროტესტო გამოსვლები და ტერორისტული აქტები მოსალოდნელია ძალიან ბევრ ქვეყანაში, მათ შორის არაბეთის ნახევარკუნძულზე და იქ მდებარე არაბულ ქვეყნებში, პოსტ–იუგოსლავიურ ქვეყნებში, რუსეთში, თურქეთში, ირანში, ისრაელში და ასევე კავკასიაში.
წამყვანი ქვეყნების მხრიდან იქნება ეკონომიკური მდგომარეობის შედარებით დასტაბილურების მცდელობები, თუმცა ეს არ შეიძლება ითქვას გაზაფხულის დასასრულსა და ზაფხულის პირველ ნახევარზე, როდესაც მთელ რიგ ქვეყნებში ხელისუფლების წარმომადგენელთა მხრიდან დაშვებული შეცდომები და მიღებული ილუზიური გადაწყვეტილებები მწვავე კრიზისს დაუდებს სათავეს.

საქართველო. პოლიტიკურ-ეკონომიკური ცვლილებები და ტენდენციები, რომლებიც დამახასიათებელი იქნება 2012 (დრაკონის) წლისთვის და რომლებიც მთელს მსოფლიოში აქტუალური იქნება, საქართველოზეც აისახება.
2012 წელს მკვეთრად გააქტიურდებიან პოლიტიკური სუბიექტები, რადგან დრაკონის წელი მოდუნების საშუალებას არავის მისცემს.
თუ 2011 (კურდღლის) წელი ურთიერთობების ჩამოყალიბებისა და კავშირების დამყარების წელი იყო, 2012 (დრაკონის) წელს ეს ურთიერთობების და კავშირების სრულად ჩამოყალიბებისა და საბოლოო გაერთიანების ფაზაში გადავა. მოსალოდნელია გაერთიანდეს ბევრი პოლიტიკური პარტია თუ საზოგადოებრივი მოძრაობა და პოლიტიკურმა სუბიექტებმა უფრო მეტ გაძლიერებაზე დაიწყოს ზრუნვა.
2012 წლის წლის პირველი კვარტალში პლანეტების გავლენა, ასე თუ ისე, მშვიდი იქნება, თუმცა შედარებით ნეგატიური იქნება 21-31 იანვრის, 25-29 თებერვლის, 1-7 მარტის და 25-31 მარტის პერიოდი. სწორედ ამ პერიოდშია მოსალოდნელი როგორც მსოფლიო, ისე ქართულ პოლიტიკაში სერიოზული ცვლილებები.
2012 წლის მარტში (პირველი კვარტალის ბოლოს) და ასევე აპრილში (მეორე კვარტლის დასაწყისში) განსაკუთრებით დიდი იქნება პოლიტიკური პროვოკაციების და საპროტესტო გამოსვლების ალბათობა, გაზაფხულზე ასევე მოიმატებს ხმაურიანი დაპატიმრებების ალბათობაც.
2012 წლის ყველაზე რთული და კრიზისული პერიოდი მეორე კვარტალი იქნება და ეს აპრილის დასაწყისიდანვე შესამჩნევი გახდება. აპრილში მოიმატებს ტექნიკური ავარიებისა და ეკოლოგიური კატასტროფების რიცხვი, ამიტომ, ყურადღება მართებთ შესაბამის სამსახურებს, რადგან გაიზრდება წყალდიდობების ალბათობა. მთელი მსოფლიოს მასშტაბით აპრილიდან – აგვისტოს ჩათვლით გაიზრდება შეირაღებული დაპირისპირებების, ტერორისტული აქტებისა და სამხედრო ოპერაციების ალბათობა (საქართველოში ამ კუთხით ყურადღებას ითხოვს ის ტერიტორიები, სადაც საქართველოს იურისდიქცია არ ვრცელდება).
2012 წლის მესამე კვარტალი (ივლისი-აგვისტო-სექტემბერი) შედარებით მშვიდი იქნება, თუმცა აგვისტოსა ბოლოსა და სექტემბრის პირველი დეკადაში დედამიწა მოექცევა კოსმოსის დისჰარმონიული გავლენის ქვეშ. სწორედ შემოდგომის დასაწყისში ბევრ ქვეყანაში და მათ შორის საქართველოში მოსალოდნელია სოციალური, პოლიტიკური თუ ეკონომიკური ძვრები, ამ პერიოდში ასევე მოიმატებს ტექნიკური ავარიების, ავტო და ავიაკატასტროფების, ხანძრების ალბათობა.
2012 წლის მეოთხე კვარტალში, განსაკუთრებით ოქტომბრის დასაწყისში შესაძლებელი იქნება ბევრი პრობლემის მოგვარება. თუმცა ოქტომბრის ბოლოსა და ნოემბრის დასაწყისში და შემდეგ უკვე 2012 წლის დასასრულს საერთო სიტუაცია შესაძლოა, მკვეთრად გაუარესდეს.
მთლიანობაში 2012 წელი მოიტანს სერიოზულ ცვლილებებს როგორც პოლიტიკაში, ისე ეკონომიკაში, საზოგადოებრივ ცხოვრებაში, სპორტში თუ ხელოვნების სხვა და სხვა დარგებში.
იუპიტერი წლის პირველ ნახევარში კუროს ზოდიაქოში იმოძრავებს, ამიტომ, წლის პირველი ნახევარი ზოგადად მიწის სტიქიის ნიშნებისთვის (კურო, ქალწული, თხის რქა) იქნება სასიკეთო.

ბიძინა ივანიშვილი. იქიდან გამომდინარე, რომ ბიძინა ივანიშვილის (რომელიც მერწყულის ნიშნით არის დაბადებულია) პირად ჰოროსკოპში კუროს ზოდიაქოში განთავსებული აქვს მთვარე, ტრანზიტული იუპიტერის მთვარესთან შეერთება 2012 წლის მარტის მეორე ნახევარში მოხდება, ამიტომ, ეს პერიოდი ბიძინა ივანიშვილისთვის მეტად მნიშვნელოვანი იქნება. არ არის გამორიცხული, 2012 წლის იანვარი და თებერვალი ბიძინა ივანიშვილისთვის კრიზისული აღმოჩნდეს, თუმცა გაცილებით მნიშვნელოვანი იქნება მარტი და აპრილი, სწორედ 2012 წლის მარტსა და აპრილში მისი მხრიდან მიღებული გადაწყვეტილებები იქნება იმის კატალიზატორი თუ როგორ გაივლის ბიძინა ივანიშვილი 2012 წელს.

ბიძინა ივანიშვილისთვის ასევე არასასიკეთო და კრიზისული იქნება 2012 წლის 23 მაისიდან – 9 ივნისამდე პერიოდი. ამ დროს მას უდიდესი სიფრთხილისა და წინდახედულების გამოჩენა მართებს, რადგან ამ დროს მიღებული მნიშვნელოვანი გადაწყვეტილებებმა შესაძლოა, მომავალში გარკვეული პრობლემები შეუქმნან.
2012 წელს ბიძინა ივანიშვილი არ უნდა გაეხვიოს ილუზიებში. ილუზიების ალბათობაზე და გარშემომყოფების მხრიდან მის მოტყუების მცდელობებზე მიანიშნებს ივანიშვილის კოსმოგრამაში დაძაბული ასპექტები პლანეტა ნეპტუნის მონაწილებით. ძალიან მნიშვნელოვანი იქნება მისი სიტყვის, პოზიციის სწორად მიტანა მოსახლეობასთან. 2012 წელს მან ყურადღება უნდა მიაქციოს მისი პარტნიორების და მრჩევლების ერთგულების მომენტსაც.

მიხეილ სააკაშვილი. იქიდან გამომდინარე, რომ გამარჯვების მომტანი პლანეტა წლის მეორე ნახევარში ტყუპის ზოდიაქოში გადაინაცვლებს, ის დაუპირისპირდება მშვილდოსნის ზოდიაქოს. ეს კი მიანიშნებს, რომ მშვილდოსნის ნიშნით დაბადებული ადამიანებისთვის სანამ იუპიტერი ტყუპის ზოდიაქოში იმოძრავებს (ეს გაგრძელდება 2012 წლის 11 ივნისიდან - 2013 წლის 26 ივნისამდე), ეს პერიოდი არასასიკეთო იქნება (მიხეილ სააკაშვილი სწორედ მშვილდოსნის ნიშნით არის დაბადებული).
მიხეილ სააკაშვილისთვის გაზაფხული (მარტი, აპრილი და მაისი) უმნიშვნელოვანესი პერიოდი იქნება და შეიძლება ითქვას, რომ ბიძინა ივანიშვილსა და მიხეილ სააკაშვილის დაპირისპირებაში გადამწყვეტი სწორედ მარტი, აპრილი და მაისი იქნება (კულმინაცია: აპრილი).
თუმცა მიხეილ სააკაშვილისთვის 2012 წელს გარდა მარტი, აპრილი და მაისისა, ასევე სახიფათო იქნება 2012 წლის სექტემბრის მეორე ნახევარი, ოქტომბერი, დეკემბრის ბოლო და 2013 წლის იანვარი (განსაკუთრებით 2012 წლის ბოლო და 2013 წლის დასაწყისი იქნება მისთვის სახიფათო). ამ პერიოდებში მიხეილ სააკაშვილს ძალაუფლების დაკარგვის კოდიც კი ჩაერთვება.
აღსანიშნავია, რომ ზემოთ ნახსენები იუპიტერი-მზის დაპირისპირება, თვითონ მიხეილ სააკაშვილის ჰოროსკოპში არა 2012 წელს, არამედ 2013 წლის ივნისში მოხდება და მისთვის ეს პერიოდიც უიღბლო და არასასიკეთო იქნება.
რაც შეეხება 2012 წელს მიხეილ სააკაშვილისთვის არასასიკეთო იქნება როგორც უკვე ვთქვით 2012 წლის მარტი, აპრილი, მაისი, სექტემბრის მეორე ნახევარი, ოქტომბერი, დეკემბრის ბოლო და 2013 წლის იანვარი.
საერთოდ ალბათობა იმისა, რომ მიხეილ სააკაშვილმა პრეზიდენტის პოსტი ვადაზე ადრე დატოვოს, მაღალია (საპრეზიდენტო პოსტიდან გადადგომის შემთხვევაში ეს შესაძლოა, იყოს საპროტესტო გამოსვლები და მასზე ზეწოლის მომენტი ან მისი ნების გამოვლენა).
P.S. ფაქტია, რომ საქართველოს ყოფილმა პრეზიდენტებმა ვადაზე ადრე დატოვეს პრეზიდენტის პოსტი. არ არის გამორიცხული, რომ მიხეილ სააკაშვილის შემდეგ საქართველოში პრეზიდენტის უფლებები მინიმუმამდე შეიზღუდოს და უფრო მეტიც, საქართველოს პრეზიდენტის პოსტი საერთოდ გაუქმდეს.

2012 წლის ასტროლოგიური პროგნოზი ზოდიაქოს ნიშნებისთვის

2011-12-24T15:31:00.016+04:00

ვერძი - 2012 წლის პირველი ნახევარში ვერძებისთვის ძირითადი საზრუნავი კარიერის საკითხები იქნება. წლის პირველ კვარტალში და მეორე კვარტლის დასაწყისში შეეცადეთ, ადრე დაწყებული საქმეები დაასრულოთ. ამ პერიოდში სარისკო მოქმედება რეკომენდებული არ არის. თებერვალში მოიმატებს რომანტიკული შეხვედრებისა და სასიყვარულო ურთიერთობების დაწყების ალბათობა, მარტში შესაძლოა მიიღოთ მატერიალური დახმარება. მაისის პირველი ნახევარი კი ხელსაყრელი პერიოდია ახალი საქმიანი და პირადი ურთიერთობების დაწყებისთვის, საცხოვრებელი თუ სამუშაო ადგილის შეცვლისთვის, მოგზაურობისთვის. ივნისის პირველ დეკადაში მოიმატებს შეცდომების დაშვების ალბათობა, ამიტომ მოერიდეთ იმპულსურ მოქმედებებს. ივლისი კი შესაძლოა კარიერაში წარმატების პერიოდად იქცეს. ივლისის ბოლო და აგვისტოს პირველი ნახევარი სასიკეთოა ემოციური განტვირთვისა და ფიზიკური ძალების აღდგენისთვის. აგვისტოს ბოლოს და სექტემბერში გაჩნდება პირადი ცხოვრების მოწესრიგების ალბათობა და, თუ დაოჯახებული არ ხართ, არ არის გამორიცხული, ეს სწორედ ამ პერიოდში მოხდეს. სექტემბრის მეორე ნახევარში და ოქტომბერში სასიკეთო იქნება ხელოვნებასთან დაკავშირებული პროექტების განხორციელება. ნოემბრის დასაწყისში მოერიდეთ კონფლიქტს როგორც ოჯახში, ისე სამსახურში. დეკემბრის პირველი ნახევარში შეძლებთ ფინანსური და უძრავ ქონების საკითხები მოგვარდეს.

კურო - 2012 წელი სასიკეთოა მომავალი მოქმედებებისთვის მყარი საფუძვლის ჩასაყრელად. იანვრის მეორე ნახევარში, ვიდრე ახალ პროექტებს დაიწყებთ, ძველ გეგმებში ცვლილებები შეიტანეთ. თებერვალში გამოიჩინეთ ყურადღება სამსახურებრივი საკითხების მიმართ და მოერიდეთ რისკს. მარტში გაიზრდება ქორწინების ალბათობა. მარტის ბოლოს და აპრილის პირველი ნახევარში. გაუფრთხილდით ფინანსებს. მაისი თქვენი თვეა, ამიტომ, ამ პერიოდში გაგიადვილდებათ პრობლემური საკითხების მოგვარება. ივლისი შედარებით კრიზისული პერიოდია, ამიტომ მოერიდეთ რამდენიმე საქმის ერთდროულად კეთებას და კონფლიქტურ სიტუაციებს, მანქანის მართვისას სიჩქარის გადაჭარბებას. სექტემბერში სამსახურებრივ საკითხებს პასუხისმგებლობით მოეკიდეთ, ოჯახის წევრების და მეგობრების მიმართ კი მზრუნველობა გამოიჩინეთ. ოქტომბერი დატვირთული იქნება ახალი ურთიერთობებით. შესაძლოა სწორედ ოქტომბერში დაიწყოს ახალი რომანტიკული ურთიერთობაც. ნოემბრის პირველ ნახევარში და შემდგომ უკვე დეკემბრის პირველ ნახევარში, მოერიდეთ პარტნიორებთან დაპირისპირებას და შეეცადეთ, ახალ წელს მშვიდად შეხვდეთ.

ტყუპი - 2012 წლის დასაწყისიდანვე მოიმატებს რომანტიკული ურთიერთობების დაწყების ალბათობა, თებერვალში ორიგინალური იდეებისა და გამოცდილების ხარჯზე შეძლებთ წარმატების მიღწევას. მარტი სასიკეთოა საქმიანი შეხვედრებისა და სამსახურებრივი საკითხების მოგვარებისთვის, მაისის პირველი ნახევარში ცვლილებებს ელოდეთ უძრავი ქონების საკითხებში, თუმცა მაისის მესამე დეკადაში მოერიდეთ კონფლიქტურ სიტუაციებს და დაპირისპირებებს (განსაკუთრებით სამსახურში). ეს ტენდენციები ივნისის პირველი ნახევრის ჩათვლით გაგრძელდება. ივნისის მეორე ნახევარში ყურადღება გამოიჩინეთ, იურისპრუდენციული საკითხების მიმართ. ივნისის ბოლო და ივლისი პირველი ნახევარი სასიკეთოა წარსულის ანალიზისთვის, დასვენებისა და ახალი შთაბეჭდილებების მიღებისთვის. აგვისტოში შესაძლოა, ბევრი საქმე გამოგიჩნდეთ, ამიტომ აქცენტი პრაქტიკულ მოქმედებაზე გააკეთეთ. პრაქტიკული და რაციონალური იყავით ოქტომბერში, მომგებიანად რომ გამოიყენოთ პერსპექტივა, რომელიც ამ პერიოდში შეგექმნებათ. ნოემბერში გაგიჩნდებათ შანსი შეიცვალოთ იმიჯი, განაახლოთ გარდერობი და გაიმყაროთ ჯანმრთელობა. ნოემბრის ბოლოს და დეკემბერში მოგიწევთ დიდი შრომა, დაწყებული საქმეები წარმატებით რომ დაასრულოთ.

კირჩხიბი - 2012 წელს შესაძლოა ჩაებათ ახალ პროცესებში, სადაც თქვენი წინსვლა გარკვეულწილად გარანტირებული იქნება. იანვრის ბოლოს და თებერვალში, მოიმატებს სასიყვარულო ურთიერთობის დაწყების ალბათობა, მოსალოდნელია ძველი, უკვე გაწყვეტილი ურთიერთობების აღდგენაც. მარტის პირველი ნახევარი კარგი პერიოდია კომერციული გარიგებებისთვის აპრილში შეამცირეთ ფინანსური გასავლები. ზაფხულში თქვენ მიმართ მოიმატებს ინტრიგებისა და ჭორების გავრცელების ალბათობა. ამიტომ მოერიდეთ ფარულ მოქმედებას და სამსახურებრივ რომანს. დასვენებისთვის სასიკეთოა აგვისტოს მეორე ნახევარი და სექტემბრის დასაწყისი. სექტემბრის ბოლოს გაგიჩნდებათ კვალიფიკაციის ამაღლების ან სწავლის გაგრძელების პერსპექტივა, არ არის გამორიცხული, მოგიწიოთ უცხოეთში გამგზავრებამაც. სექტემბრის ბოლოს და ოქტომბრის პირველ ნახევარში მოიმატებს თქვენი გასავლები, გექნებათ ახალი შენაძენი. ნოემბერში დაწყებული პირადი კავშირები და გაჩენილი პერსპექტივები უფრო მკაფიო ფორმას დეკემბერში მიიღებს და წარმატების მიღწევა უფრო გაგიიოლდებათ.

ლომი – ცვლილებების სურვილი გაიძულებთ, ახლებურად შეხედოთ შექმნილ პერსპექტივას და წლის პირველ კვარტალშივე მოგიწევთ ადრე დაწყებული საქმეების რეორგანიზაცია, აგრეთვე, ახალი ფინანსური წყაროების მოძიება. აპრილის მეორე ნახევრიდან შესაძლოა გარკვეული წინაღობების გადალახვა მოგიწიოთ. მაისში შეეცადეთ, პროვოკაციებს არ წამოეგოთ. თუმცა მოგეცემათ პროცესების სხვაგვარად წარმართვის შანსი. არ არის გამორიცხული, რომელიმე ორგანიზაციაში გაერთიანდეთ ან კოლექტიურ საქმიანობაში ჩაებათ. ივნისში ყველაფერი გეგმის მიხედვით განვითარდება, შეიძენთ ახალ მეგობრებს და პარტნიორებს. ივნისის ბოლო და ივლისი ხელსაყრელი პერიოდია დასვენებისთვის, შემოქმედებითი საქმიანობისთვის და მოგზაურობისთვის. აგვისტოში ყურადღება მიაქციეთ უცხოელებთან ურთიერთობას. ამ პერიოდში, არ არის გამორიცხული, ახალი სასიყვარულო კავშირი. აგვისტოს ბოლო და სექტემბერში მოაწესრიგეთ ფინანსური საკითხები, მინიმუმამდე დაიყვანეთ რისკ-ფაქტორები, დაასრულეთ გადადებული საქმეები. ნოემბერი შედარებით მშვიდი იქნება, თუმცა მოერიდეთ რისკს. დეკემბერში მოიმატებს დაქორწინების და ოჯახში ახალი წევრის შემატების ალბათობა.

ქალწული – თქვენთვის 2012 წლის პირველი ნახევარი გაცილებით სასიკეთო და ნაყოფიერი იქნება, ვიდრე მეორე ნახევარი. წლის დასაწყისშივე აქტიურად დაიწყებთ მიზნებისთვის ბრძოლას და ეს აქტიურობა ივლისის დასაწყისამდე გასტანს. თებერვლის პირველ დეკადაში მოგიწევთ მიიღოთ მნიშვნელოვანი გადაწყვეტილების მიღება. თებერვლის ბოლო და მარტი სასიკეთო პერიოდია საქმიანი ინფორმაციის მიღება-დამუშავება-გადაცემისთვის. აპრილის პირველ ნახევარში მოერიდეთ რისკს, და რადიკალური ცვლილებებს. მაისის პირველი ნახევარი პოზიტიური იქნება და ეს თქვენს კარიერაზეც აისახება. ივნისში კარგი იქნება, თუ დაისვენებთ, გაიმყარებთ ჯანმრთელობას და იმოგზაურებთ. ივლისში მოგიწევთ დაგროვილი საქმეების დასრულება აგვისტოში კი შესაძლოა შეხვდეთ იმ ადამიანებს, რომლებიც დიდი ხანია არ გინახავთ. სექტემბერში შესაძლოა, მოგიწიოთ სამუშაო ან საცხოვრებელი ადგილის გამოცვლა. ნოემბერში სიფრთხილე გამოიჩინეთ და შეეცადეთ, ისეთი არაფერი მოიმოქმედოთ, რომლის გამჟღავნებაც თქვენს რეპუტაციას საფრთხეს შეუქმნის. დეკემბერში გააქტიურდება უძრავ ქონებასა და ოჯახის წევრებთან დაკავშირებული საკითხები.

სასწორი – 2012 წელი საკმაოდ აქტიურად და ენერგიულად დაიწყებთ. იანვრის მეორე დეკადაში მოერიდეთ მნიშვნელოვანი გადაწყვეტილებების იმპულსურად მიღებას და შეეცადეთ, ეს ინტუიციის კარნახით გააკეთოთ. თებერვლის პირველი ნახევარი სამსახურებრივი განვითარებისა და წინსვლისთვის ხელსაყრელი პერიოდია, განსაკუთრებით თუ თქვენი საქმიანობა კომერციას, პედაგოგიკას და ხელოვნებას უკავშირდება. აპრილში თქვენი ძირითადი საზრუნავი ურთიერთობების დარეგულირება იქნება. მაისსა და ივნისში საშუალება მოგეცემათ, გამოასწოროთ დაშვებული შეცდომები, განსაკუთრებით სასიყვარულო და ფინანსურ სფეროში. აგვისტო და სექტემბრის პირველი ნახევარი პოზიტიური პერიოდია როგორც ოჯახური საკითხების მოგვარებისთვის, ისე უცხოეთში ვიზიტისთვის. სექტემბრის ბოლოს და ოქტომბრის პირველ დეკადაში მნიშვნელოვანი გახდება სამსახურებრივი საკითხები, ბიზნეს-პროექტები და კომერციული გარიგებები. ნოემბრის პირველი დეკადა სასიკეთოა საცხოვრებელი თუ სამუშაო პირობების გაუმჯობესებისთვის. ნოემბრის მეორე ნახევარში კარგი იქნება თუ – დააზღვევთ საკუთარ ჯანმრთელობას და ქონებას. ამ პერიოდში მაქსიმალურად მოერიდეთ რისკს. დეკემბრის პირველი ნახევარი კრიზისული პერიოდია, ამიტომ იმოქმედეთ ფრთხილად, განსაკუთრებით სასიყვარულო ურთიერთობებში დეკემბრის მეორე ნახევარში კი პროცესები თქვენთვის სასიკეთოდ წარიმართება.

მორიელი – 2012 წელი მორიელის ნიშნით დაბადებულთათვის ურთიერთობების მოგვარების პერიოდი იქნება. იანვარში მოერიდეთ რადიკალურ ცვლილებებს. თებერვალში შესაძლოა განაახლოთ ძველი პროექტები. მარტის პირველი და მეორე დეკადა სასიკეთოა ხელშეკრულებებისა და საბუთების გაფორმებისთვის, იურისპრუდენციული საკითხების მოგვარებისთვის. აპრილში მოერიდეთ ოჯახის წევრებთან და პარტნიორებთან დაპირისპირებას, მაისში კი _ ფიზიკურ გადაღლას. ივნისში საშუალება მოგეცემათ, ხელახლა მიუბრუნდეთ ადრე დაწყებულ პროექტებს, აღადგინოთ გაწყვეტილი ურთიერთობები და გამოასწოროთ დაშვებული შეცდომები. შედარებით სასიკეთო პერიოდი დაიწყება ივნისის ბოლოდან და ივლისშიც გაგრძელდება: მოიმატებს ქორწინების ალბათობა. აგვისტო კარგი პერიოდია დასვენებისთვის, თუმცა ეს არასასურველია უძრავი ქონების ყიდვა-გაყიდვისა და სასიყვარულო ურთიერთობების გარკვევისთვის. ამ პერიოდში გაიზრდება ტრავმების ალბათობა, ამიტომ სიფრთხილე გამოიჩინეთ. ოქტომბერში გააქტიურდით და შეეცადეთ, მნიშვნელოვანი საკითხები გადაწყვიტოთ. ეს სასიკეთო ტენდენციები ნოემბერშიც გაგრძელდება და შეძლებთ ფინანსური მდგომარეობის გაუმჯობესებას. დეკემბერი შედარებით მშვიდი, თუმცა სიახლეებით დატვირთული თვე იქნება.

მშვილდოსანი – 2012 წელს შეძლებთ პოზიციების განმტკიცებას, თუმცა მოთმინებისა და მიზანმიმართული შრომის გარეშე წარმატების მიღწევა გაგიჭირდებათ. წლის პირველ ნახევარში სასიკეთო შედეგებს იმ პროექტებიდან მიიღებთ, რომლებიც გასულ წელს წამოიწყეთ. მარტში განვითარებული მოვლენები დაგეხმარებათ სასიყვარულო სფეროში წინსვლა გქონდეთ. აპრილში გააანალიზეთ განვლილი პერიოდი, რაც დაგეხმარებათ პროცესების სწორად შეფასებასა და მომავლის დაგეგმვაში. მაისში მოგიწევთ გარკვეულ დათმობებზე წასვლა. მაისის ბოლოს და ივნისში, დაქვეითდება თქვენი ტონუსი, ამიტომ, მოერიდეთ გადაღლას, შეეცადეთ, დაისვენოთ და განიტვირთოთ.. ივლისის ბოლოს და აგვისტოში კიდევ ერთხელ შეაფასეთ მიღწეული შედეგები და მომავალი გეგმების კორექცია მოახდინეთ. სექტემბერში მოგიწევთ ბევრი წვრილმანი და მოსაწყენი საქმის კეთება, თუმცა სწორედ ამ წვრილმანებზე იქნება დამოკიდებული თქვენი წარმატება. ამიტომ მოაგვარეთ ერთი შეხედვით უმნიშვნელო საკითხები. ოქტომბერში და ნოემბრის პირველი ნახევარში მეტი ყურადღება დაუთმეთ სამსახურებრივ საკითხებს. შეეცადეთ, გეგმები არ გაამჟღავნოთ. ნოემბრის ბოლოს და დეკემბერში გაგიჩნდებათ ფინანსური შემოსავლების მიღების შანსი, ხოლო უძრავ ქონების, დაოჯახებისა და სწავლის საკითხები თქვენთვის სასიკეთოდ გადაწყდება.

თხის რქა – 2012 წელი შედეგების მიღების პერიოდია და ეს შედეგი განსაკუთრებით წარმატებული იქნება, თუ 2011 წელს ნაყოფიერად იშრომეთ. იანვარში მოიმატებს გამართლების ალბათობა, ამიტომ, გაბედულად იმოქმედეთ, შეგიძლიათ გარისკოთ კიდეც. თებერვალში ხელსაყრელი იქნება ფულის დაბანდება, უძრავი ქონების ყიდვა-გაყიდვა. მარტში ყურადღება დაუთმეთ ოჯახის წევრებს, მარტი ასევე სასიკეთოა სასიყვარულო ურთიერთობებისა და ქორწინებისთვის. აპრილში მოგიწევთ, დაიცვათ თქვენი უფლებები სამსახურში, ივლისი შედარებით მშვიდი პერიოდია და შეეცადეთ ძალები აღიდგინოთ. აგვისტოს მეორე დეკადაში არ არის გამორიცხული, ახლობლებმა გაგანაწყენონ და ძველი პრობლემების წინაშე აღმოჩნდეთ. ამ პერიოდში გაუფრთხილდით ფინანსებს. სექტემბერში შესაძლოა, სამსახური შეიცვალოთ. ოქტომბრის მესამე დეკადასა და ნოემბრის პირველი ნახევარში შეეცადეთ შექმნილი პერსპექტივა სასიკეთოდ გამოიყენოთ. დეკემბრის პირველ ნახევარში ურთიერთობებში მოგიწევთ ტაქტისა და ლავირების გამოჩენა, დაპირისპირებებს თავი რომ აარიდოთ. დეკემბრის მეორე ნახევარში მოიმატებს თქვენი მომხიბვლელობა, სექსუალურობა და შესაბამისად, ქორწინების ალბათობაც.

მერწყული – 2012 წლის იანვრის პირველ ნახევარში შეეცადეთ, იაქტიუროთ და პასუხისმგებლობა დაიკისროთ. თებერვლის დასაწყისში ყურადღება მიაქციეთ საქმიან და პირად ურთიერთობებს. თუ მარტში მოახერხებთ საკუთარი ძალების რწმენის შენარჩუნებას, იოლად შეძლებთ ადრე დაწყებული საქმეების დასრულებას, აპრილში შესაძლოა მოგიწიოთ დაშვებული შეცდომების გამოსწორება და ყოფითი საკითხების გადაჭრა. ამ პერიოდში განსაკუთრებით მოერიდეთ გარშემომყოფების კრიტიკას. მაისში, არ არის გამორიცხული, შეიცვალოთ სამუშაო და საცხოვრებელი ადგილი. ივნისი სასიკეთო თვეა კარიერაში წინსვლისთვის, ივლისში კი შეძლებთ პოზიციების გამყარებას, შესაძლოა, გაგიჩნდეთ ფინანსური შემოსავლის ახალი წყაროც. აგვისტოში შეეცადეთ, დაისვენოთ. სექტემბრის ბოლოსა და ოქტომბერში მოსალოდნელია როგორც სამსახურში დაწინაურება, ისე დაქვეითება. ამიტომ, ფრთხილად იმოქმედეთ. ნოემბრის პირველი ნახევარი კრიზისული პერიოდია, ამიტომ შეზღუდეთ ფინანსური გასავლები და ყურადღება მიაქციეთ ჯანმრთელობას. დეკემბერში შეძლებთ ყველა ხელისშემშლელი საკითხის მოგვარებას, რაც მიზნის მიღწევას გაგიიოლებთ.

თევზები – 2012 წელში მოგეცემათ, წინა წლებში დაწყებული საქმეების დასრულების საშუალება. თებერვლის პირველ და მეორე დეკადაში შეეცადეთ, საქმიან თუ პირად ცხოვრებასთან დაკავშირებული საკითხები გაასაიდუმლოოთ, რადგან მათი გამჟღავნება მოშურნეებს გაგიჩენთ. სასიკეთო პერიოდი დაიწყება თებერვლის მესამე დეკადიდან და მარტშიც გაგრძელდება. ამ პერიოდში შეძლებთ ფინანსური საკითხების მოგვარებას. აპრილში მოგიწევთ გადალახოთ შექმნილი წინაღობები და მოაგვაროთ კრიზისული სიტუაციები, შეეცადეთ, გარშემო მყოფთა მიმართ მომთმენი იყოთ. მაისის პირველ ნახევარში დასახული მიზნების მისაღწევად გაბედულად იმოქმედეთ. ივნისში შესაძლოა, მოგიწიოთ უძრავ ქონებასთან დაკავშირებული საკითხების მოგვარება. ივლისი სასიკეთო თვეა საცხოვრებელი პირობების გაუმჯობესებისა და მოგზაურობისთვის, სექტემბერში კი გელით საქმიანი შეხვედრები და ახალი პარტნიორული ურთიერთობების დამყარება, თუმცა შედეგის მიღება დამოკიდებული იქნება თქვენს მოქმედებებზე. ოქტომბერში შესაძლოა გააქტიურდეს სამსახურთან დაკავშირებული საკითხები. ნოემბერში შესაძლებლობა მიეცემათ, აიმაღლოთ კვალიფიკაცია, დეკემბერში კი ადრე დაწყებულ საქმეებს წარმატებით დაასრულებთ.

2012 წლის ასტროლოგიური დახასიათება

2011-12-22T16:04:00.004+04:00

აღმოსავლური კალენდრის მიხედვით 2012 წელი დრაკონის წელია და ის 2012 წლის 23 იანვარს (11:40 საათზე) დადგება.

დრაკონის წლის წლის ზოგადი დახასიათება
(ენერგიულობა, შეუპოვრობა, სიჯიუტე)

2012 წელი ჩინური კალენდრის მიხედვით დრაკონის წელია. დრაკონის წლისთვის დამახასიათებელია აქტიურობა, ენერგიულობა, ძალა, ერთგულება, ასევე სიჯიუტე და გულუბრყვილობა. ამ წელს საჭირო იქნება თავშეკავებისა და დიპლომატიის უნარის გაძლიერება, რათა მოსალოდნელი შეცდომები გამოირიცხოს.

რას უნდა ველოდოთ 2012 (შავი) დრაკონის წელს

დრაკონი (1916, 1928, 1940, 1952, 1964, 1976, 1988, 2000, 2012) – აღმოსავლური მითოლოგიის მნიშვნელოვანია პერსონაჟია, ის ჩინურ ნატურფილოსოფიაში ზეციური ენერგიის სიმბოლოდაა მიჩნეული. იგი ასევე ასოცირდება ადამიანებზე კოსმიური კანონების გავლენასთან. ეს ერთადერთი ნიშანია აღმოსავლურ `ზოდიაქოში~, რომელიც `შინაურ~ ცხოველებს არ მიეკუთვნება. ეს იმიტომ, რომ სხვა ნიშნების სიმბოლოები ადამიანის ცნობიერებისთვის სრულიად გასაგებია. ცხოველთა ხასიათი და ჩვევები იოლი შესაცნობია, რადგანაც ისინი ადამიანთა გვერდით არსებობენ. დრაკონი კი უხილავი პერსონაჟია, იგი არამიწიერი არსებაა და აღწერასაც ძნელად ექვემდებარება. მისი ასტრალური ვიბრაციები და ხასიათი იმის მიხედვით შეგვიძლია აღვიქვათ, თუ რა მოვლენები ხდება მის (დრაკონის წელში) და რა ფარულ გავლენას ახდენდა დრაკონის წელი ადამიანებზე.
როგორც წესი დრაკონი პოლიტიკურად მნიშვნელოვანი ცვლილებების მაცნეა და ასევე ცვლილებები შემოაქვს ადამიანთა ცხოვრებასა და მსოფლმხედველობაში.
ეს წელი ჩინეთში ძალაუფლების, სიძლიერის და სიბრძნის სიმბოლოა. დრაკონი განასახიერებს იმპერატორს და ასევე იმ მამაკაცს, რომელსაც ფართო მასებზე გავლენის მოხდენა შეუძლია.
დრაკონის წლის ენერგიები ხელს უწყობენ სულიერ ზრდას, წარსული ნეგატიური გავლენებისგან გათავისუფლებას და განვითარების უფრო მაღალ; საფეხურზე გადასვლას.
გარკვეულ წილად დრაკონის წელი ადამიანებს ეხმარება სულიერების გაძლიერებაში და მატერიალურ სამყაროზე ამაღლებაზე. ადამიანების ცხოვრება დრაკონის წელში აუცილებლად იცვლება. ცხოვრება ივსება განსხვავებული `ფერებით~, მოვლენებითა თუ სიტუაციებით. ცხოვრება უფრო მრავალწახნაგოვანი, მრავალფეროვანი და დინამიკური ხდება. ადამიანს ახალი, უკეთესი ცხოვრების რწმენა უძლიერდებათ და აქტიურ მოქმედებებში ვლინდება.
მიუხედავად იმისა, რომ ადამიანებში ექსცენტრიკულობა და თვითკმაყოფილება მნიშვნელოვნად იმატებს, ეს წელი პოზიტიურ ცვლილებებს ნამდვილად მოიტანს. საკმაოდ ხშირად სწორედ დრაკონის წელში ტოვებენ აქტიური პოლიტიკოსები თუ ბიზნესმენები აქტიურ სარბიელს. ხოლო მათ ნაცვლად ასპარეზზე გამოდიან უფრო პროგრესული პიროვნებები. სწორედ ამიტომ, დრაკონის წელი არასდროს არ არის უინტერესო, დუნე და უბრალო. მაღალია იმის ალბათობაც, სწორედ ეს წელი იქონიებს გავლენას საზოგადოებაზე და ადამიანთა ფართო მასებზე. ახალ ეტაპზე გადავალ თავისუფლებისთვის და დამოუკიდებლობისთვის ბრძოლა.
აღმოსავლური ასტროლოგიის მიხედვით დრაკონს განრისხებაც შეუძლია. ლეგენდის მიხედვით ხშირად დრაკონი გულში ინახავს წყენას, თუმცა ამას გარეგნულად არ ამჟღავნებს და კარგი მანერების ნიღბავს და ელოდება საჭირო დროს, რათა საკუთარი გულში ნადები გადმოაფრქვიოს. მსგავსი ტენდენციები დრაკონის წელში გარკვეულწილად ხელისშემშლელი იქნება და ეს მოულოდნელია გაუარესება ბევრ ადამიანს ხელს შეუშლის, ამიტომ, საჭიროა წინდახედულობისა და სიფრთხილის გამოჩენა. ასევე გააქტიურდება შურისძიების სურვილი, პრეტენზიულობა, გადამეტებული ამბიციურობა და თავისუფლების (რაიმესგან გათავისუფლების) მძაფრი სურვილი. ამ ნეგატიური ტენდენციებისგან თავის არიდება შესაძლებელია იქნება აღებული ვალდებულებების შესრულებით და საერთო, კოლექტიური წესების დაცვა, წინააღმდეგ შემთხვევაშია მოსალოდნელია ცვლილებებმა მეტად რადიკალური და საშიში ფორმებიც კი მიიღონ.
ცვლილებებია მოსალოდნელია სამუშაო ადგილებთან დაკავშირებით, პარტნიორულ ურთიერთობებში, ამ მხრივ მოსალოდნელია მოულოდნელი სირთულეების გამოჩენა, ინტრიგები და გაურკვეველი სიტუაციები. ასევე საყურადღებოა, რომ დრაკონის წელში ის დასახული გეგმები, რომლებიც მომწიფებული არ არის და ამასთან ზედაპირულია, სავარაუდოდ ვერ განხორციელდება, ამიტომ, ყველა გეგმას კარგად უნდა მოფიქრება და დამუშავება, ყველა რისკ-ფაქტორის გათვლა, რათა შესრულების მაღალი ალბათობა გაჩნდეს.
ასევე გაუძნელდებათ მიზნების მიღწევა იმპულსურ ადამიანებს და ასევე მათ, ვინც მზად არ იქნებიან წარმატების მოპოვებისთვის ბოლომდე, მიზნის მიღწევამდე ჯიუტად იშრომონ.
ბევრ ადამიანს შეეცვლება ძველი შეხედულებები, მოსალოდნელია შექმნილი წინაღობების გამო ბევრმა გამბედაობა და სიმტკიცე დაკარგოს, რაც არც თუ სასიკეთოდ აისახება პირად ცხოვრებაზე. ასე, რომ მარცხი რომ თავიდან იქნას არიდებული, ამასთან საჭირო იქნება მაღალი იდეალებისთვის და მიზნებისთვის სერიოზული შრომა.
დრაკონის წელში ემოციური სამყარო და პირადი ურთიერთობები შედარებით არასტაბილური იქნება. ზედაპირული მიდგომით და მხოლოდ საკუთარ სურვილებზე კონცენტრაციით ჰარმონია ვერ მიიღწევა, საჭირო იქნება პარტნიორთა შინაგანი სამყაროში მეტად ჩაწვდომა და მათი სურვილების გათავისება. მნიშვნელოვანი იქნება პარტნიორების რჩევების და რიგ შემთხვევებში კრიტიკის მოსმენაც.
დრაკონის წელი ადამიანს ადამიანებს მრავალ ცვლილებებს ჰპირდებათ, ხოლო წარმატებას უპირველესად ე. წ. `მამრული~ ნიშნები მიაღწევენ და ესენი იქნებიან ვირთხის, ვეფხვის, ცხენის, მაიმუნის, ძაღლის და რაღა თქმა დრაკონის წელში დაბადებული ადამიანები.
დრაკონის ცეცხლოვანი ენერგია ადამიანს უბიძგებს ახალი ამოცანების დასახვისკენ და რისკიანი მოქმედებებისკენ, მითუმეტეს, რომ დრაკონი მფარველობს იმ ადამიანებს, ვისაც ცვლილებების და განახლების უნარი გააჩნია. თუმცა დრაკონის წელში მნიშვნელოვანი იქნება ასევე "შინაგანი ხმის" ფაქტორი, ამიტომ, ინტუიცია დრაკონის წელში მეტად საჭირო ინსტრუმენტი იქნება.
დრაკონის წელში გამარჯვების მოსაპოვებლად აუცილებელია შემდეგი თვისებების გამოვლენა: ამბიციურობა, მიზანსწრაფვა, ენერგიულობა, თავდაჯერებულობა, საკუთარი ძალების რწმენა.
2012 წელს კრიზისული პერიოდი დაიწყება აპრილიდან და გაგრძელდება ნოემბრის ჩათვლით.
2012 წლის პირველი ნახევარი შედარებით პოზიტიური იქნება მიწის სტიქიით, ანუ კუროს, ქალწულის და თხის რქის, ხოლო წლის მეორე ნახევარი კი ჰაერის სტიქიით, ანუ ტყუპის, სასწორის, მერწყულის ნიშნით დაბადებული ადამიანებისთვის.
2012 წელს მზის ორი დაბნელება დაფიქსირდება: 20 მაისს იქნება მზის რგოლური, ხოლო 13 ნოემბერს კი მზის სრული დაბნელება რაც შეეხება მთვარის დაბნელებას, ისიც ორი იქნება - 4 ივნისს და 28 ნოემბერს.

რას მოიტანს მერწყულის ეპოქა

2011-11-16T23:38:00.005+04:00

დღეს ბევრს საუბრობენ მერწყულის ეპოქის დადგომაზე, ზოგიერთი ასტროლოგი ამტკიცებს, რომ ის უკვე დაიწყო, ზოგი ამბობს, რომ მალე დაიწყება, არიან ისეთებიც, რომ რომლებიც წერენ, რომ მერწყულის ეპოქა (ერა) ჯერ კიდევ XX საუკუნის 30-იანი წლების ბოლოს დაიწყო, ანუ ამას მეორე მსოფლიო ომის დაწყებას უკავშირებდნენ. ასეა თუ ისე, დედამიწა ახალი გლობალური ცვლილებების ზღურბლზეა.

რა არის, რას ნიშნავს მერწყულის ეპოქა და რამდენ ხანს გრძელდება ესა თუ ის ეპოქა?! ამის გასაგებად ცოტა უკან უნდა დავიხიოთ. როგორც ცნობილია, დედამიწიდან დაკვირვებისას, მზე გარს უვლის დედამიწას (სინამდვილეში პირიქითაა, დედამიწა უვლის გარს მზეს). მზე მოძრაობს ვიწრო სარტყელზე, რომელსაც ეკლიპტიკა ეწოდება. უძველესი დროიდან სწავლულები დააკვირდნენ, რომ ეკლიპტიკზე თორმეტი თანავარსკვლავედი იყო განთავსებული. ძველ ბაბილონში, სადაც ასტროლოგიის საფუძვლები შეიქმნა, მეცნიერებმა "მზის გზა" თორმეტ ტოლ ნაწილად დაჰყვეს და თითოეულ მათგანს თანავარსკვლავედის სახელი უწოდეს. ასე შეიქმნა თორმეტი ზოდიაქოს ნიშანი.
უძველესმა ვარსკვლავთმრიცხველებმა შეამჩნიეს, რომ რომ მზე ვერძის თანავარსკვლავედს ჰკვეთდა, ხოლო შემოდგომით მზე სასწორის თანავარსკვლავედს გადაჰკვეთა ხოლმე.
ასტროლოგიური ახალი დასაწყისი ეს გაზაფხულის ბუნიობა იყო ხოლმე. სწორედ ამ დროს მზე გადაკვეთა ხოლმე ზეციურ ეკვატორს და ამ დროს დღე-ღამე თანაბარი იყო. გაზაფხულის ბუნიობა გაზაფხულის დასაწყისი იყო, ხოლო შემოდგომის ბუნიობა კი შემოდგომის დასაწყისი. გაზაფხულის ბუნიობა, ანუ დღე-ღამ ტოლობა ემთხვეოდა მზის პირველ ასტროლოგიურ ნიშანში, ვერძის ზოდიაქოში შესვლას, შესაბამისად, შემოდგომის ბუნიობა, ანუ დღე-ღამ ტოლობა ემთხვეოდა მზის მეშვიდე ასტროლოგიურ ნიშანში, სასწორის ზოდიაქოში შესვლას.
მაშინ ჩამოყალიბდა აზრი, რომ გაზაფხულის ბუნიობა თავისთავად ნიშნავდა მზის ვერძის თანავარსკვლავედში (ეკლიპტკიზე განთავსებული ვარსკვლავთა ჯგუფი) და ასევე ვერძის ზოდიაქოში (ეკლიპტიკის ნაწილი) მზის შესვლას. ეს ორი სხვა და სხვა ცნება მაშინ იდენტური იყო.
მეორე საუკუნეში ჩვ. წ. აღ-ით ბერძენმა ასტრონომმა ჰიპარქემ განსაზღვრა, რომ გაზაფხულის ბუნიობის წერტილი გადაადგილდებოდა გარკვეული სიჩქარით (ამას პრეცესია ეწოდა). ეს წერტილი მოძრაობდა ძალიან ნელა და ერთი გრადუსის გავლას 71,5 ტროპიკული წელი უნდებოდა. ხოლო 30 გრადუსის, ანუ ერთი თავარსკვლავედის გავლას კი 2150 წელი. ამას პერიოდს ეპოქა ეწოდა.
ქრისტეს დაბადებისას გაზაფხულის ბუნიობის წერტილი უკვე თევზების თანავარსკვლავედის 30-ე გრადუსში შედიოდა (ეს წერტილი მოძრაობს საათის ისრის მიმართულებით, ანუ ზოდიაქოს საპირისპიროდ) - თევზების ეპოქის დასაწყისი დაემთხვა ქრისტეს დაბადებას და მომავალში თევზი იქცა კიდეც ქრისტეს და ქრისტიანობის სიმბოლოდ.
ქრისტეს აქეთ 2000 წელი კაცობრიობამ თევზების ეპოქაში იცხოვრა და ნელ-ნელა შევდივართ მერწყულის ეპოქაში და იქიდან გამომდინარე, რომ საუბარია დროის ძალიან დიდ ინტერვალზე, ძნელია განისაზღვროს, ეს ზუსტად როდის ხდება.
ყველა ეპოქა ხასიათდება თავისი შესაბამისი ზოდიაქოს ნიშნის შესაბამისად. დედამიწა დააახლოებით 4,6 მილიარდ წელს ითვლის, მაგრამ ასტროლოგები საზღვრავენ, რომ კაცობრიობამ თავისი ისტორია რეალურად ლომის ეპოქიდან დაიწყო.

ლომის ეპოქა (დაახლოებით 10 000 - 8 000 წელი ჩვ. წ. აღ-მდე)
ამ ეპოქაში ადამიანი ენერგიულია. ის გაბედულად მოიპოვებს საკუთარ სარჩოს. რთულ და ხშირად მისადამი მტრულად განწყობილ სამყაროში ის ხდებიან ლიდერი, ბრძანებელი. ადამიანი ქმნის ბასრ იარაღებს. ამ პერიოდში ადამიანი ხდება შემოქმედი, ბევრი გამოქვაბულის მხატვრობა სწორედ ამ პერიოდს განეკუთვნება. ადამიანის ღმერთი ხდება მზე (ლომის ზოდიაქოს მართველი) - ცეცხლის, სინათლის და სითბოს მომცემი

კირჩხიბის ეპოქა (დაახლოებით 8 000 - 6 000 წელი ჩვ. წ. აღ-მდე)
ამ პერიოდში ადამიანი სწავლობს მიწის ზედაპირზე სახლის მშენებლობას, სწავლობს სელისგან და სხვა მცენარეების ნაჭრის დამზადებას, თოკების დაწვნას, იწყება სამეურნეო სამუშაოები, ადამიანი აქტიურად იშინაურებს სხვა და სხვა ტიპის ცხოველებს. ადამიანის ღმერთი ხდება მთვარე (კირჩხიბის ზოდიაქოს მართველი) - წინა პლანზე იწევს ნაყოფიერების მომენტი, რომელთანაც მთვარე სიმბოლურად არის დაკავშირებული.

ტყუპის ეპოქა (დაახლოებით 6 000 - 4 000 წელი ჩვ. წ. აღ-მდე)
ადამიანი სწავლობს წერას, ქმნის სისტემურ ანბანს. იწყება ინტელექტუალური გაცვლა-გამოცვლა, ვაჭრობა, ადამიანი ხმელეთით თუ ზღვით იწყებს შორ მანძილზე გადაადგილებას. იწერება და ინახება ინფორმაცია. იქმნება ბორბალი. სწორედ ამ ყველაფერს მართავს მერკური _ ტყუპის მართველი პლანეტა. წინა პლანზე მოდიან ღმერთები, რომლებიც მფარველობენ ურთიერთობებს, ვაჭრობას, მოგზაურობას, ინფორმაციას, ცოდნას.

კუროს ეპოქა (დაახლოებით 4 000 - 2 000 წელი ჩვ. წ. აღ-მდე)
ეს არის ძველეგვიპტური ვიცილიზაცია და ეს არის მონოლითური მშენებლობის ზეობის პერიოდი. ეს კუროს სფეროა. წინა პლანზე მოდის ესტეთიკური ხელოვნება - ხელოვნება და არქიტექტურა ადის განვითარების უმაღლეს დონეზე. ძველეგვიპტეში იქმნება აპისის კულტი _ ღმერთი ოქროს ხბოს ფორმით.

ვერძის ეპოქა (დაახლოებით 2 000 ჩვ. წ. აღ-მდე - ახალი წელთაღრიცხვის დასაწყისი)
ეს არის რკინის საუკუნე. ადამიანი იმორჩილებს რკინას (ვერძის ლითონი). სწავლობს რკინისგან სამუშაო და საბრძოლო იარაღის დამზადებას. ეს არის ასურეთის, სპარსეთის, ანტიკური საბერძნეთის ზეობის პერიოდი. ეს არის ომების ეპოქა - სხვა და სხვა იმპერიები ებრძვენია ერთმანეთს - მაკედონია, სპარსეთი, კართაგენი, ძველი რომი, გალები, ვიკინგები. კოლხეთში ხდება ოქროს ვერძის კულტის ჩამოყალიბება.

თევზების ეპოქა (დაახლოებით ახალი წელთაღრიცხვის დასაწყისი - 2 000 წელი)
თევზების ზოდიაქო ეს სულიერი ცოდნის სიმბოლოა, ამიტომ, თევზების ეპოქა ეს ქრისტიანობის ეპოქაა. ქრისტეს პირველი მოციქულთა უმეტესობა მეთევზე იყო. ეს ეპოქა ერთდროულად იქცა მსხვერპლადშეწირვისა და სულიერი ბრძოლების საუკუნედ (თევზების ზოდიაქოს სიმბოლური გამოხატულება). თევზი ასევე იქცა ქრისტეს სიმბოლოდ - ბერძნული სიტყვა იხთუს (თევზი) - "იესო ქრისტე, მაცხოვარი, ძე ღმერთისა".

როგორ იქნება მერწყულის ეპოქა (დაახლოებით 2 000 - 4 000 წელი)
მერწყულისთვის ყველაზე მნიშვნელოვანია დამოუკიდებლობა და თავისუფლება და თუ გადავხედავთ ბოლო პერიოდში ერთიმანეთის მიყოლებით ემხობა დიქტატორული მართველობები. ამ პერიოდში გაჩნდება ახალი გაერთიანებები, კავშირები ან მოხდება ძველი გაერთიანებების რეორგანიზაციები. წინა პლანზე კიდევ უფრო წამოიწევს მეცნიერება და კომპიუტერული ტექნოლოგიები. მერწყულის ზოდიაქო უკავშირდება გამოგონებებს და აღმოჩენებს, ამიტომ, ამ პერიოდში მოხდება ბევრი რამის გამოგონება და აღმოჩენა. ცხოვრების ყველა სფეროში გაჩნდება ახალი ნანო-ტექნოლოგიები. ადამიანები აითვისებენ კოსმოსს, როგორც მზის სისტემას, ისე სხვა გალაკტიკებსაც. მოსალოდნელია სიცოცხლის სხვა პლანეტაზე გადატანა.

მეტეოროლოგიური ასტროლოგია

2011-07-31T08:42:00.007+04:00

ასტრომეტეოროლოგიით, ანუ მეტეოროლოგიური ასტროლოგიით უძველესი დროიდან იყვნენ დაინტერესებულები, თუმცა ასტროლოგიის ამ მიმართულებამ განსაკუთრებული პოპულარობა ანტიკურ საბერძნეთში მოიპოვა.

ძველი ბერძნები ამინდის წინასწარ გაგებისთვის იყენებდნენ როგორც მუნდანურ (გეოგრაფიულ) ასტროლოგიას, ისე ე. წ. "ბაბილონურ ასტროლოგიურ ცხრილებს", რომელიც ჩვ. წ. აღ-მდე 1500 წელს იყო პლანეტა ვენერას ციკლების მიხედვით იყო შედგენილი (საინტერესოა, რომ აფრიკაში, დოგონების ცივილიზაციას, რომლებიც საკუთარი წარმოშობის ადგილად... ვარსკვლავ სირიუსს ასახელებენ, საკუთარი კალენდრისთვის სწორედ ვენერას ციკლებს იყენებდნენ).
"ბაბილონურ ცხრილებში" მსგავს ჩანაწერებს ვხვდებით: "თუ შაბატუს თვის მეთხუთმეტე დღეს იშტარი [ვენერა] დასავლეთით ჩაიკარგება და ცაზე სამი დღე არ გამოჩნდება და მეთვრამეტე დღეს აღმოსავლეთით გამოჩნდება, მეფეებს საშინელება ელით _ ადადი [ამინდის ღმერთი] წვიმას მოიტანს, ხოლო ეა [მდინარის ღმერთი] – მიწისქვეშა წყლებს".
თუმცა ამ უძველესი, მაგრამ ბუნდოვანი ტექსტების გვერდით ანტიკურ საბერძნეთში იქმნებოდა სხვა ტექსტებიც. მაგალითად, ცნობილი ბერძენი ასტრონომი, ასტროლოგი, გეოგრაფი და მათემატიკოსი კლუდიუს პტოლემეოსი თავის ოთხტომიან ასტროლოგიურ ტრაქტატში "ტეტრაბიბლოსი" წერს: "ვერძის ზოდიაქოს ახასიათებს ჭექა-ქუხილი. მისი საწყისი გრადუსები მიუთითებს - ქარსა და წვიმაზე, შუა ნაწილი - შედარებით მშვიდ ამინდზე, ხოლო ბოლო გრადუსები - შემაწუხებელ სიცხეზე".
ასტრომეტეოროლოგიაში ბერძნებმა აქტიურად დაიწყეს მთვარის ფაზების გამოყენება და უნდა ითქვას, რომ ამ მიმართულებით გარკვეულ წარმატებებსაც მიაღწიეს.
ასტროლოგიური მეტეოროლოგიის კვლევისთვის ბერძნების შემდეგ საკმაოდ დიდი შრომა გასწიეს არაბებმა. მათ მიერ შექმნილი შრომებიდან გამოირჩევა არაბი ასტროლოგის მაშაალაჰის ნაშრომი "წიგნი წვიმების და ქარების შესახებ".
ინგლისელმა ასტროლოგმა ჯონ გოუდიმ (1616-1689) ოცდაათწლიანი შრომა გასწია მეტეოროლოგიური ასტროლოგიის კვლევისთვის და ბოლოს შექმნა ფუნდამენტური ნაშრომი "ასტრო-მეტეოროლოგიკა". ან ნაშრომში გოუდი აღწერდა მზის, მთვარის, პლანეტების და მათი ციკილების გავლენას მეტეოლოგიურ მოვლენებზე. იგი იყო ერთ-ერთი პირველი ასტროლოგი, რომელიც საკუთარი შრომების დამტკიცებისთვის სტატისტიკურ გამოთვლებს აწარმოებდა.
XX საუკუნის ცნობილი ამერიკელი ასტრონომი და ასტროლოგი ჯორჯ მაკ-კორმაკი (1887 _ 1974) ასტრომეტეროლოგიის ერთ-ერთი ყველაზე ცნობილი სპეციალისტი იყო. მან 1946 წლის აპრილში თავისი ასტროლოგიური მეთოდებით განსაზღვრა, რომ ზამთარი უხვთოვლიანი და ძალიან ცივი იქნებოდა. მანვე განსაზღვრა ძლიერი შტორმის ზუსტი დრო (1947 წლის 26 დეკემბერი). თუმცა მის პროგნოზებს ყურადღება მხოლოდ შტორმის და საკმაოდ დიდი მსხვერპლის შემდეგ მიაქციეს. ამ შტორმა და ყინვამ ნიუ-იორკის პარალიზება გამოიწვია. სწორედ ამ პროგნოზის შემდეგ მაკ-კორმაკი მთელს ამერიკაში პოპულარური გახდა, გაზეთებმა და რადიოებმა მისი პროგნოზების გაშვება დაიწყეს. თუმცა ამერიკის მეტეოსამსახურებმა მისი პროგნოზების გამოყენებაზე და მაკ-კორმაკთან თანამშრომლობაზე უარი განაცხადეს და მხოლოდ კონგრესმენების აქტიური ჩარევის შემდეგ მაკ-კორმაკს ნება დართეს ჩაეტარებინა სპეციალური სემინარები. მისი პროგნოზი ზეზუსტი იყო და ის 17 პროცენტით უფრო ზუსტი იყო, ვიდრე ოფიციალური მეტეოსამსახურების პროგნოზები.
მან ზუსტად განსაზღრა, რომ 1962 წელს ჩრდილოეთ ნახევარსფეროში ძალიან მკაცრი ზამთარი იქნებოდა, იმიტომ, რომ პლანეტების აბსოლუტური უმეტესობა ეკლიპტიკის სამხრეთ ნაწილში მდებარეობდნენ.
მაკ-კორმაკი იმედოვნებდა, რომ მისი შრომები სასარგებლო იქნებოდა ადამიანებისთვის, ხოლო მისი ასტრონომიულ-ასტროლოგიური მეთოდების მიხედვით ამინდის გრძელვადიანი პროგნოზირება ამერიკის უნივერსიტეტებში შეისწავლებოდა, მაგრამ ჯერ-ჯერობით მისი ოცნება აუსრულებელია.

ქვეყნებს და ქალაქებს საკუთარი ზოდიაქოს ნიშანი გააჩნია

2011-06-09T11:13:00.006+04:00

ქვეყნების და ქალაქების ზოდიაქოს ნიშნების მიხედვით დაყოფას ფესვები შორეულ წარსულში უდევს და ამასზე ჯერ კიდევ ცნობილი ბერძენი ასტრონომი, ასტროლოგი, მათემატიკოსი და გეოგრაფი კლაუდიუს პტოლემოსი წერდა. შემდგომ ამას თავისი წვლილი დასდეს არაბებმა, ხოლო შუასაკუნებში უკვე არსებობდა გეოგრაფიული ასტროლოგია, რომელიც გეოგრაფიულ ერთეულებს, მხარებს, ქვეყნებს თუ ქალაქებს ზოდიაქოს ნიშანს შეუსაბამებდა.

გეოგრაფიულ ასტროლოგიაში საკმაოდ ბევრი ნაშრომი აქვს ცნობილ ინგლისელ ასტროლოგს უილიამ ლილის (XVII საუკუნის ასტროლოგი, რომელმაც იწინასწარმეტყველა 1666 წლის ლონდონის უდიდესი ხანძარი), რომელმაც მაშინდელი ცივილიზებული მსოფლიო - როგორც ქვეყნები, ისე ქალაქები ზოდიაქოს ნიშნების მიხედვით დაალაგა და ამაში გამოიყენა როგორც ზემოთ ხსენებული პტოლემეის ნაშრომები, ისე საკუთარი ცოდნა და გამოცდილება.
რა თქმა უნდა მნიშვნელოვანია როდესაც ადამიანმა იცის ესა თუ ის ქვეყანა თუ ქალაქი რომელ ზოდიაქოს შეესაბამება და ამის გადაკვეთა საკუთარი ზოდიაქოს ნიშანთან სასიკეთო შედეგებს იძლევა. როდესაც ადამიანი მიდის იმ ქვეყანასა თუ ქალაქში საცხოვრებლად თუ სამუშაოდ, რომელიც მის ზოდიაქოს ნიშანს შეესაბამება, ცხადია, ეს მის გუნება-განწყობაზე, ემოციურ რეაქციებსა თუ მატერიალურ მხარზე სასიკეთოდ მოქმედებს.
მაგალითად, ქართველები ძალიან კარგად გრძნობენ თავს საფრანგეთში და ეს ასტროლოგიური თვალსაზრისით გასაგებია, რადგან საქართველოც და საფრანგეთიც ლომის ნიშანს შეესაბამება. ასე, რომ გასაკვირი სულაც არ არის, როდესაც საქართველოს პირველმა დემოკრატიული რესპუბლიკის ლტოლვილი მთავრობა სწორედ საფრანგეთში და კერძოდ ლევილში დასახლდა.
ძალიან საინტერესოა, რომ გეოგრაფიული ასტროლოგიის შესახებ ცნობები ჯერ კიდევ ძველ საქართველოში არსებობდა. მაგალითად, XI საუკუნის ქართულ ასტროლოგიურ ტრაქტატში (ხელნაწერი A-65) "ეტლთა და შვიდთა მნათობთათვის" სხვა და სხვა ასტროლოგიურ ინფორმაციასთან ერთად, ვხვდებით ცნობებს მუნდანური ასტროლოგიის შესახებ.
ამ ხელნაწერში მართალია არასრული სახით (ზოგან საერთოდ ზოდიაქოს ნიშანია გამორჩენილი, ზოგი კი ნაწილობრივ არის აღწერილი), მაგრამ მაინც ვხვდებით იმდროინდელი ახლო აღმოსავლეთის ქალაქების ზოდიაქოს ნიშნების მიხედვით დაყოფას.

ასე მაგალითად, ამ ძველქართული ასტროლოგიური ტრაქტატის მიხედვით ვიგებთ, რომ კუროს ნიშანს ქვეყნებიდან ქურთეთი, ჰურა, კილიკია და კავკასიის მთიანეთი, ხოლო ქალაქებიდან ჰამადანი, ალექსანდრია და ტარსუ შეესაბამება.
ტყუპებს ქვეყნებიდან ელამი, გურგანი, ხვარაზმი, სომხეთი და ეგვიპტე შეესაბამება, ხოლო ქალაქებიდან ტყუპს ეკუთვნის ყაზვინი, ყუმი და მუყანი.
კირჩხიბს ქვეყნებიდან ერაყი, გარე საბერძნეთი და მცირე სომხეთი, ხოლო ქალაქებიდან ტფილისი (თბილისი) ეკუთვნის.
ლომს ქვეყნებიდან თურქეთი, ხოლო ქალაქებიდან ტუსი, ნიშაბური, თარმიდი, ხორასანი, იერუსალიმი, ასკალონი, ნისიბინი და მილეთი შესააბამება,
"ეტლთა და შვიდთა მნათობთათვის" მიხედვით ქალწულის ქვეყანა ასურეთი, ფარსი, თაქრითი, ხოლო ქალაქებიდან დამასკო, მოსული, შირაზი, ასტრაბადი და სარი ეკუთვნის.
სასწორს ქვეყნებიდან საბერძნეთი და ეთიოპია, ქალაქებიდან ბასრა, ანტიოქია, ბალხი, ქაბული და ქაშმირი შეესაბამება.
მორიელის ქალაქები არაბეთის ბედია, რეი, ნეჰავენდი, არდებილი და კუმისი შედიან.
მშვილდოსანს ქვეყნებიდან - რუსეთი, ხოლო ქვეყნებიდან ბაღდადი და ისპაჰანი შეესაბამება.
თხის რქას ქვეყნებიდან ინდოეთი, სინდეთი, ჩინეთი, ოკეანე (?!), ხოლო ქალაქებიდან - აჰვაზი და ქაბული ეკუთვნის (ქაბული მოხსენიებულია ასევე სასწორის ნიშანში).
მერწყულს, ანუ წყლის საქანელს ქვეყნებიდან კოპტების ქვეყანა(?) და ედემი (???) ეკუთვნის, ხოლო ქალაქებიდან ქუფი და ქერმანი.
თევზების ქალაქი ალექსანდრია (რომელიც ასევე მოხსენიებულია კუროს ნიშანში), ბუხარა, შავთა და ხუნძთა ქალაქები, აგრთვე საბერძნეთის კუნძულები.
ცხადია ეს არასრულია ჩამონათვალია და ჩამოთვლილი ქვეყნები თუ ქალაქები ძირითადად ახლო აღმოსავლეთს და აზიას ეკუთვნის, თუმცა ის ფაქტი, რომ XI საუკუნეში საქართველოს მონასტრებში წერდნენ ასტროლოგიურ ტრაქტატებს გეოგრაფიული ასტროლოგიის შესახებ, მართლაც მრავლისმეტყველია.
ახლა კი გთავაზობთ, ერთ-ერთ ყველაზე პოპულარული ჩამონათვალს ზოდიაქოს ნიშნებისა და ქალაქების შესახებ:
ვერძი - ბერლინი, მოსკოვი, ბირმინჰემი, ვერონა, კრაკოვი, მარსელი
კურო - ნეაპოლი, დუბლინი, სარაგოსა, უტრეხტი, ფლორენცია, პალერმო, პადუია
ტყუპი - ლეიპციგი, ნანტი, პარმა, ციურიხი, ტრიპოლი
კირჩხიბი - ამსტერდამი, ლონდონი, სან-ფრანცისკო, მილანი, მანჩესტერი, მეცი
ლომი - ბუმბაი (ბომბეი), მადრიდი, ბრისტოლი, პრაღა, რავენა, რომი, ფილადელფია, ჩიკაგო, სტამბული, ლოს-ანჟელესი, დამასკო, პორტსმუთი
ქალწული - ათენი, პარიზი, ბაღდადი, ბაზელი, ბოსტონი, ვროცლავი, ჰაიდებურგი, იურუსალიმი, ლიონი, მავარა, ნიცა, სტრასბურგი, ბოსტონი
სასწორი - ანტვერპენი, ვენა, ფრაიბურგი, ფრანკფურტი, ლისაბონი
მორიელი - გენტი, ლივერპული, მესინა, პომპეი, ტოკიო, ფრანკფურტი ოდერზე, ნიუ-ორლეანი, ვაშინგტონი, ლივერპული, ჟენევა
მშვილდოსანი - ავინიონი, კოლკატა (კალკუტა), კიოლნი, ნოტინგენი, პეკინი, შეფილდი, შტუტგარტი
თხის რქა - დელი, მეხიკო, ბუდაპეშტი, ბრიუსელი, კონსტანცა, ოქსფორდი, პორტ-საიდი, ტორონტო, გენტი
მერწყული - ბრაიტონი, ბრემენი, ჰამბურგი, ზალცბურგი, სიდნეი, ჰელსინკი, ბრიუსელი, სანკტ-პეტერბურგი
თევზები - ალექსანდრია, ბორმსი, ლანკესტერი, რუანი, სევილია, ვარშავა

P. შ. ცხადია ეს ზოგადი დახასიათებაა და როდესაც კონკრეტულ ადამიანს და კონკრეტული ადამიანის პირად ჰოროსკოპზეა საუბარი, მაშინ რომ გავარკვიოთ ეს კონკრეტული ადამიანი როგორ გამოავლენს საკუთარ პოტენციალს ამა თუ ქალაქში, მისთვის დგება ე. წ. რელოკაციური ჰოროსკოპი. სწორედ რელოკაციური ჰოროსკოპი იძლევა პასუხს კონკრეტული ადამიანის სხვა ქალაქში საცხოვრებლად თუ სამუშაოდ გადასვლის მოსალოდნელ სასიკეთო თუ არასასიკეთო ტენდენციებზე.
ასევე არსებობს გეოგრაფიული ასტროლოგიის საკმაოდ საინტერესო მეთოდი ასტროკატროგრაფია, რომელიც ამერიკელმა ასტროლოგმა ჯიმ ლუისმა შექმნა, ხოლო ამერიკელმა ასტროლოგმა დევიდ მედოუზმა ის კიდევ უფრო განავითარა და დახვეწა. კონკრეტულ შემთხვევაში სწორედ რელოკაციური და ასტროკარტოგრაფიული მეთოდებით დგინდება რამდენად წარმატებული თუ წარუმატებელი იქნება ადამიანის ქალაქის თუ ქვეყნის შეცვლისას.

სიტყვიდან – პირდაპირ საქმეზე, ანუ იმოქმედეთ!

2011-02-27T15:39:00.007+04:00

ადამიანები ხშირად ამართლებენ საკუთარ წარუმატებლობას და უმოქმედობას და ცდილობენ ამ ყველაფერში დამნაშავე სხვა ადამიანები თუ გარემოებები გამოიყვანონ. ზოგჯერ ადამიანები მოქმედების დაწყებისთვის არაფერს აკეთებენ და ამბობენ: "არ შემიძლია...", "ჩემს დროს ველოდები...", "ფული რომ მქონდეს...", "ვინმე რომ დამეხმარებოდეს...", "სამუშაო რომ მქონდეს...", "ადამიანები რომ მიგებდნენ...", "რომ მაფასებდნენ...", "უფრო ახალგაზრდა (ლამაზი, ჯანმრთელი) რომ ვიყო...", "უცხოეთში რომ ვცხოვრობდე...". უნდა ვაღიაროთ, რომ ასეთი ადამიანებისთვის "მათი დრო" არასდროს დგება. მათ არ მოსწონთ არცერთი დრო, სივრცე და გარემოება. როგორ შეიძლება განვიკურნოთ ამ "ვირუსისგან" და როგორ შეიძლება გადავიდეთ სიტყვიდან პირდაპირ საქმეზე?!

დაიწყეთ ახლავე. როგორ? ჩვეულებრივად! დაიწყეთ იმ დროში და იმ სივრცეში, სადაც ხართ. იაპონური ანდაზის მიხედვით: "ყველაზე საუკეთესო – ეს დღევანდელი დღეა!" ამიტომ, გადადების გარეშე დაიწყეთ საქმე. იმოქმედეთ! თუ გეზარებათ რაიმეს დაწყება, საქმის გაკეთება ან საქმის გადადება გსურთ, საკუთარ თავს ხმამაღლა, მტკიცედ და თუ საჭიროა ყვირილითაც კი უთხარით ამერიკელი მილიარდერის დონალდ ტრამპის სიტყვები: "შენ ცეცხლი გიკიდია!"

დრო არ გელოდებათ. თქვენ რომ თქვენი საქმე გუშინ დაგეწყოთ, დღეს სულ სხვა შედეგები გექნებოდათ. თუ თქვენ დაიწყებთ საქმეს დღეს, მაშინ შედეგს ხვალ მიიღებთ, ხოლო თუ საქმეს ხვალ დაიწყებთ, მაშინ შედეგიც შესაბამისად გადაიწევს. გიმეორებთ იაპონურ ანდაზას: "ყველაზე კარგი დღევანდელი დღეა". მტკიცედ გწამდეთ, რომ თქვენი საქმე წარმატებით დასრულდება და წარმოიდგინეთ ის სასიკეთო შედეგი, რომელსაც ამ საქმის დასრულების შემდეგ მიიღებთ, რომ ასე რომ, იმოქმედეთ!

გაბრაზდით და კიდევ ერთხელ გაბრაზდით. როდესაც რაიმეს ვერ აკეთებთ და გრძნობთ რაიმეს დაწყების უნარი არ გაგაჩნიათ – გაბრაზდით. დიახ, გაბრაზდით მსგავსად მარათონელისა, რომელსაც ფინიშის წინ გადაუსწრეს და ოქროს მედალი ცხვირწინ ააცალეს. გახსოვდეთ, არ არსებობს წარუმატებელი ადამიანი! არ არსებობს ადამიანი, რომელსაც წარმატების მიღწევის შანსი არ გააჩნია. ნუ დაიწყებთ ამაო ფაციფუცს, არამედ მოიკრიფეთ მთელი ენერგია და ეს ენერგია მიმართეთ თქვენი გასაკეთებელი საქმისკენ. ჩათვალეთ, რომ სწორედ ამ საქმის დაწყებაზეა თქვენი მომავალი დამოკიდებული (და ეს ხომ მართლაც ასეა).

ნაკლებად იფიქრეთ, მეტი გააკეთეთ. ზოგი ადამიანი მიდრეკილია მუდმივი განსჯისკენ და ამის გამო მუდმივ წინააღმდეგობებშია. ასეთი ადამიანის საყვარელი ფრაზაა: "ერთის მხრივ... და მეორეს მხრივ". ის მოგვაგონებს სასწორს, რომელიც მუდმივად ირყევა, თითქოს ეშინია გაწონასწორების და ერთ პოზიციაზე გაჩერების, რადგან ამ მომენტში მას... მოქმედების დაწყება მოუწევს. დაიწყეთ მოქმედება და თქვენ გზა-გზა გაიზრდებით, ისწავლით უფრო მეტს, გაიცნობთ უფრო მეტ ადამიანს, გამონახავთ უფრო მეტ პერსპექტივას.

სიტყვები, რომლებიც ადამიანს ავირუსებენ. აბა როგორ დავიწყო? საიდან დავიწყო? არ შემიძლია! ვერ გავაკეთებ! ჩემს დროს ველოდები! ფული რომ მქონდეს! ვინმე რომ დამეხმარებოდეს! სამუშაო რომ მქონდეს! ადამიანები რომ მიგებდნენ! რომ მაფასებდნენ! უფრო ახალგაზრდა (ლამაზი, ჯანმრთელი) რომ ვიყო! უცხოეთში რომ ვცხოვრობდე! არ გამიმართლებს! ეს ჩემთვის არ არის! სხვა დროში რომ ვცხოვრობდე და ა. შ.

ეს სიტყვები-ვირუსები შეიძლება განუსაზღვრელი რაოდენობით და ნაირ-ნაირი ვარიაცებით იყოს. მოიცილეთ მსგავსი აზრები და სიტყვები. ეს სისუსტის გამოვლენის ნიშანია. ადამიანს თუ სურს, მაშინ გამოიგონებს უამრავ თავის გასამართლებელ საშუალებას, რომ მოქმედება არ დაიწყოს. არსებობს პატარა იგავი ორი ბაყაყის შესახებ, რომლებიც რძეში ჩაცვივდნენ. ერთი ბაყაყი "მიხვდა", რომ ბრძოლას აზრი არ ჰქონდა და "მშვიდად" ჩაიძირა და დაიხრჩო. ხოლო მეორე ბაყაყი გამწარებული იქნევდა ფეხებს და ამ ფეხების ქნევაში რძე შეიდღვიბა, რძე კარაქად გადაიქცა და მეორე ბაყაყი დახრჩობას გადაურჩა.

აქციეთ მნიშვნელოვანი სასწრაფოდ. ძალიან ბევრი ადამიანი ვერ იწყებს მნიშვნელოვან საქმეს, რადგან სასწრაფო საქმეების გამო ვერ ახერხებს მნიშვნელოვანი საქმეების დაწყებას. სასწრაფო საქმეებად შეიძლება იყოს სამსახური, ყოველდღიური და ამასთან რუტინული საქმეები. რა თქმა უნდა ასეთ საქმეებს ბევრი დრო და ენერგია მიაქვთ. ამიტომ, მნიშვნელოვანი საქმეები უნდა გადავიდეს სასწრაფო საქმეების "განყოფილებაში" და მათ ისეთივე პრიორიტეტი უნდა მიენიჭოს, როგორიც ყოველდღიურ საქმეებს. ნუ დაიწყებთ მსჯელობას, რომ "ჯერ სხვა საქმეები გაქვთ გასაკეთებელი". იმოქმედეთ. ჩათვალეთ, რომ მნიშვნელოვანი საქმე ისეთივე სასწრაფოა, როგორც სამსახური, კვება, ძილი და ა. შ.

დაიჭირეთ წამი. შეიძლება ისეც მოხდეს, რომ არავინ გითხრათ როდის უნდა დაიწყოთ ესა თუ ის საქმე. თუნდაც იმ მიზეზის გამო, რომ გარშემომყოფებმა უბრალოდ არ იცოდნენ თქვენი მიზნების შესახებ. ნუ დაელოდებით "ზეციურ მინიშნებას", რადგან ეს თქვენ თვითონ უნდა გააკეთოთ. თქვენმა გულმა და ქვეცნობიერმა უნდა გიპასუხოთ, რომ სწორედ ახლა მოქმედების დროა.

და ბოლოს. ზუსტად უნდა იცოდეთ, რა საქმის დაწყებას აპირებთ. ამერიკელი მსახიობის და მწერლის ბენ სტეინის სიტყვებით რომ ვთქვათ: "ცხოვრებისგან რომ მიიღოთ ის რაც გსურთ, პირველ რიგში აუცილებელია განსაზღვროთ ის... რა გსურთ".

რატომ არ არსებობს 13-ე ზოდიაქოს ნიშანი

2011-01-19T17:05:00.010+04:00

ბოლო პერიოდში ინტერნეტში გავრცელდა სტატია, რომელიც ზოდიაქოს რკალში 13-ე ზოდიაქოს ნიშნის, კონკრეტულად კი გველისმჭერის, იგივე გველისმგეშავის (და არა გველისმყრობელის, როგორც ეს ზემოთ აღნიშნული სტატიის ქართულ ვერსიაში თარგმნეს!) ჩამატებაზე იყო საუბარი.

სტატია ითარგმნა საკმაოდ ბევრ ენაზე და მათ შორის ქართულადაც. თუმცა როგორც ხშირად ხდება, ქართულ ენაზე ნათარგმნი სტატია თითქოს უმნიშვნელოდ, მაგრამ არსებითად განსხვავდება დედნისგან. საქმე კი შემდეგში გახლავთ, ინგლისურ ენაზე სტატია გვამცნობს, რომ ამერიკელმა ასტრონომმა პარკ კუნკლემ (რომელიც მინეაპოლისის ტექნიკურ კოლეჯში ასტრონომიას ასწავლის), განაცხადა, რომ ზოდიაქოს ნიშნების სისტემაში საჭიროა ჩაემატოს 13-ე ზოდიაქოს ნიშანი გველისმჭერი, რადგან ცის კაბადონზე, კონკრეტულად კი ეკლიპტიკზე მოძრაობისას პლანეტები და მზე გაივლიან უკვე არა თორმეტ, არამედ ცამეტ თანავარსკვლავედს. მორიელისა და მშვილდოსნის თანავარსკვლავედებს შორის ჩაემატა (ადგილი დაიკავა) გველისმჭერის თანავარსკვლავედმა, ამიტომ, მთლიანი ზოდიაქოს სისტემა დაირღვა.
სანამ კუნკლეს ვერსიის ცთომილებზე ვისაუბრებთ, მანამდე დავუბრუნდეთ იგივე კუნკლეს სტატიის ქართულად თარგმნილ ვერსიას.
დედანში წერია, რომ "ასტრონომები ითხოვენ გადახედილი იქნას ზოდიაქოს ნიშნების სისტემა". სტატიის რუსულ ვერსიაში (საიდანაც ქართულად ითარგმნა) წერია, რომ "ასტრონომთა საერთაშორისო ასოციაციამ მოითხოვა ჩატარდეს ზოდიაქოს სისტემის რეფორმა". ქართულ ვერსიაში სიტყვა "ასტრონომთა" შეცვლილია სიტყვით "ასტროლოგთა" და გამოდის "ასტროლოგების საერთაშორისო ასოციაციამ ზოდიაქოს ნიშნების სისტემაში რეფორმის გატარება და მეცამეტე ნიშნის დამატება მოითხოვა".
"ასტროლოგთა საერთაშორისო ასოციაციას", უფრო სწორედ "ასტროლოგიის კვლევის საერთაშორისო საზოგადოებას" (ISAR) მსგავსი არაფერი მოუთხოვია და არც მოითხოვდა, რადგან "კლასიკური" ასტროლოგია ზოდიაქოს სისტემაში იყენებს არა თანავარსკვლავედებს, არამედ ზოდიაქოს ნიშნებს. ამ ორ ფენომენს შორის ძირეული განსხვავებაა. ზოდიაქოს ნიშნები ეკლიპტიკის პირობითი დანაყოფებია (სექტორებია). თითოეული ზოდიაქოს ნიშანი ოცდაათი გრადუსისგან შედგება. ზოდიაქოს სისტემის ათვლის წერტილს წარმოადგენს გაზაფხულის ბუნიაობა (20-21 მარტი). აქედან გამომდინარე ზოდიაქოს სისტემა არის უძრავი და ის ყოველთვის გაზაფხულის ბუნიაობიდან იწყება.
საქმე იმაშია, რომ ხშირად ერთმანეთში ერევათ ორი განსხვავებული კოორდინატათა სისტემა: ზეცა, სადაც ერთის მხრივ დაყოფილია თანავარსკვლავედებად, ხოლო მეორეს მხრივ ზოდიაქოს ნიშნებად (კოორდიტანების ეკლიპტიკური სისტემა).
კოორდიტანების ეკლიპტიკური სისტემის მიხედვით, ნებისმიერი ციური სხეულის მდებარეობა განისაზღვრება ორი კოორდინატით: განედით და გრძედით.
გრძედი შეიძლება იყოს 0-დან 360 გრადუსამდე, ხოლო განედი კი მინუს (–) 90 გრადუსიდან პლუს (+) 90 გრადუსამდე. მზეს განედის მიხედვით ყოველთვის ნულოვანი მდებარეობა უკავია, გრძედის მიხედვით კი ის ეკლიპტკზე მოძრაობს. გრძედისა და განედით მიხედვით ნულოვანი წერტილი ყოველთვის გაზაფხულის ბუნიაობას დგება. ზოდიაქოს ნიშნები კი ეს როგორც უკვე ზემოთ ვთქვით, ოცდაათ გრადუსიანი სექტორებია, რომლებიც მდებარეობენ ეკლიპტიკზე. ამ თვალსაზრისით ზეცა შეიძლება შევადაროთ ფორთოხალს, რომელიც თორმეტი ერთმანეთის ტოლი ნაჭრისგან შედგება. გაზაფხულის ბუნიაობას (20-21 მარტს, როდესაც ერთმანეთს დღე და ღამე უტოლდება) მზე ყოველთვის ვერძის ზოდიაქოს პირველ გრადუსში შედის. შემდეგ მზე გაივლის 360 გრადუსს და მეორე წელს, ისევ გაზაფხულის ბუნიაობას ხელახლა შევა ვერძის ზოდიაქოს პირველ გრადუსში და ა. შ.
რაც შეეხება თანავარსკვლავედებს, ზოდიაქოს ნიშნებისგან განსხვავებით, სულად არ არიან ზეცის ("ზეციური ფორთოხლის") დანაყოფები, ისინი უფრო სხვა და სხვა ფორმის და ზომის არიან, ისინი არ არიან "მიწებებულნი" წელიწადის დროებზე. თანავარსკვლავედები ნელა მოძრაობენ გაზაფხულის ბუნიაობების და პირისპირდგომების წერტილებთან მიმართებაში. ამჟამად ცის კაბადონზე 88 თანავარსკვლავედია და 13 მათგანს მზე და პლანეტები ეკლიპტიკაზე მოძრაობის დროს გაივლიან.
უბრალოდ ზოდიაქოს ნიშნებმა სახელწოდებები მიიღო იმ ეპოქაში, როდესაც თანავარსკვლავედების ცის კაბადონზე განთავსება ზოდიაქოს ნიშნების განთავსებას ემთხვეოდა. ასტროლოგიაში ზოდიაქოს სისტემა უძრავია და როგორც ზემოთ ავღნიშნეთ, ის ყოველთვის გაზაფხულის ბუნიობიდან (20-21 მარტი) იწყება, მასში ყოველთვის თორმეტი ზოდიაქოს ნიშანი იყო, არის და იქნება.
რაც შეეხება კუნკლეს განცხადებას, რომელმაც არ იცის (ან იცის და უბრალოდ ყურადღებას არ ამახვილებს) თუ რა განსხვავებაა თანავარსკვლავებებსა და ზოდიაქოს ნიშნებს შორის. დიდი ალბათობაა, რომ ის ამ განცხადებას აკეთებს არა იმდენად ასტროლოგიის დისკრედიტაციის, არამედ უფრო საკუთარი თავის რეკლამირების და საკუთარი პიროვნების წარმოჩენის მიზნით.
პროფესიონალი ასტროლოგები, რომლებიც "კლასიკური" ასტროლოგიის მიმდევრები არიან, გველისმჭერის ზოდიაქოს არასდროს იყენებენ, რადგან 12 ყველა დროის ერთ-ერთი მნიშვნელოვანი და მისტიკური რიცხვია და სამყაროსეულ თუ ადამიანურ ჰარმონიასთან პირდაპირ კავშირშია. უძველესი დროიდან 12 დროის სიმბოლო და ღვთიური რიცხვი იყო.
კალენდრების აბსოლუტური უმეტესობა (როგორც მზის, ისე მთვარისა თუ მზე-მთვარის) 12 თვისგან შედგება. წელიწადში 12 თვეა, დღეშიც და ღამეშიც 12 საათია. ადამიანს ერთ ხელზე 12 ფალანგა აქვს (თუ ცერა თითს არ ჩავთვლით). როგორც ბერძნულ, ისე რომაულ მითოლოგიაში 12 "მთავარი" ღმერთი იყო, რომლებიც ერთიანობაში პანთეონს ქმნიდნენ. ბერძნული მითოლოგიის გმირმა ჰერაკლემ სწორედ 12 გმირობა ჩაიდინა. ბრიტანეთის მითიურ მეფეს არტურს "მრგვალი მაგიდის" 12 რაინდი ჰყავდა. რელიგიაში, კონკრეტულად იუდაიზმში სოლომონის ტაძარი 12 ნაწილისგან შედგებოდა, იაკობს 12 შვილი ჰყავდა, რომლებმაც ებრაელების 12 ტომს დაუდეს სათავე. ქრისტიანობაში იესოს 12 მოწაფე-მოციქული ჰყავდა, იონეს "გამოცხადებაში" "ზეციურ იურუსალიმს" 12 კარიბჭე და 12 საძირკველი აქვს. ჩინური ნატურფილოსოფიის თანახმად, ადამიანის ორგანიზმში არის 12 ძირითადი მერიდიანი და თითოეული მერიდიანი ორ საათში ერთხელ აქტიურდება, ინდური მეტაფიზიკის თანახმად ადამიანს გააჩნია 12 მეორადი ჩაკრა და ეს კიდურების სახსრებზე მდებარეობს. მეცნიერულად დამტკიცებულია, რომ ადამიანთა ჯგუფი საკმაოდ ეფექტურად და პროდუქტიულად მუშაობს, თუ მათი რიცხვი თორმეტია.
ასტროლოგია ეს არის უმცირეს დეტალებამდე გათვლილი სისტემა, რომელიც უკვე ხუთი ათასი წელია არსებობს და ყოველთვის აინტერესებთ ადამიანებს, მიუხედავად მათი ეროვნებისა, რელიგიური მრწამსისა, კანის ფერისა თუ სქესისა. არსებობს ასტროლოგიის ბევრი მიმართულება, ამასთან ასტროლოგია კაცობრიობის თითქმის ყველა ცივილიზაციაში არსებობდა და მუდამ მოუტანს კაცობრიობას სიკეთეს.
ასტროლოგიის მიმდევართა და უბრალოდ მისით დაინტერესებულთა რიცხვი კი დღითიდღე იზრდება. და თუ რატომ? ამას ამერიკელი მილიარდელების ჯონ დევისონ როკფელერისა და ჯონ პირპონტ მორგანის პირადი ასტროლოგის ევანჯელინა ადამისის სიტყვებით ვუპასუხებთ: "იმიტომ, რომ ასტროლოგია მუშაობს"!

2011 წლის პოლიტიკურ-საზოგადოებრივი პროგნოზი

2010-12-28T23:04:00.005+04:00

მსოფლიო. აღმოსავლური ასტროლოგიის მიხედვით მიჩნეულია, რომ კურდღლის წელი (1915, 1927, 1939, 1951, 1963, 1975, 1987, 1999, 2011) შედარებით მშვიდობიანი წელია, თუმცა 2011 წლის სტიქია ლითონია, ამიტომ, ეს წელი შედარებით ხისტი და სწრაფად ცვალებადი იქნება. დაძაბულ სიტუაციებში გამოსავალი ყოველთვის მოთმინება და დიპლომატია იქნება, რადგან 2011 წელი "ინ", ანუ მდედრული ენერგიით იმართება.
ჩინური ასტროლოგიის მიხედვით 2011 წლის მართველი ვარსკვლავი არის "ნიუი", რომლის კოსმობიოლოგიური გავლენა პირად ცხოვრებაზე უფრო სასიკეთოა, ვიდრე საზოგადოებრივ და პოლიტიკურ საქმიანობაზე. ვარსკვლავ "ნიუის" გავლენას სასიკეთო ცვლილებები მოაქვს ოჯახის შექმნასთან დაკავშირებით, თუმცა საზოგადოებაში იმატებს შეუთანხმებლობა და განხეთქილება.
ზოგადად კურდღლის წელი ყოველთვის ხასიათდება ცვლილებებით და ეს ცვლილებები და ლითონის და ცეცხლის სტიქიის გავლენის დროს (2011 წლის სტიქია სწორედ ლითონია) მოვლენები ისე სწრაფად და მოულოდნელად იწყება და ვითარდება, რომ ბევრი ადამიანი დაწყებული ცვლილებებისთვის მომზადებასაც კი ვერ ასწრებს.
2011 წელს მსოფლიო პოლიტიკასა თუ ეკონომიკაში ძირითადად გასულ წელს დაწყებული პროცესები გაგრძელდება. კურდღლის წელის კოსმობიოლოგიური ენერგია ვეფხვის წელთან შედარებით უფრო სუსტია, ამიტომ, რადიკალური ცვლილებებიც კი შედარებით რბილად და ჰარმონიულად განვითარდება.
დიდი ალბათობაა, რომ ბევრ ქვეყანაში გლობალური ცვლილებები უკვე წლის დასაწყისშივე დაიწყება და ამას უფრო რეფორმების სახე ექნება (ამაზე მიანიშნებს თევზების ზოდიაქოს მესამე დეკადაში იუპიუტერისა და ურანის შეერთება), თუმცა რამდენადაც ცვლილებები ხისტად და წინდაუხედავად განვითარდება, იმდენად მოსალოდნელია, რომ ბევრგან ამას მძაფრი წინააღმდეგობები, საპროტესტო გამოსვლები და შეიარაღებული დაპირისპირებებიც კი მოჰყვეს. ეს ხისტი პროტესტი საგრძნობი იქნება არა მხოლოდ გლობალურ, არამედ ინდივიდუალურ დონეზეც კი და ეს დაუკავშირდება ძველი ნეგატიური ჩვევებისგან, კომპლექსებისგან თუ მიდრეკილებებისგან, ხოლო გლობალურ დონეზე და მთელ რიგ ქვეყნებში ძველი ხელისუფლებისგან თუ მართვის სტილისგან განთავისუფლებას.
იანვარი, თებერვალი, მარტი და აპრილის პირველი ნახევარი შედარებით კრიზისული პერიოდი იქნება და არ არის გამორიცხული როგორც პოლიტიკაში, ისე საზოგადოებაში გარკვეულ დაპირისპირებებს ჰქონდეს ადგილი. ამ პერიოდში მოიმატებს როგორც შეიარაღებული დაპირისპირებები, ისე სერიოზული ეკოლოგიური კატასტროფებები (ამის ალბათობა განსაკუთრებით მაღალი იქნება აზიაში).
გადასახედი იქნება ის ძველი, არაეფექტური მეთოდები, რომლებმაც 2010 წელში წარმატებები ვერ მოიტანეს, საჭირო გახდება უფრო მოქნილი ცვლილებების გატარება. პოლიტიკაში, ეკონომიკაში, ფისკალურ საკითხებსა თუ სახელმწიფო მართვაში პასუხისმგებლობას საკუთარ თავზე უფრო ენერგიული ადამიანები აიღებენ. მოსალოდნელია მთელი რიგი ცვლილებები და რეფორმები და საშუალო და უმაღლეს განათლებში, მედიცინასა და სახელმწიფო მართვაში.

საქართველო. რა თქმა უნდა ის პოლიტიკურ-ეკონომიური ცვლილებებსა და ტენდენციებს, რომლებიც დამახასიათებელი იქნება 2011 (კურდღლის) წლისთვის და რომლებიც მთელს მსოფლიოში აქტუალური იქნება, ვერც საქართველო აუვლის გვერდს.
თუ 2010 წლის შედარებით აქტიური და ბობოქარი იყო და ყველა სწორხაზოვნად და ჯიუტად ცდილობდა საკუთარი მიზნის მიღწევას, 2011 წელს პოლიტიკური სუბიექტები შეეცდებიან საკუთარ საქმიანობაში ძირეული ცვლილებები შეიტანონ, თუმცა ამ ცვლილებებს განახორციელებენ და გამარჯვებისკენ პირველ ნაბიჯებს გადადგამენ ისინი, ვინც საფუძვლიანად გაანალიზებენ გასულ წლებში დაშვებულ შეცდომებს და მათი გამოსწორებისთვის იზრუნებენ.
2011 წელს აქტუალური გახდება ახალი კავშირების დამყარების მომენტი, ამიტომ, ადამიანები თუ პოლიტიკური სუბიექტები აქტიურად დაიწყებენ ახალი მოკავშირეების და თანამოაზრეების მოძიებას და ახალი ურთიერთობების დამყარებას.
პოლიტიკურ სპექტრში (როგორც ხელისუფლებაში, ისე ოპოზიციაში) შესაძლებელია ვიხილოთ მთელი რიგი ცვლილებები, რომლებიც სხვა და სხვა ტიპის გადაადგილებებს შეეხება. არ არის გამორიცხული აქამდე აქტიური პიროვნებები შედარებით პასიურ მდგომარეობაში გადავიდნენ და შესაძლოა, ზოგიერთმა პოლიტიკოსმა საერთოდ უარი თქვას აღებულ კურსზე ან აქტიურ პოლიტიკურ მოღვაწეობაზე, ამის პარალელურად პოლიტიკაში (და ასევე სხვა სფეროებში) მოსალოდნელია ახალი სახეების გამოჩენა ან ძველი სახეების ახლებური კუთხით წარმოჩენა და ეს ადამიანები სხვა და სხვა სახის პროცესებში აქტიურად და თავდაჯერებულად ჩაებმებიან.
იანვარი მთლიანობაში პოზიტიური იქნება, თუმცა იანვარის დასასრული და თებერვლის დასაწყისი შედარებით დისჰარმონიული იქნება (სწორედ ამ დროს გააქტიურდება კურდღლის წლის ძირითადი გავლენა), მოსალოდნელია ამ პერიოდში განხორციელებულმა ცვლილებებმა სასურველი შედეგი ვერ მოიტანოს. ამავე პერიოდში და ასევე მარტის პირველ დეკადაში ყურადღებას ითხოვს ჯანმრთელობასთან დაკავშირებული საკითხები. მარტის მესამე ნახევარიდან (როდესაც მზე ვერძის ზოდიაქოში გადაინაცვლებს) _ აპრილის პირველი ნახევრის ჩათვლით გააქტიურდება პოლიტიკური პროცესები, მოიმატებს დაძაბულობის, კრიმინალის, ეკონომიკური კრიზისების, ტექნიკური ავარიების და საპროტესტო გამოსვლების ალბათობა და ეს გაგგრძელდება აპრილის ბოლომდე.
მაისი შედარებით პოზიტიური იქნება, თუმცა ეს პერიოდი მოსალოდნელია გარკვეულწილად რთული აღმოჩნდეს ვერძის, კირჩხიბის, სასწორისა და თხის რქის ნიშნით დაბადებული ადამიანების და განსაკუთრებით პოლიტიკოსებისთვის. პოზიტიურ ტენდენციები გაგრძელდება მაისის ბოლომდე, თუმცა შემდგომში საერთო მდგომარეობა მოსალოდნელია დაიძაბოს და ამას განსაკუთრებით გააძლიერებს მზის ორი დაბნელება, რომელიც 1 ივნისს და 1 ივლისს დაფიქსირდება. ეს პერიოდი არასახარბიელოა პოლიტიკური თუ ეკონომიკური ცვლილებებისთვის, რეფორმების განხორციელებისთვის, მოიმატებს დანაკარგების, კრიზისების და ასევე საქმიანი ინფორმაციის გამჟღავნების ალბათობა. თუმცა ის ადამიანები, რომლებიც მოახერხებენ, რომ დაწყებულ ცვლილებებს ფეხი აუწყონ და ურთიერთობებში ტაქტსა და დიპლომატიას მიმართავენ, არ არის გამორიცხული დაწინაურებაც კი მოახერხონ.
2011 წელს ყველაზე რთული ივლისის მეორე ნახევარი, აგვისტო და სექტემბერი იქნება და ამ პერიოდში მოსალოდნელია მთელმა რიგმა პრობლემებმა იჩინონ თავი და ეს გამოვლინდება ქაოსურ სიტუაციებში, მართვის პროცესის გართულებაში, არ არის გამორიცხული ამ პერიოდში სახელისუფლებო კრიზისმაც იჩინოს თავი. მოიმატებს ეკოლოგიური კატასტროფების და ტექნიკური ავარიების ალბათობაც. ამიტომ, ამ პერიოდში შესაბამის სამსახურებს განსაკუთრებულ რეჟიმში მუშაობა მართებთ.
შედარებით პოზიტიური პერიოდი დაიწყება ოქტომბრის მეორე ნახევრიდან და შესაძლებელი გახდება მთელი რიგი პრობლემების გადაჭრა, განსაკუთრებით ეკონომიკასა და ფისკალურ საკითხებში, წლის პირველ ნახევარში გონივრული და წინდახედული ნაბიჯების გადადგმის შედეგად, ძალიან ბევრი ადამიანი კრედიტებთან და სესხებთან დაკავშირებული საკითხების დარეგულირებას და დასტაბილურებას შეძლებს. თუმცა ყურადღებას ითხოვს ნოემბრის ბოლო და დეკემბრის პირველი დეკადა, რადგან ამ პერიოდში თუ პოლიტიკოსების მხრიდან დაშვებული შეცდომების გამოსწორება მომავალში თითქმის შეუძლებელი იქნება.

2011 წლის ასტროლოგიური პროგნოზი ზოდიაქოს ნიშნებისთვის

2010-12-28T22:49:00.004+04:00

ვერძი - 2011 წლის პირველი ნახევარი თქვენთვის სასიკეთო ცვლილებებისა და ახალი შემოქმედებითი პოტენციალის გამოვლენის პერიოდი იქნება. ეს პოზიტიური პერიოდი ივნისის დასაწყისამდე გასტანს. ამ პერიოდში მოიმატებს თქვენი ენერგიულობა და შეძლებთ ჩანაფიქრების, მიზნების და გეგმების ახლებურად გააზრებას და რეალიზებას. ამ წელს კიდევ უფრო ორგანიზებულად და თამამად შეძლებთ ლიდერის თვისებების გამოვლენას, რასაც გარშემომყოფები სიხარულით შეხვდებიან. თქვენი პირადი აქტიურობა და ინიციატივის გამოვლენა სხვა ადამიანების წინსვლას და განვითარებას ხელს შეუწყობს. იანვარში თქვენ მიზანდასახულად დაიწყებთ ახალი პროექტების რეალიზებას, ხოლო თებერვალში ახალ კომპანიონებს, მომხრეებსა და პარტნიორებს შეიძენთ. მოსალოდნელია იანვარი და თებერვლის პირველი დეკადა თქვენთვის უმიზეზო ფაცი-ფუცის და კონფლიქტების წამოწყების პერიოდადაც იქცეს, ამიტომ, ურთიერთობებში მეტი მოთმინება და თავშეკავება გმართებთ. შედარებით რთული იქნება მარტის პირველი და მესამე დეკადა, ამ პერიოდში თქვენ გაორმაგებული შრომა და საკუთარი ინტერესების დაცვა მოგიწევთ. მარტში მეტი ყურადღება მიაქციეთ ისეთ ადვილად მსხვრევად ურთიერთობებს, პროექტებს და ასევე საკუთარ ჯანმრთელობას, ადვილად ნურავის ენდობით და მიღებული საქმიანი ინფორმაცია გადაამოწმეთ. გაზაფხულის მეორე ნახევარსა და ზაფხულის დასაწყისში თქვენ შეძლებთ არა მხოლოდ დინამიურ კარიერულ წინსვლას, არამედ ფინანსური მდგომარეობის მკვეთრად გაუმჯობესებასაც. სწორედ ამ პერიოდში თქვენი ცხოვრება უფრო მრავალფეროვანი გახდება და მოვლენები მოსალოდნელია კალეიდოსკოპური სისწრაფით განვითარდეს, ამიტომ, უნდა შეძლოთ ცხოვრების სწრაფი ტემპისთვის ფეხის აწყობა. ამ დროს თამამად შეგიძლიათ დაეყრდნოთ მეგობრებს, ნათესავებს და ასევე სასიყვარულო პარტნიორს. ივლისი, აგვისტო და სექტემბრის პირველი ნახევარი რომანტიკული თვალსაზრისით საკმაოდ სასიკეთო პერიოდი იქნება, ამ დროს მოგიწევთ ბევრი გადაადგილება, მგზავრობა, მოგზაურობა, მოიმატებს სასიყვარულო ურთიერთობების განახლების ან დაწყების ალბათობა, ასე რომ, ამ დროს ახალი ნაცნობობა და ბევრი გართობა გელით. ამავე პერიოდში ყურადღება მიაქციეთ საკუთარ ჯანმრთელობას, განსაკუთრებით ქრონიკულ დაავადებებს, ხოლო ახლობლებთან მიმართებაში მაქსიმალურად შეეცადეთ ყოველგვარი უთანხმოებები. ოქტომბრის მეორე ნახევარსა და ნოემბრის პირველი დეკადაში გააქტიურდება სამსახურებრივი საკითხები, არ არის გამორიცხული დამატებითი სამუშაო ან საერთოდ ახალი სამსახურიც მიიღოთ, რაც სასიკეთო აისახება თქვენს ფინანსურ შემოსავლებზე. დეკემბერი საუკეთესო პერიოდი იქნება მატერიალური მდგომარეობის გაუმჯობესებისთვის.

კურო - თქვენ წარმატებებს უფრო 2011 წლის მეორე ნახევარში მიაღწევთ, თუმცა პირველი სასიამოვნო სიახლეები უკვე იანვარშივე გელით. ამ პერიოდში დაწყებული საქმიანი ურთიერთობები, უცხოეთთან დამყარებული კავშირები და ახალი პროექტები თქვენს ახალ სიმაღლეზე ასვლას უზრუნველყოფენ. იანვარში და თებერვლის პირველ ნახევარში მნიშვნელოვნად მოიმატებს თქვენი შემოქმედებითი პოტენციალი, კომუნიკაბელურობა და თავდაჯერებულობა, ეს საშუალებას მოგცემთ მოაგვაროთ დიდი ხნის მანძილზე დაგროვილი საკითხები, წამოიწყოთ ახალი, ამბიციური პროექტები და არ არის გამორიცხული პირველი პოზიტიური შედეგები უკვე თებერვლის მეორე ნახევარში და მარტის პირველ ნახევარში მიიღოთ. თამამად შეიძლება ითქვას, რომ თებერვალი და მარტის პირველი და მეორე დეკადა თქვენი კარიერული წინსვლის, შემოქმედებითი და სასიყვარულო წარმატების და გამარჯვების პერიოდი იქნება. ეს დრო მაქსიმალურად გამოიყენეთ, რადგანაც მარტის დეკადიდან აპრილის მეორე დეკადის ჩათვლით შესაძლოა, გარკვეული შეფერხებები გაჩნდეს, შეიქმნას რთული და დაუგეგმავი სიტუაციები, რომლებიც თქვენი გეგმების განხორციელებას გარკვეულწილად შეაფერხებენ. შედარებით პოზიტიური პერიოდი დაიწყება აპრილის ბოლოდან, როდესაც მოიმატებს ახალი შეხვედრების, კონტაქტების და ნაცნობობის ალბათობა, ეს განსაკუთრებით საგრძნობი პირად ცხოვრებაში გახდება და თუ თქვენ ოჯახი ჯერ არ შეგიქმნიათ, მოსალოდნელია სწორედ ამ დროს გამოჩნდეს თქვენი ცხოვრებაში თქვენთვის სასურველი სასიყვარულო პარტნიორი. ივნისის მეორე ნახევრიდან აგვისტოს ჩათვლით. უმჯობესია დრო დასვენებას და ფიზიკური ძალების აღდგენას დაუთმოთ. ეს ის დროა, როდესაც თქვენ სიფრთხილით უნდა მოეკიდოთ ახალ წამოწყებებსა და პროექტებს და მხოლოდ გამოცდილ პარტნიორებს ენდოთ. სექტემბერსა და ოქტომბრის პირველ დეკადაში თქვენ ახალ ეტაპზე გადასვლა მოგიწევთ, რაც ცხოვრების თითქმის ყველა სფეროს შეეხება. ეს ხელსაყრელი პერიოდი იქნება კარიერული და სულიერი ზრდისთვის, თქვენი ენერგია მნიშვნელოვნად მოიმატებს და ოქტომბრიდან თქვენ თავს უფრო მეტად თავდაჯერებულად და წარმატებულად იგრძნობთ. ყურადღება და სიფრთხილე გამოიჩინეთ მხოლოდ დეკემბერში, გამოიჩინეთ გამჭრიახობა და სიფრთხილე. მთლიანობაში კი 2011 წელი თქვენთვის კეთილდღეობისა და წარმატების მომტანი აღმოჩნდება და თქვენ შეძლებთ უკვე დაწყებული საქმეების წარმატების დასრულებას და ახალი, უფრო გლობალური ამოცანების დასახვას და მათ რეალიზაციას.

ტყუპი - 2011 წლის დასაწყისი შესაძლოა, თქვენთვის არც თუ ისე წარმატებული აღმოჩნდეს და ამ პერიოდმა არ გაამართლოს თქვენი იმედები. ცხადია ამის გამო თავს მშვიდად და თავდაჯერებულად ვერ იგრძნობთ და მხოლოდ იანვრის პირველ ნახევარშია მოსალოდნელი. იანვრის მეორე ნახევრიდან თქვენი ენერგიულობა, აქტიურობა და თავდაჯერებულობა მოიმატებს, რაც სასიკეთოდ აისახება თქვენს თქვენს სამსახურებრივ და პირად ცხოვრებაზე. ამ პერიოდში თქვენ შემოქმედებითი აღმასვლა გელით, ფორტუნის ბორბალი თქვენსკენ შემობრუნდება და თუ გონივრულად იმოქმედებთ და თქვენზე დაკისრებულ მოვალეობებს თავს გაართმევთ და პასუხისმგებლობებს არ გაექცევით, წარმატება როგორც ოჯახურ ცხოვრებაში, ისე პროფესიულ საქმიანობაში უბრალოდ გარდაუვალი იქნება. თებერვალი და მარტი შესანიშნავი პერიოდია სასიყვარულო და რომანტიკული შეხვედრებისთვისაც. კარგი იქნება თუ ახალ ნაცნობებს გაიჩენთ, ახალ პროფესიას დაეუფლებით, აიმაღლებთ კვალიფიკაციას ანდა უკვე მიღებულ ცოდნას გაამყარებთ. ეს სასიკეთო ტენდენციები მარტის მეორე დეკადამდე გაგრძელდება, ასე რომ ზამთრის დასასრული და გაზაფხულის დასაწყისი თქვენთვის დინამიური და აქტიური აღმოჩნდება, რასაც ვერ ვიტყვით, გვიან გაზაფხულზე და ზაფხულის დასაწყისზე. ამ დროს თქვენ მეტი წინდახედულება მოგეთხოვებათ პარტნიორების და ახალ წამოწყებულ პროექტებთან თუ ურთიერთობებთან მიმართებაში. ზაფხული და შემოდგომის დასაწყისი მეტად სასიკეთო აღმოჩნდება, თქვენ იგრძნობთ სულიერი ზრდის და განახლების მოთხოვნილებას. თუმცა აგვისტოში დაისვენეთ, რათა ფიზიკურად არ გადაიღალოთ. ამ პერიოდში აქტიური გახდება საწინააღმდეგო სქესის ადამიანებთან ახალი ურთიერთობები, არ არის გამორიცხული სასიყვარულო და რომანტიკული ურთიერთობების გაბმა. მოსალოდნელია ამ დროს დაწყებული ურთიერთობები სერიოზულ გრძნობაში და ქორწინებაშიც კი გადაიზარდოს. სექტემბერში, ოქტომბერში და ნოემბრის პირველ დეკადაში თქვენ ენერგიული იქნებით და შესაძლოა, ეგზალტირებული შეგრძნებებიც გაგიჩნდეთ, რაც ნამდვილად პოზიტიურად აისახება თქვენს საქმიანობაზე. თუმცა გარკვეული სიფრთხილე გმართებთ ნოემბრის დასაწყისში, როდესაც უსიამოვნო სიტუაციების და გაუგებრობების ალბათობა რამდენადმე მოიმატებს. ოქტომბრის ბოლოს და ნოემბრის დასაწყისში მოერიდეთ დაუგეგმავ მოგზაურობას, საეჭვო ნაცნობობას და შეეცადეთ, ფინანსური სტაბილურობა შეინარჩუნოთ. წლის ბოლოს შეძლებთ ძირეული საკითხების თქვენდა სასიკეთოდ გადაჭრას და ახალი და საინტერესო პროექტების დაწყებას.

კირჩხიბი - შეეცადეთ, 2011 წელი ენერგიულად აქტიურად დაიწყოთ, რადგან როგორც იანვარი, ისე თებერვალი და მარტი შემოქმედებითად დატვირთული პერიოდი იქნება. უპირატესობა პარტნიორულ და ჯგუფურ საქმიანობას მიანიჭეთ, ხოლო თუ თქვენი პარტნიორები სანდო და ერთგული ადამიანები იქნებიან, მაშინ შეგიძლიათ სასიკეთო ცვლილებების იმედი გქონდეთ. თებერვლის მეორე ნახევრიდან კიდევ უფრო გაძლიერდება თქვენი ენერგეტიკა, რაც საშუალებას მოგცემთ თქვენი საუკეთესო თვისებები გამოავლინოთ, ეს დაგეხმარებათ აიმაღლოთ ავტორიტეტი და ხელმძღვანელობასთან თუ გავლენიან ადამიანებთან მნიშვნელოვან შეთანხმებებს მიაღწიოთ. იანვრის ბოლოდან თებერვლის დასაწყისამდე ფიზიკურად ნუ გადაიტვირთებით, მოერიდეთ დაპირისპირებებს და ექსტრემალურ სიტუაციებს, ყურადღება მიაქციეთ საკუთარ ჯანმრთელობას. დისჰარმონიული პერიოდი ასევე მოსალოდნელი მარტის მეორე ნახევარში და აპრილის დასაწყისში, ამ პერიოდში უახლოეს გარემოცვასთან და კოლეგებთან დაპირისპირებების და კონფლიქტების ალბათობა გარკვეულწილად მოიმატებს. მოსალოდნელია სწორედ ამ პერიოდში შეიცვალოთ სამუშაო ადგილი ან ახალი სამსახური დაიწყოთ. აპრილსა და მაისში შესაძლოა, ცხოვრებაში უმნიშვნელოვანესი ცვლილებები მოხდეს, ეს დაკავშირებული იქნება ფინანსურ შემოსავლების მატებასა და დაფინანსების ახალი წყაროების მოძიებაზე. ივნისის პირველ და მეორე დეკადაში მოსალოდნელია დაძაბული პერიოდი შეიქმნას, თქვენ მოგიწევთ ადრე დაშვებულ შეცდომების გამოსწორება და გარშემომყოფების ნდობის მოპოვება. თუ თქვენ ამ პერიოდში მგრძნობიარე და თავშეუკავებელი აღმოჩნდებით, არ მიიღებთ შენიშვნას და სამართლიან კრიტიკას, მოსალოდნელია ურთიერთობებში გარკვეული შეფერხებები გაჩნდეს. ამას კი რა თქმა უნდა კარიერული უკუსვლა და პირადი კეთილდღეობის რღვევა შეიძლება მოჰყვეს. ივლისი, აგვისტო და სექტემბერი თქვენთვის პოზიტიური იმპულსების მომტანი აღმოჩნდება, თუმცა აგვისტოს მეორე დეკადაში წინდახედულება და სიფრთხილე უნდა გამოიჩინოთ, შეეცადეთ, მოგზაურობისას ყველა დეტალი გათვალოთ, გაუფრთხილდეთ საბუთებსა და საფულეს, რადგან ამ პერიოდში მოიმატებს ფულის დაკარგვის ალბათობა. ნუ ენდობით საეჭვო პირებს და მოერიდეთ დაძაბულ სიტუაციებს. მდგომარეობა სასიკეთოდ შეიცვლება ოქტომბრის დასაწყისიდან და წლის ბოლომდე ბევრ თქვენთვის სასიკეთო პრობლემას მოაგვარებთ. ამ პერიოდში თქვენ შეძლებთ ახალი სფეროების ათვისებას, პროფესიულ წინსვლას, საქმიანი და პირადი სახის ურთიერთობების გაფართოვებას, ასევე შესანიშნავი პერიოდი იქნება სასიყვარულო ურთიერთობებისთვის _ თქვენს ცხოვრებაში ახალი პარტნიორები შემოვლენ და ახალი საქმიანი ურთიერთობები გაჩნდება, რომლებიც ნოემბერსა და დეკემბერში თქვენ უამრავი დაწყებული საქმის თუ გეგმის შესრულებაში დაგეხმარებათ.

ლომი - თქვენთვის 2011 წლის პირველი ნახევარი სურვილების ასრულების პერიოდი იქნება. იანვარსა და თებერვალი უამრავი ცვლილებების მომტანი აღმოჩნდება, რაც გამოვლინდება კოლეგებთან, ხელმძღვანელობასთან და ახლობელ ადამიანებთან ურთიერთობების გამყარებაში, შემოქმედებითი პოტენციალის და პიროვნული შარმის ზრდაში, ეს ყოველივე დაგეხმარებათ პროფესიულ საქმეში წინსვლაში და ახალი, სასარგებლო კავშირების დამყარებაში. ამ პერიოდში სასიყვარულო ურთიერთობებიც ჰარმონიულად წარიმართება და შესაძლოა სერიოზული გრძნობა გაგიჩნდეთ. მარტის პირველ ნახევარში ყურადღება და სიფრთხილე გამოიჩინეთ, მოუსმინეთ პარტნიორების თუ კოლეგების შენიშვნებს, კონტროლი გაუწიეთ ფინანსურ შემოსავლებსა და გასავლებს, მოერიდეთ სარისკო პროექტების წამოწყებას ეს საშუალებას მოგცემთ ფინანსური წონასწორობა შეინარჩუნოთ. აპრილის პირველ და მეორე დეკადაში გაძლიერებული ინტუიციის, უკვე მიღებული გამოცდილების და გაბედული მოქმედებების ხარჯზე მოახერხებთ მნიშვნელოვან შეთანხმებებს მიაღწიოთ. მთლიანობაში ეს პერიოდი თქვენთვის კეთილდღეობის მომტანი იქნება, გაფართოვდება თქვენი მსოფლმხედველობა, კულტურული კავშირები და სულიერი იმპულსები. აპრილის ბოლო და მაისი თავი შეიკავეთ დაპირისპირებებისგან და შექმნილი წინაღობები მოთმინების და შრომისმოყვარეობის ხარჯზე გადალახეთ. თუმცა ამავე პერიოდში თქვენს თავს თავდაჯერებულად იგრძნობთ, თუმცა ივლისის მეორე დეკადიდან თქვენთვის ისევ ნაკლებად პოზიტიური პერიოდი დაიწყება, თუ თქვენ თავშეკავებულად და წინდახედულად იმოქმედებთ, ყურადღებით მიიღებთ ყველა საეჭვო თუ სათუო წინადადებას და არ გარისკავთ, ამ პერიოდს დანაკარგების გარეშე გაივლით. აგვისტოს პირველი და მეორე დეკადა თქვენთვის წარმატებული აღმოჩნდება, მოსალოდნელია სასიკეთო ცვლილებები მოხდეს სწავლასთან, საქმიანი ინფორმაციასთან და ახალი საქმიანი კავშირების დამყარებასთან დაკავშირებით. აგვისტოს მესამე დეკადაში და სექტემბრის პირველ ნახევარში თქვენი ფინანსური სტაბილურობა რყევას დაიწყებს, ამიტომაც ეკონომიურობის გამოჩენა მოგიწევთ. შემოდგომა უფრო დადებითი პერიოდი იქნება, განსაკუთრებით ინოვაციებისთვის, რეფორმების გატარებისთვის, სამუშაოს შეცვლისთვის და ახალი ნაცნობობის დაწყებისთვის, ამ პერიოდმა შესაძლოა საინტერესო წამოწყებები მოიტანოს. რისკი გამართლებული იქნება. ამის მიუხედავად ოქტომბრის ბოლოსა და ნოემბრის პირველ დეკადაში სიფრთხილის გამოჩენა მოგიწევთ, რათა უხეში შეცდომები არ დაუშვათ. წლის დასასრულს თავს ბედნიერად და თავდაჯერებულად იგრძნობთ, ხოლო მიზანსწრაფული და წარმატებული ადამიანები ხელს შეუწყობენ თქვენს პიროვნულ ზრდას და განვითარებას.

ქალწული - 2011 წელი თქვენთვის ახალი საქმიანობის, ახალი სტრატეგიული გეგმების და ახალი ურთიერთობების დაწყების ეტაპი იქნება. განსაკუთრებით პერსპექტიული და სასიკეთო იანვარი და თებერვალი იქნება, რადგანაც სწორედ ამ დროს თქვენი ცხოვრების ასპარეზზე ძალიან სანდო და საინტერესო ადამიანები გამოჩნდებიან _ მეგობრები, პარტნიორები და უბრალოდ ახლობელი ადამიანები თქვენს ცხოვრებას მნიშვნელოვნად გააიოლებენ და სერიოზულ დახმარებას გაგიწევენ. მიუხედავად ზოგადად პოზიტიური პერიოდისა, ყურადღება გამოიჩინეთ იანვრის ბოლოსა და თებერვლის დასაწყისში, როდესაც არასწორი და მცდარი გადაწყვეტილებების მიღების ალბათობა ძალიან მაღალი იქნება. საკმაოდ დინამიური აღმოჩნდება თებერვლის მეორე ნახევარი და მარტის პირველი ნახევარი, როდესაც შექმნილი გარემოებები და განვითარებული მოვლენები თქვენს ახალი შემოქმედებითი პოტენციალის და დადებითი თვისებების გამოვლენას შეუწყობს ხელს. ხელმძღვანელობასთან და კოლეგებთან ურთიერთობები სასიკეთოდ განვითარდება. ეს ბრწყინვალე პერიოდი იქნება სასიყვარულო, მეგობრული და პარტნიორული ურთიერთობების გამყარებისთვის, ასევე კარგი დრო იქნება მოგზაურობისთვის, ხელშეკრულებების გაფორმებისთვის, უძრავი ქონების ყიდვა-გაყიდვისთვის და უცხოეთში მოგზაურობისთვის. მარტის ბოლოს და აპრილის პირველ დეკადაში ურთიერთობებში გაუგებრობები და კონფლიქტურობა მოიმატებს, ხოლო ზოგადი სიტუაცია არასტაბილური გახდება, ამიტომაც, ძირითადი საქმეები უმჯობესია აპრილის ბოლოსა და მაისის პირველ და მეორე დეკადაში დაგეგმოთ. როგორც მაისში, ისე ივნისში წარმატებული წინსვლის ალბათობა ბევრად უფრო მაღალი იქნება. განსაკუთრებული აღმოჩნდება ამ დროს თქვენ ფორტუნა გაგიღიმებთ და შეძლებთ ბევრ წამოწყებული საქმის წარმატებით დასრულებას და ფინანსური მდგომარეობის გამყარებას. ივნისი და ივლისი წარმატების მიღწევისთვის საუკეთესო დრო იქნება, მოგეცემათ რეალური შანსი აიმაღლოთ სოციალური სტატუსი. ეს ბედნიერი პერიოდი ივლისის პირველ და მეორე დეკადას მოიცავს, ხოლო ივლისის მესამე დეკადა და აგვისტოს პირველი ნახევარი ნაკლებად პოზიტიური აღმოჩნდება, ყურადღება ჯანმრთელობას და არასტაბილურ საკითხებს მიაქციეთ. მნიშვნელოვანი საქმეების და გეგმების განხორციელება უმჯობესია სექტემბერში დაგეგმოთ, ნოემბრის პირველ ნახევარში კი ახალი, საინტერესო და მასშტაბური პერსპექტივები გელით. ეს არის პერიოდი, რომელიც თქვენი ცხოვრება დიდი წინსვლის ეტაპად იქცევა. თქვენ მიიღებთ საინტერესო წინადადებებს ახალ სამუშაოსთან დაკავშირებით, მოაგვარებთ ყველა გაუგებრობას, ხოლო ახლობელ ადამიანებთან ურთიერთობა პოზიტიურად და ჰარმონიულად განვითარდება.

სასწორი - თქვენთვის წარმატებული უფრო 2011 წლის მეორე ნახევარი აღმოჩნდება, თუმცა ამას წლის პირველ ნახევარში გაწეული შრომის და მონდომების ხარჯზე მიაღწევთ. იანვარი ძალზე მნიშვნელოვანი თვე იქნება, ამის მიუხედავად შეეცადეთ მნიშვნელოვანი ცვლილებები სიფრთხილით განახორციელოთ და არ გარისკოთ. როგორც იანვრის ბოლოს, ისე თებერვლის პირველ ნახევარში თქვენ იოლად შეძლებთ წარსულის გამოცდილების და საქმიანი ურთიერთობების ხარჯზე ახალი საინტერესო პროექტები წამოიწყოთ, ყველა თქვენი ორიგინალური იდეა კრეატიული ნოვაცია სიხარულით იქნება ატაცებული, როგორც კოლეგების, ასევე ხელმძღვანელობის მხრიდან. მარტის პირველი ნახევარი სასიკეთო აღმოჩნდება სამუშაო ადგილის შეცვლისთვის და საზოგადოებრივი მოღვაწეობისთვის. ამ პერიოდში გაგიადვილდებათ იმიჯის შეცვლა და რეპუტაციის გამყარება. ეს პერიოდი ასევე სასიკეთო იქნება შემოქმედებითი და სულიერი ზრდისთვის. ყურადღება გაამახვილეთ მარტის ბოლოსა და აპრილის პირველ დეკადაში, ამ დროს შესაძლოა პარტნიორებთან ურთიერთობები დაიძაბოს. ამიტომ კონკურენტებთან თუ ოპონენტებთან მიმართებაში ტაქტის გრძნობა შეინარჩუნეთ. იმაზე, თუ რა შედეგებს მიიღებთ მარტის ბოლოს, ამაზე დამოკიდებული იქნება აპრილსა და მაისის პირველ ნახევარში მიღებული წარმატებების უმეტესი ნაწილი, თამამად შეიძლება ითქვას, რომ აპრილი, მაისი და ივნისის პირველი ნახევარი მთელი წლის საუკეთესო პერიოდი იქნება. არ არის გამორიცხული თქვენ ახალი სოციალური სტატუსიც კი შეიცვალოთ. ზაფხულში და განსაკუთრებით აგვისტოში მოიმატებს რომანტიკული შეხვედრების, ფლირტის, ისე გრძელვადიანი ურთიერთობების ალბათობა, რომლებიც საშუალებას მოგცემთ პირად ცხოვრებაში თავი თავდაჯერებულად იგრძნოთ. აგვისტოს ბოლო და სექტემბერში საშუალება მოგეცემათ გაიმყაროთ თავდაჯერებულობა, გადალახოთ შექმნილი წინაღობები და უცხოელებთან დაამყაროთ ახალი საინტერესო კავშირები. შესაძლოა, ამ პერიოდში უცხოეთში მოგზაურობაც კი მოგიწიოთ. სექტემბრის ბოლოს და ოქტომბერში მოიპოვებთ მეგობრების და პარტნიორების მხარდაჭერას, გაიმყარებთ ფინანსურ მდგომარეობას, გაისტუმრებთ ვალებს და მოაგვარებთ უძრავ ქონებასთან დაკავშირებულ პრობლემებს. რაც შეეხება ნოემბერს და დეკემბერს, ეს წარმატებული ეტაპი იქნება და მოსალოდნელია მატერიალური წინსვლის და მატების ეტაპადაც კი იქცეს. ეს ასევე შესანიშნავი პერიოდია სხვა და სხვა სახის მოგზაურობისთვის, სასიყვარულო და რომანტიკული ურთიერთობების დაწყებისთვის და ქორწინებისთვის.

მორიელი - თქვენთვის 2011 წლის დასაწყისი შესაძლოა ახალ გეგმებს, წამოწყებებს და პროექტებს დაუკავშირდეს, ამიტომ, იანვრის პირველი ნახევარი და ასევე თებერვლის პირველი და მეორე დეკადა წარმატებულად უნდა გამოიყენოთ, განსაკუთრებით კარიერული წინსვლისთვის და პიროვნული ზრდისთვის. ამ პერიოდში სასურველია იხელმძღვანელოთ პრინციპით: `წინ ნაბიჯ-ნაბიჯ~! ასეთი მიდგომით საკუთარ მიზნებს უფრო მიუახლოვდებით. ეს ასევე სასიკეთო პერიოდია საკუთარი საქმიანობის და საქმიანი კავშირების გაფართოვებისთვის, საქმიანი ინფორმაციის მიღება-გადაცემისთვის, ახალი თანამშრომლების შემოერთებისთვის და გავლენიანი მფარველების მოძიებისთვის. გარკვეულწილად მოსალოდნელია თქვენი ენერგიის დაქვეითება იანვრის ბოლოს და ასევე მარტის მესამე დეკადაში, რამაც მოსალოდნელია მოიტანოს გარკვეული პრობლემები როგორც ჯანმრთელობასთან, ასევე სამსახურთან მიმართებაში. ამ დროს შეეცადეთ, არ იყოთ იმპულსური, რადიკალური და არ მიიღოთ საბედისწერო გადაწყვეტილებები. ასევე ნუ ეცდებით შეცვალოთ გარშემომყოფების მოსაზრებები და წარმოდგენები, ამას მაინც ვერ შეძლებთ, ხოლო თქვენი რეპუტაცია შესაძლოა, შეილახოს კიდეც. პოზიტიური იქნება მარტის პირველი ნახევარი, როდესაც თქვენ ენერგეტიკულ და სულიერ აღმავლობას შეიგრძნობთ. სწორედ ამ დროს თქვენ წარმატებას სრულიად განსხვავებულ სიტუაციებში მოიპოვებთ, მიიღებთ საინტერესო წინადადებებს ხელმძღვანელებისგან და ასევე უცხოელებისგან, გააქტიურდება სასიყვარულო ურთიერთობები, ცხოვრება რომანტიზმით აივსება, მაგრამ ეს თქვენს რწმენას და მიზანსწრაფვას მხოლოდ გააძლიერებს. ყურადღება გამოიჩინეთ აპრილის მესამე დეკადაში, ასევე მაისის პირველ და მეორე დეკადაში, ამ დროს მოერიდეთ რისკზე წასვლას, ურთიერთობებში განხეთქილების შეტანას. მდგომარეობა მნიშვნელოვნად გამოსწორდება ივნისის ბოლოსა და ივლისში, ეს წარმატებული მოვლენების და სურვილების ასრულების პერიოდი იქნება. თუმცა მოსალოდნელია ამ პერიოდში რისკზე წასვლა და ურთიერთობებში ახალი იმპულსების შეტანამაც მოგიწიოთ. სექტემბერში მოსალოდნელია საკუთარ თავზე პასუხისმგებლობის აღება გახდეს საჭირო ან სხვაზე დაკისრებული მოვალეობის შესრულებაც მოგიწიოთ, მაგრამ ამით თქვენი ავტორიტეტი და პროფესიონალიზმი მხოლოდ ზემოთ აიწევს და თქვენს მატერიალურ მდგომარეობაზე სასიკეთოდ აისახება. სექტემბერი და ოქტომბრის პირველი ნახევარი თქვენთვის პოზიტიური პერიოდი იქნება, მაგრამ სამსახურის შეცვლა ან სარისკო გეგმების წამოწყება რეკომენდებული არ არის, უმჯობესია ამისთვის ოქტომბრის მეორე ნახევარი და ნოემბერი გამოიყენოთ. წლის ბოლოს თქვენი ენერგეტიკული და შემოქმედებითი პოტენციალი მნიშვნელოვნად მოიმატებს. თქვენ წარმატებებს კარიერაში მიაღწევთ და პარტნიორებთან ურთიერთობებს გაამყარებთ.

მშვილდოსანი - 2011 წლის დასაწყისი თქვენს ცხოვრებაში მნიშვნელოვანი სიახლეების მომტანი პერიოდი აღმოჩნდება. თქვენ შეძლებთ საკუთარ ცხოვრებაში იმ ცვლილებების განხორციელებას, რომლებიც ჯერ კიდევ გასული წლის დასასრულს უნდა გაკეთებინათ. ამ ცვლილებებს და მთელი რიგი საკითხების მოგვარებას სამსახურის და ფინანსური შემოსავლების კუთხით კეთილდღეობა და წარმატება მოჰყვება. მთლიანობაში წარმატებული იქნება როგორც იანვარი, ისე თებერვალი, თუმცა თებერვლის დასაწყისი გარკვეულ სიფრთხილეს მოითხოვს, განსაკუთრებული ყურადღება საბუთების გაფორმებას, მანქანის მართვას და საკუთარ ჯანმრთელობას მიაქციეთ. თებერვლის მეორე ნახევარში და მარტში უკვე დასახული გეგმების განხორციელება არ იქნება რთული, თქვენ შეძლებთ წარმატებას მიაღწიოთ პირად ურთიერთობებში, ასევე უცხოეთთან, სწავლასთან და ბიზნესთან დაკავშირებულ საკითხებში. მარტის ბოლო და აპრილი ახალი პერსპექტივების შექმნის, ახალი პროექტების წამოწყების და ახალი ურთიერთობების დამყარების დროა, ამ პერიოდში აქტიურად ეძებეთ თანამოაზრეები, პარტნიორები და მოკავშირეები, მითუმეტეს, რომ ამ პერიოდში მოიმატებს ქორწინების ალბათობაც. შეეცადეთ, აპრილის ბოლოს და მაისის დასაწყისში წარსულში დაშვებული შეცდომები გამოასწოროთ და შეაფასოთ მიღწეული შედეგები, ეს დაგეხმარებათ გამოცდილების მიღებას და განვითარების ახალ საფეხურზე გადასვლაში. ახალი და შესაძლოა, უცხოელი პარტნიორები და ნაცნობები თქვენს ცხოვრებაში მაისის დასასრულს და ივნისის დასაწყისში გამოჩნდებიან, თუმცა ამავე პერიოდში მოიმატებს კამათის და დაპირისპირებების ალბათობა, არ არის გამორიცხული სერიოზული არჩევანის წინაშეც დადგეთ. ზაფხული უფრო პასიური იქნება, ამიტომ, დაისვენეთ და ემოციურად განიტვირთეთ, თუმცა აგვისტოს უფრო აქტიური პერიოდი იქნება და მოსალოდნელია ახალი შესაძლებლობები და სამსახურის შეცვლის შანსიც კი გაგიჩნდეთ. სექტემბერში ნუ გარისკავთ და შეეცადეთ, მიღწეული მდგომარეობა შეინარჩუნოთ. სექტემბრის ბოლოს და ოქტომბრის პირველ და მეორე დეკადაში გაგიჩნდებათ ახალი შანსები, მოსალოდნელია შეიცვალოთ იმიჯი და სრულიად ახალი სახით წარსდგეთ გარშემომყოფების წინაშე. წარმატებული პერიოდი იქნება ოქტომბერია, რასაც ნოემბერზე ვერ ვიტყვით. ნოემბრის დასაწყისში თქვენ შესაძლოა, პირად ცხოვრებაში გარკვეული უთანხმოებები გაგიჩნდეთ, ხოლო ყოფითი პრობლემები და ფინანსური გაუგებრობები კიდევ უფრო გაამძაფრებენ არსებულ მდგომარეობას. ნოემბერში მშვიდად შეხვდით თქვენსკენ მომართულ ინტრიგებს და კრიტიკას, ნოემბრის ბოლოს და დეკემბერში იღბალი კვლავ თქვენს მხარეზე გადმოვა და წარმატებებს მიაღწევთ.

თხის რქა - 2011 წლის დასაწყისი და განსაკუთრებით იანვრის პირველი და მეორე დეკადა პერიოდი შანსს მოგცემთ აქტიურობის, მიზანსწრაფულობის და თავდაჯერებულის ხარჯზე მნიშვნელოვან წარმატებებს მიაღწიოთ, განსაკუთრებით იოლად შეძლებთ გაწყვეტილი ურთიერთობების აღდგენას, გადადებული საქმეების დასრულებას და დაგროვილი პრობლემების მოგვარებას. თუმცა იანვრის ბოლოსა და თებერვლის დასაწყისში სიფრთხილე უნდა გამოიჩინოთ, განსაკუთრებით მგზავრობისა და საეჭვო კონტაქტების დროს. საჭიროა ყურადღება მიექცეს ჯანმრთელობას და არ არის გამორიცხული ახლობელ ადამიანებთან მცირე დაძაბულობაც წარმოიშვას. თებერვალში თუ თქვენ მიზანდასახულად, თუმცა წინდახედულად იმოქმედებთ, შეძლებთ როგორც სამსახურში, ისე პირად ცხოვრებაში სასიკეთო ცვლილებების შეტანას. მნიშვნელოვანი წარმატებას მარტის მეორე ნახევარი მოგიტანთ, ეს პერიოდი გარკვეულწილად ახალი აღმოჩენების, ახალ გარემოებებში თავის წარმოჩენის და ახალი მეგობრების შეძენის ეტაპი იქნება. აპრილის მეორე ნახევარსა და მაისში თავს იოლად გაართმევთ მართვის სათავეებში მყოფ და გავლენიან ადამიანებთან ურთიერთობებს, მოსალოდნელია ამ პერიოდში გარკვეული თანამდებობა ან ფინანსური დივიდენდები მიიღოთ. ამ პერიოდში თქვენი ენერგეტიკა აღმასვლას დაიწყებს და თქვენ ნებისმიერ საქმეს ბრწყინვალედ გაართმევთ თავს. მაქსიმალური ყურადღება და სიფრთხილე გამოიჩინეთ ივნისის მესამე დეკადაში და ივლისის პირველ ნახევარში, ამ დროს დაქვეითება თქვენი პოტენციალი და თქვენი აქტიურობაც შენელება, თუმცა საიმედო მეგობრების, კომპანიონების და თანამოაზრეების დახმარებით იოლად დაძლევთ არსებულ წინაღობებს. აგვისტოს ბოლო და სექტემბერი შესაძლებლობებს მოგცემთ გააფართოვოთ საკუთარი საქმიანობა, ბიზნესი და წარმატებულად წარმოაჩინოთ საკუთარი თავი და შესაძლებლობები. თამამად შეიძლება ითქვას, რომ სექტემბერი და ასევე ოქტომბრის მესამე დეკადა თქვენთვის შესანიშნავი პერიოდი იქნება. თქვენ ფორტუნა გაგიღიმებთ და წარმატების მიღწევა ბევრ საქმეში გარანტირებული იქნება. შემოდგომა წარმატებული პერიოდი იქნება სასიყვარულო ურთიერთობების დაწყებისთვის, ახალი ცოდნის მიღებისთვის და ახალი პროფესიის დაუფლებისთვის, თუმცა თქვენ ენერგიულობა და თავდაჯერებულობა გმართებთ. ნოემბრის ბოლო და დეკემბრის პირველი ნახევარი თქვენთვის ნაკლებად პოზიტიური აღმოჩნდება, შესაძლოა, ენერგიის შესუსტება იგრძნოთ ანდა საკუთარი ძალების რწმენა დაკარგოთ, გაუფრთხილდით ჯანმრთელობა, მოერიდეთ არაკეთილმოსურნე და კრიტიკულად განწყობილ ადამიანებს, გააკონტროლეთ ფინანსური გასავლები, ხოლო ახლობელ ადამიანებთან დაძაბულობამ შესაძლოა ემოციური გაღიზიანება გამოიწვიოს, თუმცა დეკემბრის მეორე ნახევარში სიტუაცია რადიკალურად შეიცვლება და წლის ბოლოს მოსალოდნელია სასიამოვნო სიურპრიზი მიიღოთ.

მერწყული - 2011 წელი თქვენთვის მთლიანობაში დინამიური და პოზიტიური იქნება, განსაკუთრებით სასიკეთო იანვარი აღმოჩნდება, თქვენ გაგიჩნდებათ რეალური პერსპექტივები გააფართოვოთ საქმიანი კავშირები, შეცვალოთ მთელი რიგი მიდგომები, საკუთარი ჩანაფიქრები კი უფრო ორიგინალურად და კრეატიულად წარმოაჩინოთ. თუ თქვენ ამ პერიოდში შეძლებთ ახალი საქმიანი კონტაქტების დამყარებას, ხოლო ძველი ურთიერთობების უფრო პროდუქტიულ ფორმაში გადატანას, ეს საშუალებას მოგცემთ თებერვალში და მარტში როგორც პიროვნულ განვითარებას და პროფესიულ ზრდას, ისე ახალი პროფესიების ათვისებას და ფინანსური მდგომარეობის მნიშვნელოვნად გამოსწორებას. ამ პერიოდში თქვენ მიიღებთ სასარგებლო გამოცდილებას, კომპეტენტური ადამიანების რჩევებს, მხარში დაგიდგებიან ნათესავები, მეგობრები და შესაძლოა, თქვენს ცხოვრებაში გავლენიანი მფარველებიც გამოჩნდნენ. მარტის ბოლოს და აპრილის პირველ ნახევარში თქვენში გაძლიერდება თავდაჯერებულობა, საკუთარი ძალების რწმენა და ორგანიზებულობის უნარი, რაც საშუალებას მოგცემთ წარმატებით მოაგვაროთ სამსახურის მოძიებასთან, უძრავი ქონების ყიდვა-გაყიდვასთან და საცხოვრებელი ადგილის შეცვლასთან დაკავშირებული საკითხები. ეს პერიოდი ასევე სასიკეთო როლს ითამაშებს საწინააღმდეგო სქესის ადამიანებთან ურთიერთობებში და მოსალოდნელია ახალი სასიყვარულო გრძნობაც გაგიჩნდეთ. აპრილის ბოლო და მაისი თქვენთვის ურთიერთობების პერიოდი იქნება, ამიტომ, იაქტიურეთ ამ სფეროში და უამრავ სიკეთესაც მიიღებთ ახალი კონტაქტებისგან, ხელმძღვანელობისგან და გავლენიანი ადამიანებისგან. მაისის ბოლოს და ივნისი ძალზე სასიკეთო პერიოდი იქნება კოლექტიური თუ პარტნიორული საქმიანობისთვის, დიდი წარმატებას მიღწევას სწორედ პარტნიორებთან ერთად შეძლებთ. ივლისი მეორე ნახევარი და აგვისტო უფრო დასვენებისთვის, მოგზაურობისთვის და პირადი ცხოვრების მოწესრიგებისთვის გამოიყენეთ, შეეცადეთ, გაიმყაროთ ემოციური მდგომარეობა და აღიდგინოთ ენერგია. სექტემბრის მესამე დეკადა და ოქტომბრის პირველი ნახევარი მეტ-ნაკლებად წარმატებული იქნება და თქვენთვის მატერიალური კეთილდღეობის მოტანას შეძლებს. თუ შეძლებთ არსებული პერსპექტივების გამოყენებას, მაშინ თქვენთვის აღმავლობის პერიოდი დაიწყება, თქვენი მატერიალური ბაზისი კიდევ უფრო გაიზრდება. ოქტომბრის ბოლოდან წლის ბოლომდე საერთო მდგომარეობა კიდევ გაუკეთესდება და ეს პერიოდი თქვენს ცხოვრებაში მოგიტანთ სტაბილურობას და სიმშვიდეს. წლის ბოლოს შეეცადეთ, არ აჩქარდეთ და ყურადღება არ მიაქციოთ გადაჭარბებულ ემოციებს, ასეთ შემთხვევაში თქვენ შეძლებთ დიდი წარმატებების მიღწევას და გამარჯვებების მოპოვებას.

თევზები - 2011 წლის დასაწყისში თქვენ მოგიწევთ გასული წლიდან გადმოყოლილი პრობლემების მოგვარება, ვალების გასტუმრება, აღებული ვალდებულებებისთვის თავის გართმევა, რაც თქვენგან გარკვეულ დროს, ენერგიას და ფინანსებს მოითხოვს. მიუხედავად იმისა, რომ მოსალოდნელია იანვრის მეორე ნახევარი და თებერვლის პირველი დეკადა არც თუ ისე წარმატებული იყოს, მთლიანობაში იოლად შეძლებთ ყველა მნიშვნელოვანი საკითხის მოგვარებას. სასიკეთო იქნება თებერვლის მეორე ნახევარი და მარტის პირველი ნახევარი, როდესაც მოიმატებს თქვენი ენერგიულობა, მიზანსწრაფვა, ორგანიზებულობა, პრაქტიკულობა და შეძლებთ ილუზიური გარემოებებისგან და ნეგატიური ურთიერთობებისგან გათავისუფლებას. ეს პერიოდი ასევე მოგიტანთ სამსახურებრივ წინსვლას და ამაღლებული განწყობას, რომელიც მთელი გაზაფხულის განმავლობაში შენარჩუნდება. აპრილში თქვენ თავისუფლებისა და დამოუკიდებლობის მძაფრი შეგრძნება გაგიჩნდებათ, გაიზრდება თქვენი შემოქმედებითი პოტენციალიც, რაც საშუალებას მოგცემთ საკუთარი შესაძლებლობები წარმატებით გამოავლინოთ ხელოვნებაში, სპორტში და ასევე ფინანსებთან დაკავშირებულ საკითხებში. აპრილის ბოლოს და მაისში მოიმატებს რომანტიკული ურთიერთობების დაწყების და ქორწინების ალბათობა. თქვენი ურთიერთობები სასიყვარულო პარტნიორთან მეტად ჰარმონიული და სიურპრიზებით აღსავსე იქნება, აიწევს თქვენი ცხოვრების დონე, ოჯახი და მყუდროება თქვენთვის ძალზე აქტუალური გახდება და შესაძლოა, სოციალური სტატუსიც კი შეიცვალოთ. ივნისის ბოლოს და ივლისის პირველ ნახევარში შეეცადეთ, გაანალიზოთ განვლილი ნაბიჯები, გამოასწოროთ შეცდომები და ახალი მიზნები ისე დასახოთ. მთლიანობაში ივლისი თქვენთვის საკმაოდ სასიკეთო აღმოჩნდება, რადგან შეძლებთ ახალი ცოდნის მიღებას, უკვე მიღებული განათლების გაღრმავებას და კვალიფიკაციის ამაღლებას. ამ პერიოდში თამამად შეხვდით ნებისმიერი სახის ცვლილებებს და რეფორმებს, კრიტიკული თვალით გადახედეთ უკვე დასახულ მიზნებს, არ არის გამორიცხული, მათში რაიმე ახლებულური ცვლილებებიც კი შეიტანოთ. აგვისტოს ბოლო და სექტემბერი შედარებით რთული იქნება, ამიტომ, ურთიერთობებში ტაქტის გრძნობა, მოქნილება და ლავირება გამოიჩინეთ, ფინანსურ საკითხებში ეკონომიურობა გამოიჩინეთ, ეს ყოველივე კრიზისული სიტუაციებისგან მეტ-ნაკლებად დაგაზღვევთ. ოქტომბრის ბოლოს და ნოემბერში მოიმატებს თქვენი ინტუიცია და კრეატიულობა, შეძლებთ თქვენზე დაკისრებული მოვალეობებისთვის თავის გართმევას, განახლებული იმიჯის წყალობით შესანიშნავ შთაბეჭდილებას მოახდენთ როგორც ხელმძღვანელებზე, ისე ახლად გაცნობილ სასიყვარულო პარტნიორზე, რაც სტაბილური ურთიერთობების წარმოშობას შეუწყობს ხელი. წლის ბოლოს გულისხმიერება და გარშემომყოფებისადმი თანაგრძობის სურვილი თქვენ უამრავ მეგობარს შეგძენთ.

რას უნდა ველოდოთ 2011 ლითონის (თეთრი) კურდღლის წელს

2010-12-28T22:45:00.006+04:00

კურდღელი წელი (1915, 1927, 1939, 1951, 1963, 1975, 1987, 1999, 2011) ჩინურ კალენდარში მეოთხე ნიშანია და ჩინურ ნატურფილოსოფიასა და მეტაფიზიკაში მშვიდობასთან, მყუდროებასთან და დიპლომატიასთან ასოცირდება. კურდღლის წელი აღმოსავლურ ზოდიაქალურ ციკლში ერთ-ერთი ყველაზე მშვიდობიან ნიშნად ითვლება, თუმცა კურდღელი ჩინური ტრადიციების მიხედვით მთლად უწყინარი ნიშანი არ არის. თუმცა კურდღლის წლისთვის დამახასიათებელი კრიზისები ინდივიდუალურ დონეზე ნაკლებად ვლინდება და ეს უფრო საერთაშორისო დონეზე, პოლიტიკურ თუ ეკონომიკურ პროცესებში ხდება ხოლმე.

კურდღლის წლისთვის დამახასიათებელია დაკვირვება, ჩაღრმავება, ანალიზი, მოკავშირეებისა თუ ახალი პარტნიორების ძიება, შეთანხმებების მიღწევა, სწორედ ამ ამიტომ, კურდღლის წელში საკმაოდ ხშირად ხდება ახალი პარტნიორული კავშირების ძებნა და ახალ თანამოაზრეების შეძენა და ეს როგორც ინდივიდუალურ, ისე გლობალურ დონეზე ვლინდება. ეს წელი პარტნიორული საქმიანობის წელია და უდიდესს მნიშვნელობას შეიძენს პარტნიორების, მოკავშირეების თუ კოლეგების მიერ გაწეული დახმარება.
2011 წლის ტენდენციებიდან შეიძლება გამოვყოთ სწრაფი ცვლილებები, ამიტომ, ადამიანები რომლებსაც სწრაფი რეაქციები, აზროვნების პროცესი და კარგი ადაპტაციის უნარი აქვთ, შეძლებისდაგვარად კურდღლის წელს ფეხს აუწყობენ, გამარჯვებების მისაღწევად განსაკუთრებით მოქნილება და გადაწყვეტილების სწრაფად მიღების უნარი საჭირო იქნება წლის პირველ ნახევარში. ხოლო იმ ადამიანებმა, რომლებსაც უჭირთ სწრაფი მოქმედებები და მცირე დროში გადაწყვეტილების მიღება, მოსალოდნელია ხელიდან საკმაოდ სასიკეთო პერსპექტივები გაუშვან.
2011 წელს დომინანტი ლითონის სტიქიაა, ამიტომ, "ლითონის კურდღლის" ენერგია საკმაოდ ხისტია და მოსალოდნელია ზოგჯერ დიპლომატიის პარალელურად "იარაღის ჟღარუნიც" ისმოდეს, თუმცა როგორც პირად, ისე საქმიან ურთიერთობებში, ტაქტს, ლავირებას და დიპლომატიას ვერაფერი შეცვლის.
2011 წელი მოიტანს მნიშვნელოვან ცვლილებებს, თუმცა ეს ცვლილებები უფრო წინა წელში დაწყებული პროექტების ერთგვარი გაგრძელება იქნება. პოლიტიკური კავშირები, საზოგადოებრივი თუ კულტურული ურთიერთობები განვითარების ახალ საფეხურზე გადავა.
კურდღლის წელი წარმატებების მომტანი განსაკუთრებით კომუნიკაბელური ადამიანისთვის იქნება, ამიტომ, გამარჯვება და სასურველი მდგომარების დაკავება ბევრად იქნება დამოკიდებული ადამიანები კომუნიკაბელურობზე, ურთიერთობების ხარისხზე, მათ მსჯელობისა თუ მეტყველების კულტურაზე.
კურდღლის წელში ადამიანებს შესაძლებლობა მიეცემათ, ის გეგმები, რომლებსაც კონკრეტულ ფორმები გააჩნია და უკვე დაწყებულია, მომგებიანი და პროდუქტიული ფორმა მისცენ. არ არის გამორიცხული ბევრმა ადამიანმა, რომელმაც წინა წელს, მიუხედავად კრისიზული მდგომარეობისა, ახალი საქმეები და პროექტები დაიწყო, პირველი მომგებიანი შედეგი სწორედ 2011 წელს მიიღოს.
წინა წლებში დაწყებული კრიზისების მოგვარებისთვის 2011 წელში და განსაკუთრებით მის პირველ ნახევარში გაბედული და ენერგიული მოქმედებები სჭირდება, საჭიროა საკუთარ თავზე პასუხისმგებლობის აღება და ინიციატივის გამოვლენა, რადგან წლის პირველ ნახევარში დაყოვნება და ლოდინი სასურველ შედეგებს ნაკლებად მოიტანს. წლის მეორე ნახევარში შექმნილი კრიზისული მდგომარეობის გადალახვისთვის უფრო მეტად წინდახედულობა და სიფრთხილის გამოჩენა იქნება საჭირო და წლის პირველ ნახევარში სასიკეთო და პოზიტიურმა გაბედულმა მოქმედებებმა, წლის მეორე ნახევარში მოსალოდნელია უკვე შეცდომების დაშვება გამოიწვიოს.
2011 წელი მოიტანს ინტელექტუალური და პროფესიული განვითარების საშუალებებს, ახალი ცოდნის, კვალიფიკაცის ამაღლების და პროფესიის შეცვლის შესაძლებლობებს, თუმცა საჭირბოროტო საკითხები სასურველია არა კონსერვატიული და უკვე გაცვეთილი, არამედ ახლებური, ორიგინალური და კრეატიული მიდგომით გადაიჭრას.
2011 წელს ადამიანებს სწორი გადაწყვეტილებების მიღებაში ინტუიცია დაეხმარებათ, რომელიც კურდღლის წელში საკმაოდ გაძლიერდება. ეს ინტუიციური გადაწყვეტილებები განსაკუთრებით გამოადგებათ იმ ადამიანებს, რომლებსაც ცხოვრების რამდენადმე აჩქარებული ტემპი აქვთ და ასევე მათ, რომლებსაც სამსახურთან, კარიერულ წინსვლასთან თუ პროფესიის არჩევასთან დაკავშირებით გადაწყვეტილებების მიღება მოუწევთ.
იქიდან გამომდინარე, რომ კურდღლის წელში როგორც წესი, ძალიან მნიშვნელოვანი ხდება ურთიერთობები, კომუნიკაციები, კავშირები, ინფორმაცია, მოსალოდნელია როგორც საკმაოდ მომგებიანი ურთიერთობების დამყარება, ისე სკანდალური განხეთქილებები და ხმაურიანი სასამართლო პროცესებიც კი. ყურადღებას ითხოვს როგორც პირადი, ისე საქმიანი ინფორმაცია, რადგან მოსალოდნელია ინფორმაციის გამჟღავნებამ მთელი რიგი პრობლემები შექმას როგორც ინდივიდუალურ, ისე სახელმწიფოებრივ დონეზე.
2011 წელს საკმაოდ მნიშვნელოვანი იქნება პოლიტიკური თუ ეკონომიკური რეფორმები, ახალი ცვლილებები, განსაკუთრებით ეს შეეხება საბანკო-საფინანსო საქმიანობასთან, იპოთეკური თუ სხვა სახის კრედიტებთან დაკავშირებულ საკითხებს.
კურდღლის წელში გამარჯვების მოსაპოვებლად აუცილებელია შემდეგი თვისებების გამოვლენა: კომუნიკაბელურობა, ტაქტის გრძნობა, ლავირების უნარი, თავდაჯერებულობა, მიზანსწრაფვა, სწრაფი გადაწყვეტილებების თუ მოქმედებების უნარი
2011 წელს კრიზისული პერიოდებია - თებერვალი, აპრილი, ივნისი, აგვისტო, ნოემბერი.
2011 წლის პირველი ნახევარი შედარებით პოზიტიური იქნება ცეცხლის სტიქიით, ანუ ვერძის, ლომის მშვილდოსნის, ხოლო წლის მეორე ნახევარი კი მიწის სტიქიით, ანუ კუროს, ქალწულის, თხის რქის ნიშნით დაბადებული ადამიანებისთვის.
2011 წელს მზის ოთხი და ოთხივე ნაწილობრივი დაბნელება დაფიქსირდება - 4 იანვარს, 1 ივნისს, 1 ივლისს და 25 ნოემბერს იქნება. რაც შეეხება მთვარის დაბნელებას, ის სულ ორი და ორივე სრული დაბნელება იქნება - 15 ივნისს და 10 დეკემბერს.

მზის ვიბრაციის უნივერსალური რიტმი

2010-11-27T21:02:00.004+04:00

მზეს, მთვარეს და მზის სისტემის პლანეტებს უდიდესი მნიშვნელობა აქვს დედამიწაზე სიცოცხლის არსებობისთვის და აქედან გამომდინარე, კოსმოსი დედამიწაზე მყოფ ყველა ცოცხალი არსების სიცოცხლის რიტმზე მნიშვნელოვან კოსმობიოლოგიურ გავლენას ახდენს. აქედან რა თქმა უნდა გამორჩეულია მზისა და მთვარის რიტმები, რომლებსაც ასე ვთქვათ "აწყობილია" ადამიანის ცხოვრება. ალბათ ბევრმა ადამიანმა არ იცის, რომ განსაზღვრულ საათებში მზის კოსმობიოლოგიური გავლენა სხვა და სხვა ფორმით გამოვლინდება და ადამიანზეც სხვა და სხვანაირ გავლენა ახდენს.

• დილის 5 საათიდან - დილის 7 საათამდე მზის გამოსხივებას უდიდესი ენერგია გააჩნია, ამ დროს ადამიანის ჩაკრებში (ნერვული ცენტრები) ენერგია კონცენტრირდება, მაღლა იწევს ორგანიზმის ტონუსი, აქტიურდება ჰიპოფიზის და ორგანიზმის სხვა ჯირკვლების მუშაობა, ამ დროს ადამიანი ადვილად გამოდის დეპრესიული და სტრესული მდგომარეობიდან, ამიტომ, ამ პერიოდში ადგომა სასიცოცხლოდ მნიშვნელოვანია, სწორედ ამიტომ, თითქმის ყველა რელიგიურ მონასტერში ბერები სწორედ ამ პერიოდში იღვიძებენ და იწყებენ ლოცვასა თუ მუშაობას.
• დილის 7-დან 9 საათამდე მზის ვიბრაცია მოქმედებს უჯრედულ დონეზე, ამასთან აქტიურდება `ინ~ ენერგია, ამიტომ ამ დროს გაღვიძებული ადამიანი მოდუნებულია და ეს მოდუნება მთელი დღე გაჰყვება ხოლმე, ამ დროს აქტიურდება ქრონიკული დაავადებები და ამ დროს არ არის რეკომენდებული მზეზე გასვლა დეპრესიული ადამიანებისთვის და ასევე იმ ადამიანებისთვის, რომლებსაც პოსტოპერაციული პერიოდი აქვთ.
• 9-11 საათი ეს სასიკეთო პერიოდია 15 წუთიანი მზის აბაზანების მისაღებად, სხვა და სხვა დაავადებების სამკურნალოდ, ეს პერიოდი კარგად მოქმედებს იმუნურ სისტემაზე, ტვინი იწყებს აქტიურად მუშაობას, ხოლო ნერვული სისტემა აქტიურად მოქმედებს. ეს კარგი პერიოდია გონებრივი სამუშაოს დაწყებისთვის, სხვა და სხვა იდეების შეჯერებისთვის და ახალი იდეები მოფიქრებისთვის.
• 11-13 საათის პერიოდში მზის ვიბრაცია ნეგატიურია, ამიტომ, არ არის სასურველი მზეზე დიდ ხანს ყოფნა, ამ დროს ძლიერდება სისხლის ცირკულაცია, ჩქარდება პულსი, რომელიც მოქმედებს არტერიულ წნევაზე და ტვინის მუშაობაზე. სისხლს მიწოდების აქტიურდება კუჭის მოქმედება და ადამიანმა თუ დღის განმავლობაში საკვები არ მიიღო, ამ პერიოდში გრძნობს შიმშილის შეგრძნებას.
• 13-15 საათის პერიოდში მზის ვიბრაცია ძალიან ძლიერია, თუმცა პოზიტიურია. ეს პერიოდი ხელს უწყობს ზრდის პროცესს, განსაკუთრებით მცენარეებში. ამ დროს მზის აბაზანების ან ღია წყალში ბანაობა რეკომენდებული არ არის. სუსტდება მხედველობა და გულსისხლძარღვთა სისტემა.
• 15-17 საათის პერიოდი მზის ენერგეტიკა ეცემა, ამიტომ, სასიკეთოა დასვენება, რელაქსაცია. ამ დროს ფიზიკური და გონებრივი დატვირთვა მინიმალური უნდა იყოს, რათა ადამიანი არ გადაიღალოს.
• 17-დან 19 საათამდე მიუხედავად მზის ვიბრაციის კიდევ უფრო კლებისა, ეს პოზიტიური პერიოდია, ამიტომ, მზის აბაზანები და სუფთა ჰაერზე სეირნობა სასიკეთოა, როგორც მოზრდილებისთვის, ისე ბავშვებისთვის. აქტიურდება ადამიანის შინაგანი სეკრეციის ჯირკვლები, გონება და ქვეცნობიერი. სასიკეთო დროა შემოქმედებითი სამუშაოსთვის.
• 19-21 საათის პერიოდში მზის ენერგიის კლების გამო ადამიანის ორგანიზმიც დუნდება. ამ დროს კარგია ორგანიზმის გამწმენდი პროცედურები, აბაზანის მიღება, რადგან ამ დროს ადამიანი იწმინდება როგორც ბიოლოგიურად, ისე ენერგეტიკულად. ამ პერიოდში საჭიროა დღის განმავლობაში გადატანილი უსიამოვნებების გაანალიზება ან დავიწყება.
• საღამოს 21-დან 23 საათამდე მზის ენერგია ადამიანის ენერგეტიკული სხეულის მიერ გადამუშავდება და შეინახება როგორც ორგანიზმის სარეზერვო მარაგი. ძლიერდება ადამიანის სულიერი და ფსიქიკური ძალა. ამ დროს კარგია ლოცვა, შემოქმედებითი ან ინტელექტუალური სამუშაოს კეთება. ეს ასევე ყველა კარგი პერიოდია დაძინებისთვის.
ღამის 23 საათიდან დილის 5 საათამდე პერიოდში დომინანტი მთვარეა, მზის ენერგია უფრო სუსტია, თუმცა მისი ვიბრაცია არ წყდება. ეს არის ადამიანის ორგანიზმის, გონების და ემოციის დასვენების პერიოდი. ვინც ამ პერიოდში ფხიზლობს, მის როგორც ბიოლოგიურ, ისე ენერგეტიკულ სხეულში დისბალანსი ხდება, რაც შემდგომ უარყოფითად აისახება მის ჯანმრთელობაზე, შრომისუნარონაბაზე, გონებრივ თუ ემოციურ მდგომარეობაზე.

რომელი ზოდიაქოს ნიშანი ხართ მესოამერიკული ასტროლოგიის მიხედვით

2010-11-17T14:46:00.005+04:00

© geoastrolog (რამაზ გიგაური)

მესოამერიკა, ანუ კოლუმბამდელი ამერიკა ძალიან საინტერესო და მრავალმხრივ განვითარებული კონტინეტი იყო, სადაც სხვა და სხვა ცივილიზაციებს (ტოლტეკები, ოლმეკები, აცტეკები, ინკები, მაია, სიუ, აპაჩები, იროკეზები და ა. შ.) უდიდესი ცოდნა გააჩნდათ. მესოამერიკული ასტროლოგია განვითარებული იყო თითქმის ყველა ცივილიზაციაში, ამისათვის მხოლოდ მაიას ცნობილი კალენდრის გახსენებაც კმარა. გთავაზობთ მესოამერიკულ ზოდიაქოს, რომლის მიხედვით გაერკვევით, თუ რომელ ზოდიაქოს ნიშანს ეკუთვნით და ხასიათის რა თვისებებს განიჭებთ.

შევარდენი (21 მარტი – 19 აპრილი)
ხასიათის ძირითადი თვისება: იმპულსურობა.

პოზიტური თვისებები: მოხერხებულობა, სიახლისადმი გახსნილი, თავგადასავლების მოყვარული.

ნეგატიური თვისებები: მოუთმენელი, ეგოისტი, ტრაბახა.
ფერი: ყვითელი, მწვანე

თახვი (20 აპრილი – 20 მაისი)
ხასიათის ძირითადი თვისება: ორგანიზებულობა.
პოზიტური თვისებები: შრომისმოყვარე, მონდომებული, ობიექტური, გამტანი.
ნეგატიური თვისებები: მოუქნელობა, სიხისტე, მოუთმენლობა, სიზარმაცე.
ფერი: ყვითელი

ირემი (21 მაისი – 20 ივნისი)
ხასიათის ძირითადი თვისება: სისხარტე.
პოზიტური თვისებები: იუმორის გრძნობა, მეგობრულობა, ინტელექტუალურობა.
ნეგატიური თვისებები: სიზარმაცე, არასტაბიკლურობა, შფოთვა, მოწყენილობა.
ფერი: ფორთოხლისფერი

კოდალა (21 ივნისი – 21 ივლისი)
ხასიათის ძირითადი თვისება: მაღალი მოთხოვნილებები.
პოზიტური თვისებები: თანაგრძნობა, შემოქმედებითობა, კრეატიულობა, ყაირათიანობა, ალერსიანი.
ნეგატიური თვისებები: პირქუში, დაძაბული, ბრაზიანი.
ფერი: ვარდისფერი

ორაგული (თართი) (22 ივლისი – 21 აგვისტო)
ხასიათის ძირითადი თვისება: მომთხოვნი.
პოზიტური თვისებები: შემოქმედებითი, დისულოვანი, ხელგაშლილი
ნეგატიური თვისებები: მოუთმენელი, ამპარტავანი, დოგმატური, დესპოტური.
ფერი: წითელი

დათვი (22 აგვისტო – 21 სექტემბერი)
ხასიათის ძირითადი თვისება: ტაქტის გრძნობა.
პოზიტური თვისებები: აკურატული, განსჯის უნარი, გაწონასწორებულობა, ლოგიკურობა.
ნეგატიური თვისებები: `ჩაციკლული~, პირფერი, ხისტი, ბუზღუნა
ფერი: ყავისფერი, იისფერი

ყვავი (ყორანი) (22 სექტემბერი – 22 ოქტომბერი)
ხასიათის ძირითადი თვისება: თანამშროლობის უნარი.
პოზიტური თვისებები: დიპლომატიურობა, რომანტიულობა, იდეალიზმი.
ნეგატიური თვისებები: ზედმეტად მიმნდობი, გაუბედავი, კომფორტის ზედმეტად მოყვარული, ბუტია.
ფერი: ლურჯი

გველი (23 ოქტომბერი – 22 ნოემბერი)
ხასიათის ძირითადი თვისება: ცოდნის წყურვილი.
პოზიტური თვისებები: შემოქმედებითი, მიზანდასახული, გამჭრიახი.
ნეგატიური თვისებები: ბუტია, გასაიდუმლოებული, ჯიუტი, უნდობი.
ფერი: იისფერი

ბუ (ცხენ-ირემი, დომბა) (23 ნოემბერი – 21 დეკემბერი)
ხასიათის ძირითადი თვისება: გულწფელობა.
პოზიტური თვისებები: კეთილსინდისიერება, ადაპტაციის უნარი, იღბლიანობა.
ნეგატიური თვისებები: უტაქტობა, შფოთვა, სულსწრაფი, შემაწუხებელი.
ფერი: ოქროსფერი

ბატი (22 დეკემბერი – 19 იანვარი)
ხასიათის ძირითადი თვისება: სიმკაცრე.
პოზიტური თვისებები: მდგრადობა, წინაღობების გეგმაზომიერად გადალახვის უნარი.
ნეგატიური თვისებები: პესიმიზმი, ეგოიზმი, სიუხეშე.
ფერი: თეთრი
წავი (20 იანვარი – 18 თებერვალი)
ხასიათის ძირითადი თვისება: კაცთმოყვარეობა.
პოზიტური თვისებები: კარგი აღქმის უნარი, გამომგონებლობა, რეფორმატორული აზროვნება, ორიგინალურობა.
ნეგატიური თვისებები: ექსცენტრიკულობა, უტაქტობა, სიჯიუტე.
ფერი: ვერცხლისფერი

მგელი (პუმა) (19 თებერვალი – 20 მარტი)
ხასიათის ძირითადი თვისება: მიმნდობი.
პოზიტური თვისებები: ადაპტაციის უნარი, ყურადღებიანობა, თანაგრძნობის უნარი.
ნეგატიური თვისებები: არაპრაქტიკულობა, მერყეობა, ქაოტური.
ფერი: ლურჯი, მწვანე

ლუიზა ჰეის აფირმაციები

2010-10-30T08:27:00.006+04:00

ლუიზა ჰეი – სიყვარულის და ჰარმონიის მქადაგებელი მწერალი

© geoastrolog (რამაზ გიგაური)

ამერიკელი მწერალი ქალი ლუზა ჰეი მთელს მსოფლიოშია ცნობილი, როგორც "პოზიტიური აზროვნების", ბედნიერების და ჰარმონიის მქადაგებელი. მისი წიგნები "განკურნე შენი თავი თვითონ", "როგორ ვუმკურნალოთ საკუთარ თავს", "სამკურნალო ძალა ჩვენშია" მსოფლიოს მრავალ ენაზეა თარგმნილი და მრავალჯერ გამოიცა. გთავაზობთ მცირე ამონარიდებს (აფირმაციებს) ამ მართლაც საინტერესო და შესანიშნავი მწერლის და ადამიანის ჩანაწერებიდან.
 მე სიხარულით ვემშვიდობები წარსულს. წარსული ჩემგან თავისუფალია და მე თავისუფალი ვარ წარსულისგან. ჩემს სულში ახლა სიმშვიდეა.
 ძალის (გადაწყვეტის) წერტილი არის აქ და ახლა – ჩვენს გონებაში.
 სამყარო არასდროს განგვიკითხავს და გვაკრიტიკებს.
 როდესაც ადამიანთან ავადმყოფობა მიდის, მან საკუთარ გულში უნდა მოძებნოს, თუ ვის უნდა მიუტევოს და აპატიოს.
 არასდროს არანაირ გარემოებაში არ გააკრიტიკო და განიკითხო ადამიანები.
 შეიყვარე საკუთარ თავი – ნიშნავს, იყო ღმერთის მადლიერი მონიჭებული სიცოცხლისთვის.
 ყველაფერი რასაც გასცემთ, უკან გიბრუნდებათ.
 როდესაც ცხოვრებაში რაღაც იოლად გვეძლევა, ეს გაკვეთილი არ არის, ეს არის, რაც უკვე ვიცით.
 სიყვარული – ნებისმიერი თქვენი პრობლემის ერთადერთი პასუხია.
 დატოვეთ წარსული სიყვარულით და წარსულის მადლიერი იყავით იმისთვის, რომ მან ცნობიერების ამ დონეზე მოგიყვანათ.
 პრობლემა არაფერი არის, თუ არა განვითარების და ზრდის შესაძლებლობა.
 პრობლემები - ეს თვითგანვითარების საშუალებაა.
 შეიყვარო საკუთარი თავი - ნიშნავს განსაზღვრო საკუთარი მიზანი ნებისმიერ საქმიანობაში.
 როდესაც ჩვენ შეშინებულები ვართ, ვცდილობ, ყველაფერი ჩვენს კონტროლს დავუქვემდებაროთ. ასეთი მიდგომით ჩვენს საკუთარ ცხოვრებაში არ ვუშვებთ დადებით ცვლილებებს. მიენდეთ ცხოვრებას - მასშია ყველაფერი, რაც ჩვენ გვჭირდება.
 თუ ჩვენ რაიმეს უნებართვოდ ვიღებთ – ამით ვკარგავთ მას, თუ გავცემთ _ ვიღებთ და ეს სხვანაირად არ შეიძლება იყოს.
 გაეცით საკუთარი შემოსავლის მეათედი ნაწილი და მოემზადეთ ახალი შემოსავლების მიღებისთვის.
 იმდენად რამდენადაც იზრდება სიყვარული საკუთარი თავისადმი, იზრდება პატივისცემაც.
 თქვენთვის საჭირო ცვლილებები უფრო სწრაფად და იოლად მოხდება, თუ თქვენ ზუსტად იცით, რას ელით ცხოვრებისგან.
 სიყვარული არ არსებობს ადამიანის გარეთ – ის მასში ცხოვრობს. რამდენადაც ძლიერად გიყვართ, იმდენად მეტად ხართ სიყვარულით გარემოცული.
 სამყაროში ყველაფერი უხვად არის და სამყარო მხოლოდ იმას ელოდება, რომ თქვენ "გაეცნოთ" და ეზიაროთ ამ სიუხვეს. ფული გაცილებით მეტია, ვიდრე თქვენ შეგიძლიათ დახარჯოთ, ადამიანები გაცილებით მეტია, ვიდრე თქვენ შეგხვედრიათ ცხოვრების მანძილზე, სიხარული ბევრად მეტია, ვიდრე შეგიძლიათ წარმოიდგინოთ. თუ თქვენ დაიჯერებთ ამას, თქვენ გექნებათ ყველაფერი, რასაც მოისურვებთ.

ტუნისელი ასტროლოგი ობამას ხიფათის შესახებ იუწყება

2010-10-01T16:56:00.006+04:00

ტუნისელი ასტროლოგი ჰასან შარნის ასტროფიზიკის დოქტორი და ასტროლოგიის საერთაშორისო ფედერაციის ვიცე—პრეზიდენტია. ის ტელევიზია "არ-არაბიასთან" და გაზეთ "ალ-ჰადასთან" თანამშრომლობს, სადაც დრო და დრო ქვეყნდება მისი ასტროლოგიური პროგნოზები.
ტუნისელმა ასტროლოგმა პოპულარობა თავისი ზუსტი ასტროლოგიური პროგნოზებით მოიპოვა. მან 1997 წლის იანვარში პრინცესა დაინას სიკვდილი, 2004 წლის იანვარში კი "ალ-არაბიას" პირდაპირ ეთერში იასირ არაფატის მოსალოდნელი სიკვდილი იწინასწარმეტყველა. 2005 წლის იანვარში მან ასევე იწინასწარმეტყველა რომის პაპის იოანე-პავლე II-ის გარდაცვალება და ტერაქტი დიდი ბრიტანეთის ტერიტორიაზე.
შარნი განსაკუთრებული პოპულარობით არაბულ სამყაროში სარგებლობს. მან 2010 წლის დასაწყისში პალესტინის ლიდერზე მაჰმუდ აბასზე შეიარაღებული თავდასხმა იწინასწარმეტყველა. აბასი ისე ენდობა ტუნისელი ასტროლოგის პროგნოზებს, რომ მან პირადი დაცვის ნახევარი შეცვალა და ამას გარდა დაცვა საგრძნობლად გააძლიერა, ამის შესახებ ებრაული გაზეთი "იერუსალიმ პოსტი" წერდა.
თუმცა შარნის კრიტიკოსებიც მრავლად ჰყავს. მას აკრიტიკებენ, რომ მისი წინასწარმეტყველება ამერიკის ყოფილი პრეზიდენტის ჯორჯ ბუში-უმცროსის სიკვდილის შესახებ არ გამართლდა - მიუხედავად იმისა, რომ ბუშს ორჯერ დაესხნენ თავს (ერ-რიადსა და თბილისში), იგი ამ თავდასხმებს ცოცხალი გადაურჩა. მას ასევე აკრიტიკებენ, რომ არაფერი არ უთქვამს ისეთი ცნობილი ადამიანის მოულოდნელი სიკვდილის შესახებ, როგორიც მაგალითად მაიკლ ჯექსონია.
გთავაზობთ მცირე ამონარიდებს ჰასან შარნის 2010 წელში გამოქვეყნებული ასტროლოგიური პროგნოზებიდან:
"2010 წლის შემოდგომით ან დასასრულს სიტუაცია მნიშვნელოვნად დაიძაბება პალესტინაში, ერაყსა და ირანში".
"ერაყში მოსალოდნელია სკანდალები საპყრობილესთან და პატიმრებთან დაკავშირებით, ასევე მოსალოდნელია ტერაქტები".
"ერაყი მოსალოდნელია სამოქალაქო ომის საშიშროების წინაშეც კი დადგეს".
"ევროპაში 2010 წლის მეორე ნახევარში და 2011 წელში გამწვავდება კრიზისი - მოსალოდნელია უმუშევრობა და ძალადობა ემიგრანტების მხრიდან".
"ობამა მსოფლიოში ვერაფერს შეცვლის - თუ მოინდომებს შეცვლას, მაშინ მას შეცვლიან!"
თუმცა ასტროლოგი არაფერს ამბობს შეცვლაში კონკრეტულად რა იგულისხმება. ერთი კი ცნობილია, ობამა ამერიკის 44-ე პრეზიდენტია, ხოლო ცნობილი ფრანგი ასტროლოგის მიშელ ნოსტრადამუსის წინასწარმეტყველების მიხედვით, "ახალი მიწისთვის" (ამერიკა!) 44-ე მართველი საბედისწერო იქნება(?!).

ყველაზე მდიდარი ადამიანები ქალწულის ნიშნით იბადებიან

2010-10-01T16:35:00.005+04:00

როდესაც მილიარდელები საუბრობენ იმაზე, რომ როგორ გამოიმუშავებენ ფულს, ჩვეულებისამებრ ახსენებენ სიჯიუტეს, შრომას, საქმიან ურთიერთობებს და მიზნის მიღწევის მძაფრ სურვილს. ამბობენ იმასაც, რომ მილიარდელად გახდომის შანსი ყველას არ აქვს. თუმცა აღმოჩნდა, რომ ამის ალბათობა განსაკუთრებით მატულობს, თუ ადამიანი "ბედნიერ ვარსკვლავზეა დაბადებული".

აღმოჩნდა, რომ "ფორბსის" სიაში შემავალი მილიარდელების საკმაოდ დიდი ნაწილი დაბადებული ქალწულის ნიშნით. ასეთი დასკვნა მას შემდეგ გაკეთდა, რაც პლანეტის ყველაზე მდიდარი ადამიანის დაბადების თარიღები გაანალიზეს.
"ფორბსის" სიაში შემავალი 793 მილიადელიდან 613 მათგანის დაბადების მონაცემი დამუშავდა და მათგან სამოცდაათი (ეს თორმეტი პროცენტია) სწორედ 23 აგვისტოდან 22 სექტემბრამდე პერიოდშია დაბადებული, ანუ ეს ადამიანები დაბადებულები არიან ქალწულის ზოდიაქოს ნიშნით.
შეიძლება ვიღაცამ უცნაურად ჩათვალოს, რომ მსოფლიოს უმდიდრესი ადამიანების საკმაოდ დიდი ნაწილი "ქალური" სახელის მქონე ზოდიაქოს ნიშნით არის დაბადებული, მაგრამ ასტროლოგიური დახასიათების მიხედვით, ამაში გასაკვირი არც არაფერია.
"ქალწულები" როგორც ცნობილია, შრომისმოყვარეები, საკუთარ თავში დარწმუნებულები, დეტალებისმიმართ ყურადღებიანები და ანალიტიკურიაზროვნების მქონენი არიან. ცნობილი ამერიკელი ასტროლოგი მაიკლ ლატინი თვლის, მილიარდელები მთლიანობაში მეტისმეტად კი არ ზრუნავენ ფულზე, არამედ ცდილობენ საკუთარ საქმეში წარმატებულები იყვნენ.
ქალწულის ნიშნით დაბადებულები, როდესაც დიდი ქონების მფლობელები ხდებიან, ბედნიერებას აღწევენ, როდესაც ამ დროს ადამიანებისთვის სარგებელი მოაქვს, მათთვის აწარმოებენ საჭირო საქონელსა და მომახურებას. ამ ნიშნით დაბადებულ ადამიანებიდან მილიარდელების პირველ ათეულში ორი ამერიკელი მილიარდელი - უორენ ბაფეტი და ლოურენს (ლარი) ელისონი.
თუმცა ნუ ჩამოყრით ხელებს, თუკი ქალწულის ნიშნით არ ხართ დაბადებული. "ფორბსის" ექსპერტთა გამოკვლევებით მილიარდელები ზოდიაქოს თორმეტივე ნიშნით იბადებიან. თუმცა "ქალწულები" თორმეტი პროცენტს შეადგენს, ვერძის ნიშნით დაბადებულია ადამიანები რვა პროცენტს შეადგენენ. ასევე რვა პროცენტია მერწყულის ნიშნით დაბადებული ადამიანები (სწორედ მათ რიცხვში შედიან მსოფლიოს ამ პერიოდისთვის უმდიდრესი ადამიანი კარლოს სლიმ ჰელუ და უმდიდრესი ქართველი ბიძინა ივანიშვილი). დაახლოებით შვიდი პროცენტს შეადგენენ "მორიელები" (თითქმის თვრამეტი წელი ედგა სათავეში მდიდართა სიას მორიელის ნიშნით დაბადებული უილიამ ბილ გეითსი). "მშვილდოსნები" ექვსი პროცენტია, თუმცა ამერიკელი ასტროლოგ დეივიდ რეილი თვლის, რომ, თუ ვინმეს ცხოვრებაში უმართლებს, ეს სწორედ მშვილდოსნის ნიშნით დაბადებული ადამიანები არიან. ამის შემდეგ პროცენტულობით სიაში მოდიან "კუროები" (რომლებიც მიზანს სტაბილურობის, ჯიუტი შრომის და მიზანსწრაფვის ხარჯზე აღწევენმიზნებს).
აუცილებლად უნდა ავღნიშნოთ, რომ მსოფლიოს ყველა დროის უმდიდრესი ადამიანი და მსოფლიოს პირველი მილიარდელი ჯონ დევისონ როკფელერი (1839 – 1937), რომლის ქონება 2006 წლის მონაცემებით 192 მილიარდი დოლარი იყო, კირჩხიბის ნიშნით იყო დაბადებული.

დონალდ ტრამპის პერსონალური ჰოროსკოპი

2010-08-04T11:36:00.010+04:00

რა ასტროლოგიური პარამეტრები ანიჭებს

დონალ ტრამპს მიზასწრაფვასა და აგრესიულობას

"ცხოვრებაში ყველაფერი წარმატებაა"

დონალდ ტრამპი

არც თუ დიდი ხნის თბილისში ცნობილი ამერიკელი მილიარდელის დონალდ ტრამპის წარმომადგენელი, კომპანიის Trump international-ის ("ტრამპ ინტერნეიშენელ") ვიცე-პრეზიდენტი მაიკლ კოენი იმყოფებოდა. კოენის სიტყვებით, დონალდ ტრამპი საქართველოს უძრავი ქონებით იყო დაინტერესებული და თუ ტრამპი მომავალში საქართველოში ინვესტირებას გადაწყვეტს, ეს "მრავალნულიანი რიცხვი იქნება".
საოცარია, მაგრამ დონალდ ტრამპი ფორბსის მილიარდელების სიის მიხედვით 2 მილიარდი დოლარით სხვა მილიადელებთან ერთად მხოლოდ და მხოლოდ 463-488 ადგილებს იყოფს. თუმცა ის თავისი აქტიური ცხოვრების წესით, რისკიანი მოქმედებებით და ასევე ფუფუნებისადმი მიდრეკილებით მსოფლიოში ერთ-ერთი ყველაზე ცნობილი მილიარდელია.
საინტერესო იქნება თუ დონალდ ტრამპის პერსონალურ ჰოროსკოპს გავშიფრავთ, მითუმეტეს, რომ მისი ენერგიული და დინამიური ხასიათი საკმაოდ კარგად ვლინდება მის ჰოროსკოპში.
დონალდ ტრამპი დაიბადა ქვინსში (ნიუ-იორკში), 1946 წლის 14 ივნისს (09:51 საათზე).
მისი დაბადების დროს მზე ტყუპების ზოდიაქოში იმყოფებოდა, რომელიც მას კომუნიკაბელურობას, გამჭრიახობას, ადაპტაციის და და სწრაფი რეაგირების უნარს ანიჭებს. მზე შეერთებაში იმყოფება ურანთან, რაც მასში თავისუფლების და დამოუკიდებლობის შეგრძნებას, სიახლეებისადმი სწრაფვას და ორიგინალურობას აძლიერებს. ასეთი ადამიანი რეფორმატორია და ერთ-ერთი პირველი ხვდება რა ცვლილებებია საჭიროა. სწორედ ეს თვისება ეხმარება ტრამპს სწრაფად გაიაზროს და განახორციელოს ცვლილებები თუ რეფორმები.
ტრამპის ჰოროსკოპში ასცენდენტი ლომის ზოდიაქოშია განთავსებული და ეს პარამეტრი მას ორგანიზატორულ თვისებებს, ამბიციურობას და წარმატების მიღწევის მძაფრ შეგრძნებას ანიჭებს. ასეთი ადამიანი ამაყია, თუმცა ტრამპის შემთხვევაში ჰოროსკოპის სხვა პარამეტრების გამო ეს სიამაყე მოსალოდნელია ზოგჯერ ამპარტავნებაშიც კი გადაიზარდოს ხოლმე.
მის ჰოროსკოპში პირველ სახლშია განთავსებული მარსი (ასტროლოგიაში ეს კომბინაცია "მეომრის პოზიციად" მიიჩნევა) - ამ დროს ადამიანი ჰიპერაქტიურია და წინააღმდეგობის გაწევის უდიდეს უნარი აქვს, ეს ასევე მიანიშნებს საომარ განწყობასა და აგრესიულობაზე. მზე-მარსის დადებითი ასპექტი მიანიშნებს, რომ ორგანიზატორულობა, ენერგიულობა და მიზანსწრაფვა მას მემკვიდრებით მამისგან გადაეცემოდა (მზე ჰოროსკოპში ბევრ სხვა პარამეტრთან ერთად სიმბოლურად მამას განასახიერებს), მართლაც უნივერსიტეტის დამთავრების შემდეგ მან სწორედ მამასთან დაიწყო მუშაობა და მასთან ისწავლა ბიზნესის საიდუმლოებები, თუმცა და-ძმებიდან მხოლოდ მან შეძლო მამის ბიზნესის გაგრძელება და მისი ახალ, უფროი მომგებიან რელსებზე გადაყვანა.
ტრამპის ჰოროსკოპში აგრესიული მარსი და ნეგატიურად ასპექტირებული დესცენდენტის მართველი - ურანი (ტრამპის ჰოროსკოპში ქორწინების მაჩვენებელი) მიანიშნებენ მის პარტნიორებთან ურთიერთობებში არასტაბილურობას და დომინირების მძაფრ სურვილს, ალბათ სწორედ ამიტომ, ტრამპი უკვე მესამე ქორწინებაში იმყოფება.
მის ჰოროსკოპში მეტად სასიკეთო შეთავსებაა იუპიტერის (მეხუთე სახლის და ნაწილობრივ მერვე სახლის მმარველს) და ურანს შორის, ეს ადამიანს საშუალებას აძლევს სათამაშო ბიზნესიდან მიიღოს საკმაოდ დიდი შემოსავლები, ტრამპს ამ კუთხითაც გაუმართლა - იგი კაზინოების ქსელის მფლობელია. გარდა ამისა, ამ ასტროლოგიურ კომბინაციას ასევე წარმატებას მოაქვს სპეკულაციებში და ასევე სხვა ადამიანების ფულის მომგებიანად გამოყენებაში.
გარდა ამისა, მეორე და მერვე სახლების მართველების (მერკური და ნეპტუნის) ნეგატიური ასპექტი (კვადრატურა) მიანიშნებს მოულოდნელ კრახზე და ფინანსურ დანაკარგებზე - ტრამპის ცხოვრებაში იყო მომენტი, როდესაც გასული საუკუნის 80-იანი წლების ბოლოს მას 10 მილიარდამდე ვალი ჰქონდა და თითქმის გაკოტრდა, თუმცა მან მიზანსწრაფის, ორგანიზებულობის და გაბედული მოქმედებების ხარჯზე შეძლო კრიზისიდან თავის დაღწევა (მიუხედავად იმისა, რომ მან ქონების საკმაოდ ნაწილი დაკარგა).
მთლიანობაში შეიძლება ითქვას, რომ დონალდ ტრამპს უდიდესი მიზასწრაფვა, ენერგიულობა და ორგანიზატორული თვისებები გააჩნია და თუ მან გადაწყვიტა ("თუ", რადგან ჯერ ეს საკითხი ბოლომდე გარკვეული არ არის), რომ საქართველოში საკუთარი ფული დააბანდოს, მაშინ ამ საქმეს ბოლომდე მიიყვანს და საქართველოს ტრამპის სახელობის (მისი გვარი მისი ორგანიზაციის ბრენდია) ცათამბჯენები, კაზინოები, სავაჭრო და საცხოვრებელი კომპლექსები შეემატება.

ტულე – ფაშიზმი და მისტიკა

2010-08-01T16:55:00.006+04:00

ტულე გერმანული პოლიტიკურ-ოკულტური საზოგადოება შეიქმნა მიუნჰენში, 1918 წლის იანვარში, მეორე ვერსიით კი 1918 წლის 17 აგვისტოს (ბედის ირონიით, შემდგომში ტულეს აქტიურმა წევრმა და ფაშიზმის ერთ-ერთმა იდეოლოგმა რუდოლფ ჰესმა 93 წლის ასაკში სწორედ 17 აგვისტოს მოიკლა თავი).
მისი დამფუძნებელი იყო გერმანელი ოკულტისტი ბარონ ჰენრიხ ფონ ზაბოტენდორფი (ნამდვილი სახელი და გვარი რუდოლფ გლაუერი). ამ საზოგადოების სრული სახელწოდება იყო "გერმანული ტრადიციების შემსწავლელი ჯგუფი". ეს იყო პირველი მსოფლიო ომის შემდგომ მასონური ლოჟის მიერ დაარსებული გასამხედროებული ორდენი.
სახელწოდება ტულე ზაბოტენდორფმა აიღო ანტიკური ბერძენი გეოგრაფისგან პითეას მასილიელისგან (ჩვ. წ. აღ-მდე 4 საუკუნე), რომელიც თავის ნაშრომებში აღწერა ტულე, როგორც უკიდურეს ჩრდილოეთში არსებული კუნძული (თუმცა მისი არსებობა რასაკვირველია შემდგომში არ დადასტურდა. ისევე როგორც ტულეს სხვა ანალოგის – ჰიპერბოერას არსებობა).
ტულე გაჟღენთილი იყო ძველგერმანული ლიტერატურული ცოდნით, ოკულტიზმითა და რუნების სიმბოლიკით. მისი წევრებისთვის დამახასიათებელი იყო უკიდურესი ნაციონალიზმი, ანტისემიტიზმი და რასობრივი მისტიციზმი.
ამ საზოგადოების მხოლოდ მიუნჰენის ფილიალში გაერთიანებული იყო 250 ადამიანი, ხოლო მთელს ბავარიის ოლქში 1500 ადამიანზე მეტი და მათ შორის იყვნენ ჟურნალისტები, მწერლები, პოეტები, ლექტორები, არმიის ოფიცრები. და ა. შ. საინტერესოა, რომ ამ საზოგადოებაში ასევე გაერთიანებულები იყვნენ შემდგომში ცნობილი ფაშისტები და ფაშიზმის იდეოლოგები რუდოლფ ჰესი და ალფრედ როზენბგერი და თვით ადოლფ ჰიტლერი.
ტულეში გაერთიანებული ადამიანების იდეოლოგია ემყარებოდა გერმანული რასის უპირატესობას და გამორჩეულობას, ანტისემიტიზმსა და პანგერმანული სახელმწიფოს შექმნას, რომელიც შემდგომში იგივე ადოლფ ჰიტლერისთვის შთაგონების წყარო გახდა.
ისევე როგორც იმდროინდელ სხვა გერმანულ საზოგადოებასა და ორდენში ტულეც აქტიურად იყენებდა მისტიკურ სიმბოლიკებს. მათ შორის, აუცილებლად უნდა აღინიშნოს სვასტიკა, რომელიც შემოდგომში ფაშისტების მთავარ სიმბოლოდ იქცა.
სიტყვა სვასტიკა სანსკრიტზე (ძველინდური ენა) ერთი ვარიანტით "მისალმებას" ნიშნავს, მეორე ვარიანტით "წარმატების ნდომას", კიდევ სხვა ვარიანტით კი "კეთილად მყოფადს". სვასტიკა როგორც გრაფიკული სიმბოლო საკმაოდ "ასაკოვანია", იგი ჩვ. წ. აღ-მდე IV-III ათასწლეულებში წარმოიშვა.
სვასტიკა სხვა და სხვა ხალხში იყო დროის, სიცოცხლის, მზის, სინათლის და კეთილდღეობის სიმბოლო. უდიდესი დატვირთვა ჰქონდა სვასტიკას ინდოეთში. ჯერ კიდევ ჰარაფას კულტურის დროს (ძვ. წ. III-II ათასწლეულები) გხვდება. სვასტიკამ ახალი დანიშნულება შეიძინა ინდოეთში ბუდიზმის გავრცელების შემდეგ. შუმერში სვასტიკა ქალღმერთ ინანას უკავშირდებოდა, ძველ ეგვიპტეში სვასტიკა მზის სიმბოლო იყო და შემდგომში ოსირისის სიმბოლოდ იქცა, ამასთან მისი ტარება მხოლოდ ქურუმებს ჰქონდათ, ბაბილონში იგი ქალღმერთ იშთარის სიმბოლო იყო, ძველ საბერძნეთსა და რომში იგი ნაყოფიერებას ნიშნავდა, ხოლო ეტრუსკულ სამყაროში კი მას მეომრები იხატავდნენ, ჩინეთში სვასტიკა ქალური ენერგიის საწყისის, `ინ~-ის იდეოგრამა იყო, სკანდინავიაში იგი ღმერთ თორის სიმბოლო იყო, ამერიკელ ინდიელებში კი სიცოცხლის სიმბოლო იყო.
სვასტიკა საკუთარ სიმბოლოდ აიღეს ნაცისტებმა, თუმცა მანამდე იგი გერმანული ოკულტური ორგანიზაციის "ტულეს საზოგადოების" ემბლემა იყო (არსებობს მოსაზრება, რომ "ტულეს" შემქმნელებს ბარონ ჰენრიხ ფონ ზაბოტენდორფსა და კარლ კლაუს ჰოფერს ემბლემად სვასტიკას გამოყენება გიორგი გურჯიევმა ურჩია).
საინტერესოა, რომ სვასტიკა როგორც სიმბოლო ქართულ ასომთავრულ ანბანშიც გხვდება – ქან-ის (卐) სახით. თუმცა ძველ საქართველოში უფრო ხშირად გხვდება სვასტიკა რკალური ფრთებით და მას ბორჯღალს უწოდებდნენ.
ტულეს შექმნელი ჰენრიხ ფონ ზაბოტენდორფი დიდი ორგანიზებულებითა და ოკულტური ცოდნით არ გამოირჩეოდა, ამიტომ, საზოგადოების მართვა, მისი ურთიერთობა ნაციონალ-სოციალისტური გერმანელ მუშათა (ფაშისტურ) პარტიასთან თავის თავზე აიღო დიტრიხ ეკარტმა, რომელსაც ადოლფ ჰიტლერი თავის ნაშრომში "მაინ კამფ" ("ჩემი ბრძოლა") რამდენიმეჯერ იხსენიებს. ეკარტმა კიდევ უფრო შორს განავრცო და დახვეწა ტულეს გეგმები, იდეოლოგია და მიზნები (იგივე მითი არიული რასის შესახებ!).
სხვათა შორის სწორედ ეკარტი დაუპირისპირდა ცნობილ ავსტრიელ, ეროვნებით გერმანელ მწერალ-მისტიკოსს, ანტროფოსოფს რუდოლფ შტაინერს, რადგან მისი კაცთმოყვარეობა და ჰუმანიზმი არ მოსდიოდა თვალში. ტულეს და საერთოდ ფაშიზმის მომძლავრების გამო ისევე როგორც ბევრმა სხვა გერმანელმა საზოგადო მოღვაწემ, შტაინერმაც დატოვა გერმანია. იგი შვეიცარიაში გადაცხოვრდა (არსებობს ვერსია, ანტროფოსოფების რეზიდენცია, ხის ტაძარი "გოეთეანუმი" ბაზელთან ახლოს, სწორედ ტულეს წევრებმა დაწვეს).
აღსანიშნავია, რომ რომ ჰიტლერის გერმანიის სათავეში მოსვლის შემდეგ ტულე როგორც საზოგადოება აკრძალული იქნა, ხოლოდ მისი შემქმნელი ჰენრიხ ფონ ზაბოტენდორფი, რომელმაც დაწერა წიგნი "ჰიტლერის მოსვლამდე" დააპატიმრეს, ხოლო წიგნის ყველა ტირაჟი გაანადგურეს.
სიტყვა "ტულე" თანამედროვე ცხოვრებაში უკვე საიდუმლო ორგანიზაციას უკავშირდება და ამ სიტყვა პოპ-კულტურაში ფართოდ იყენებენ. ორგანიზაცია ტულე ხშირად ფიგურირებს ფანტასტიკურ თუ საშინელებათა მხატვრულ, მულტიპლიკაციურ ფილმებში, მუსიკალურ პროექტებში და ლიტერატურულ ნაწარმოებში.

ზოდიაქო და საქართველოს კუთხეები

2010-06-18T00:12:00.009+04:00

აღმოსავლეთ საქართველოს (მათ შორის საინგილოს) კუროს ნიშანი მართავს (კუროს სიდინჯე, სიჯიუტე და კულინარიისა და სიმღერის სიყვარული საკმაოდ კარგად იკვეთება კახელებში).
დასავლეთ საქართველოს ტყუპების ნიშანი მართავს (ტყუპების ზოდიაქოს კომუნიკაბელურობა, კონტაქტურობა, ადვილი ადაპტაცია და სწრაფი აზროვნებისა თუ საუბრის მანერა განსაკუთრებით იმერლებში და მეგრელებში იკვეთება).
გურიას აგრესიული და ფეთქებადი ვერძის ზოდიაქო მართავს (გაიხსენეთ გურული "მაუზერისტები" და ფირალები, გურიის რესპუბლიკა, რომელმაც რვა თვე იარსება).
მთიანი აჭარა "ფიცხი" და თავისუფლების მოყვარე "მშვილდოსანია", ზღვისპირა აჭარას თევზების ზოდიაქო მართავს.

რაჭას "დინჯი" კურო მართავს.

საქართველოს მთას – ლეჩხუმს, სვანეთს, ფშავ-ხევსურეთს, მთიულეთს, გუდამაყარსა და თუშეთს კირჩხიბი მართავს (სწორედ კირჩხიბია ტრადიციების, ისტორიის, ოჯახის ინსტიტუტის დამცველი),
სამცხე–ჯავახეთს და ასევე ტაო–კლარჯეთს – თევზები ზოდიაქო განაგებს (საიდანაც დაიწყო საქართველოში ქრისტიანობის გავრცელება),
აფხაზეთი მშვილდოსნის ზოდიაქოს შეესაბამება,
სამაჩაბლო კი მორიელის ნიშანს განეკუთვნება...

ზაფხული - 2010 წლის ყველაზე რთული პერიოდია

2010-06-17T11:35:00.014+04:00

მე ადრეც ვწერდი, რომ ზაფხულში მთელ მსოფლიოს მასშტაბით სიტუაცია დაიძაბებოდა და საერთო მდგომარეობა გაუარესდებოდა. ეს ყოველივე შესამჩნევი უკვე მაისის ბოლოს და ივნისის დასაწყისში გახდა – მკვეთრად მოიმატა ბუნებრივი კატაკლიზმების რაოდენობამ, სიტუაცია საკმაოდ დაიძაბა ახლო აღმოსავლეთში, სადაც ისრაელმა ზედიზედ რამოდენიმე ჰუმანიტარული გემი და რამოდენიმე ასეული აქტივისტი დააკავა, შეიარაღებული დაპირისპირება დიწყო ყირგიზეთში და მსხვერპლმა უკვე ას ადამიანს გადააჭარბა. შესაძლოა, პარადოქსულად ჟღერდეს, მაგრამ ყირგიზეთის ექს-პრეზიდენტმა ყირგიზეთში მომხდარი მოვლენების სცენარის განხორციელება თბილისშიც არ გამორიცხა. ასე რომ, მთელს მსოფლიოს და საქართველოსაც "ცხელი ზაფხული" ელის (როგორც ამ სიტყვის პირდაპირი, ისე გადატანითი მნიშვნელობით).

პირველი რაც უნდა აღინიშნოს 26 ივნისს დაფიქსირდება მთვარის დაბნელება და ამის გამო 24-28 ივნისს მოიმატებს დაპირისპირებების, კონფლიქტური სიტუაციების და ტექნიკური ავარიების ალბათობა. ამ დაბნელების დროს მთვარე თხის რქის ზოდიაქოს პირველ დეკადაში იქნება განთავსებული, რაც მიანიშნებს, რომ გაიზრდება სახელმწიფო შეთქმულებების, გაფიცვების, აჯანყების, სახელმწიფოს ხელმძღვანელებზე (ან ცნობილ პოლიტიკოსებზე) თავდასხმის და ახალი შეიარაღებული დაპირისპირებების დაწყების ალბათობა (ცხადია ამის ალბათობა ყველაზე მეტად პოლიტიკურად არასტაბილურ რეგიონებში მოიმატებს).

უნდა ითქვას, რომ მთელი ზაფხულის პერიოდში შენარჩუნდება დაძაბულობა, რადგან ერთმანეთთან ნეგატიურ ასპექტში (კავშირში) იმყოფებიან სატურნი (კრიზისი, წინაღობები, ხანგრძლივი არასასიამოვნო მოვლენები), ურანი (მოულოდნელობა, ანარქია, ქაოსი, აფეთქებები) და პლუტონი (გლობალური პროცესები, ტექნიკური და ბუნერივი კატაკლიზმები, შეიარაღებული დაპირისპირებები). თუმცა ამ ყველაფრის რეალიზების ალბათობა განსაკუთრებით გაიზრდება ივლისის მეორე ნახევრიდან და შენარჩუნდება სექტემბრის შუა რიცხვებამდე.
17 ივლისს სატურნი-ურანი და პლუტონი ცის კაბადონზე ერთმანეთთან მიმართებაში განთავსდებიან ე. წ. ტაუ-კვადრატულ კონფიგურაციაში და 21 ივლისიდან მათ დაემატებათ მარსიც (აგრესია, იარაღი, კონფლიქტი, შეიარაღებული დაპირისპირება) და ამ ნეგატიურ პერიოდს 12 აგვისტომდე მაქსიმალურად დაძაბულ რეჟიმში გადაიყვანს.
მთლიანობაში ეს მეტად დისჰარმონიული კონფიგურაციის კოსმობიოლოგიური გავლენა შენარჩუნდება 10 სექტემბრამდე. შესაძლებელია, ეს ბედის ირონიაც იყოს, მაგრამ ამ პერიოდის პიკი იქნება 7 აგვისტო (ზუსტად ამ დღეს ორი წლის წინ საქართველო-რუსეთის ხუთდღიანი ომი დაიწყო).
ასე რომ, ყველას (განსაკუთრებით პოლიტიკაში და ბიზნესში) მაქსიმალური თავშეკავება, წინდახედულობა, სიფრთხილე და რადიკალურ მოქმედებებზე უარის თქმა მართებს, წინააღმდეგ შემთხვევაში ნებისმიერი წამოწყება ფატალური შედეგით დასრულდება.
ცხადია ამ პერიოდში მოიმატებს ბუნებრივი კატაკლიზმების, ბუნებრივი მოვლენების მკვეთრი ცვლილებების და არასასურველი კუთხით განვითარების ალბათობა, ამიტომ, ამ კუთხითაც ყველას მაქსიმალური წინდახედულობა და სიფრთხილე მართებთ. ამ პერიოდში მინიმუმამდე უნდა იქნას დაყვანილი რისკის მომენტი, ეს კი მოსალოდნელ დანაკარგებს მნიშვნელოვნად შეამცირებს.

ლეონარდო და ვინჩის წინასწარმეტყველებები

2010-05-30T23:50:00.008+04:00

© geoastrolog (რამაზ გიგაური)

ლეონარდო და ვინჩის სახელი ყველამ იცის, ალბათ არ არის ადამიანი, რომელიც ერთი შეხედვით არ ცნობს "მონა ლიზასა" და "საიდუმლო სერობას", თუმცა ალბათ ცოტას თუ გაუგია ლეონარდოს წინასწარმეტყველებები.

ლეონარდო დღემდე მიჩნეულია უნივერსალურ ადამიანად, ის არა მხოლოდ მხატვარი, მოქანდაკე, არქიტექტორი, ანატომი, მათემატიკოსი, ფიზიკოსი, ბუნებისმეტყველი და გამომგონებელია, არამედ წინასწარმეტყველიც.
მის ჩანაწერებში აღმოაჩინეს საკმაოდ ბევრ დაშიფრული ტექსტი, რომლის ნაწილი საკმაოდ ადვილად ამოხსნეს და ყველასთვის გამაოგნებელი იყო, რომ ეს წინასწარმეტყველებები აღმოჩნდა.
უცნობია ლეონარდო წინასწარმეტყველების რა ხერხს იყენებდა, თუმცა მისი წინასწარმტყველებები საკმაოდ დიდი ნაწილი არასასიამოვნო და შემაშფოთებელია. ძნელია ითქვას, ეს წინასწარმეტყველებები უკვე ასრულდა თუ შორეული მომავალში მოხდება. ერთი რამ ფაქტია, ლეონარდო ისევე როგორც ფერწერაში, წინასწარმეტყველებაშიც იდუმალი და მისტიკურია.

• ადამიანები ივლიან, თუმცა არ იმოძრავებენ.
• ადამიანები ისაუბრებენ მათთან - ვინც ძალიან შორს არის.
• ადამიანები მოუსმენენ მათ - ვინც არ ლაპარაკობს.
• მიწა გადაიშლება... ამოვლენ სიბნელით მოცული მხეცები, რომლებიც დაიწყებენ ადამიანთა განადგურებას. დაიღუპება ბევრი სიცოცხლე, დედამიწაში ურიცხვი ნასვრეტი გაჩნდება. თუმცა ადამიანების დიდი ნაწილი გადარჩება. გადარჩენილი ადამიანები საკუთარ სახლებს დატოვებენ. დატოვებული სახლები და სხვა ყველაფერი ფრინველებისა და მხეცების ლუკმა გახდება.
• დედამიწის ზოგიერთ ადგილას ადამიანები გადაყრიან ყველანაირ საჭმელს და სასმელს, რომელიც მათი სიცოცხლისთვის იყო განკუთვნილი, რადგან ეს სანოვაგე იქნება სიკვდილი.
• დაბრუნდება ჰეროდეს დრო, როდესაც დედებს უმანკო ჩვილები წაერთმევათ.
• ბევრი იქნება ისეთი ხალხი, რომლებიც დაიმალებიან და ასევე გადამალავენ სანოვაგეს და საკუთარ შვილებს ღრმა გამოქვაბულებში. ადამიანები იქ, სიბნელეში იცხოვრებენ მრავალი თვის მანძილზე ყოველგვარი ბუნებრივი თუ ხელოვნური განათების გარეშე.
• ადვილად დასანახი იქნება ჰაერში, დიდ სიმაღლეზე ვებერთელა გველები ფრინველებს როგორ ებრძვიან.

ანანდა შანკარი. "დაკარგული გალაქტიკა"

2010-05-13T23:39:00.001+04:00

დააპროგრამეთ საკუთარი თავი წარმატებაზე

2010-05-12T13:36:00.013+04:00

ფრანგმა ფსიქოთერაპევტმა ემანულ სეგმა ერთხელ თქვა: "როდესაც წარმოსახვა და ნებისყოფა ერთმანეთში ანტაგონისტურად არიან განწყობილები და კონფლიქტში იმყოფებიან, ყოველთვის, ყოველგვარი გამორიცხვების გარეშე წარმოსახვა იმარჯვებს".
ასე რომ, შეგიძლიათ საკუთარი თავი დააპროგრამოთ წარმატებაზე. წარმოსახვას შეუძლია ყველაზე თამამი და თავხედი ოცნებების მოფიქრება და მათი რეალობად ქცევა.
ცნობილია, რომ წარმოსახვა და რაციონალიზმი ერთმანეთში მაინცა და მაინც მეგობრულ დამოკიდებულებაში ვერ არიან, ამიტომ, როდესაც ადამიანი ოცნებობს, ახდენს საკუთარი სურვილების ვიზუალიზაციას, მაშინ "ირთვება" ტვინის მარჯვენა ნახევარსფერო და ქვეცნობიერი "ამუშავებას" იწყებს, ამ დროს ადამიანი "ხედავს" მისთვის სასურველ ვირტუალურ რეალობას, "გრძნობს" სიმშვიდეს, "ესმის" შესაბამისი ხმა, რის ვიზუალიზაციასაც ახდენს. თუმცა ამავე დროს "ირთვება" ადამიანის ტვინის მარცხენა ნახევარსფერო და ცნობიერი, რაც წინააღმდეგობაში მოდის ქვეცნობიერთან და ცხადია ადამიანი ასევე წინააღმდეგობაში მოდის საკუთარ სურვილებთან: "ეს ჩემთვის არ არის", "მე არ ვიმსახურებ ამას", "მე გავგიჟდი" და ა. შ.
ჭეშმარიტება იმაში, რომ ადამიანის უნიკალურობას უდიდესი მნიშვნელობა ენიჭება. ადამიანს შეუძლია შეცვალოს სიტუაცია და წარმატებას მიაღწიოს. მიიჩნევა, რომ სწრაფ წარმატებად ითვლება ის, რომელიც რამოდენიმე წელიწადში სრულდება. არსებობს რამოდენიმე ხერხი და მეთოდი, რომელსაც შეუძლია ადამიანის წარმატებაზე დაპროგრამება. ერთადერთ და აუცილებელ ნაბიჯად ითვლება გონების ცნობიერისთვის "გვერდის ავლა". როდესაც ადამიანი ამას შეძლებს, მაშინ ქვეცნობიერი მიიღებს ყველაფერს, რასაც მასში ადამიანი მიზანმიმართულად "ჩანერგავს".
გონების "პროგრამირების" სამი კომპონენტია: მოდუნება (რელაქსაცია), ვიზუალიზაცია და აფირმაციები:

მოდუნება (რელაქსაცია): პირველი გასაღები გონების წარმატებაზე დაპროგრამებისკენ ეს არის რელაქსაცია. როდესაც ადამიანი ისვენებს და მოდუნებულ მდგომარეობაშია, ისვენებს მისი ტვინიც - ტვინის ციკლური ენერგოტალღები, აზროვნების პროცესი მშვიდდება და ამ დროს ტვინი გადადის ე. წ. "ალფა მდგომარეობაში", როდესაც ადამიანი ცნობიერი "იძინებს", თუმცა ქვეცნობიერი რჩება ვეგეტატიური ნერვული სისტემის მმართველობის ქვეშ. დასვენების დროს დუნდება ტვინიც და სხეულიც. სწორედ ამ დროს ადამიანის აზრები მშვიდდება იმ დონემდე, რომ ისინი უბრალოდ ვიბრირებენ. სწორედ "ალფა მდგომარეობის" აქტიურდება ქვეცნობიერი და ადამიანს სწორედ ამ დროს შეუძლია ვიზუალიზაციის დაწყება.

ვიზუალიზაცია: ეს წარმატების დაპროგრამირების მეორე გასაღებია. რელაქსაციის საშუალებით ადამიანი შედის შემოქმედებით პროცესში, რომელიც სავალდებულოა წარმატების მისაღწევად. ადამიანს შეუძლია "ჩანერგოს" საკუთარ ქვეცნობიერში ახალი აზრები და წარმოდგენები, უბრალოდ საჭიროა "დაიჭიროს" იმის გამოსახულება, რაც მას ჭეშმარიტად უნდა და იმოქმედოს ისე, თითქოს ეს უკვე აქვს და მიაღწია სასურველ მიზანს. აზრობრივმა გამოსახულებამ შეუძლია შიში ან ღელვა გამოიწვიოს, ანდა პირიქით ბედნიერების შეგრძნება გააჩინოს (ბედნიერების და სიხარულის შეგრძნება მინიშნებს, რომ ადამიანს სწორედ აქვს საკუთარი მიზანი არჩეული). საჭიროა ყოველივეს მკაფიოდა წარმოდგენა, უნდა გამახვილდეს ყურადღება დეტალებზე და ადამიანს, ის რაც ნამდვილად უნდა, რეალურ ცხოვრებაში გაჩნდება. აი, ეს არის წარმატების ერთ-ერთი ძირითადი ფაქტორი. ამ დროს ადამიანმა უნდა "დაინახოს" ის, რისი მიღწევის სურვილიც აქვს.

აფირმაციები: ახლა კი მესამე გასაღები წარმატებაზე დაპროგრამირებისთვის. ადამიანს შეუძლია საკუთარ ქვეცნობიერში "ჩანერგოს" ახალი მტკიცებულებები (აზრები) თვითდაჯერების მეშვეობით. რობერტ ალენისა და მარკ ვიქტორ ჰანსონის წიგნში "მილიონერი ერთ წუთში" ერთ-ერთი აფირმაცია ასეა ჩამოყალიბებული: "მე დავდივარ როგორც მილიონერი, მე ვმოქმედებ როგორც მილიონერი, მე ვარ მილიონერი". როგორც ადამიანი აფირმაციებს უმატებს გრძნობებს, ემოციებს, მაშინ ამ აფირმაციების ძალა და ენერგია ორმაგდება და ზოგჯერ სამმაგდება კიდეც. საჭიროა, იმის ნამდვილად დაჯერება, რასაც ადამიანის საკუთარ გონებას აჯერებს.

ადამიანს შეუძლია დააპროგრამოს წარმატება და ამისათვის საჭიროა მხოლოდ ეფექტური მეთოდებისა და საშუალებების გამოყენება. საჭიროა მოდუნება, ვიზუალიზაცია და იმის მტკიცედ გამეორება, თუ რისი მოხდენაა სასურველი (აფირმაციები). ყველა ადამიანს შეუძლია გაიმარჯვოს და ყველა მათგანი არის ამის ღირსი, ხოლო წარმატება მხოლოდ იმას ეკუთვნის, ვისაც ამის დიდი რწმენა და მწველი სურვილი აქვს.