2010 წლის ასტროლოგიური პროგნოზი ზოდიაქოს ნიშნებისთვის

© geoastrolog (რამაზ გიგაური)

(აღმოსავლური ასტროლოგიის მიხედვით)

ვირთხა (თაგვი)

• 24.01.1936 - 10.02.1937
• 10.02.1948 - 28.01.1949
• 28.01.1960 - 14.02.1961
• 15.02.1972 - 02.02.1973
• 02.02.1984 - 19.02.1985
• 19.021996 - 07.07.1997

თქვენთვის ვეფხვის წელიწადი მეტ-ნაკლებად პოზიტიური იქნება. უნდა ირწმუნოთ თქვენი შესაძლებლობების, წინააღმდეგ შემთხვევაში, სასურველი შედეგის მიღწევა გაგიჭირდებათ. რისკი და ავანტიურები გიყვართ, თამაში და თავგადასავლების ძიება თქვენი სტიქიაა, მაგრამ თუ 2010 წელს ზღვარს გადახვალთ, შესაძლოა, სტრესულ სიტუაციებსა და კრიზისებს თავიდან ვერ აიცილებთ. თუმცა თუ თქვენს მოქმედებაში ცვლილებებს შეიტანთ, ცხოვრების სწრაფი ტემპი ახალი პერსპექტივის მომტანიც კი გახდება. მნიშვნელოვანი გადაწყვეტილებები პარტნიორებთან და ოჯახის წევრებთან შეათანხმეთ. 2010 წლის შემოდგმაზე მოგზაურობა ან ახალ საქმიანი წინადადებების განხილვა გელით, რაც კარიერაში წინსვლას გიქადით.

ხარი

• 11.02.1937 - 30.01.1938
• 29.01.1949 - 16.02.1950
• 15.02.1961 - 04.02.1962
• 03.02.1973 - 22.01.1974
• 20.02.1985 - 08.02.1986
• 08.02.1997 - 27.01.1998

2010 წელს ფორტუნა ხშირად არ გაგიღიმებთ. შესაძლოა, დაქვეითდეს თქვენი კონკურენტუნარიანობა, რასაც ოპონენტები სიხარულით შეხვდებიან. წარმატების მიღწევაში ყურადღების კონცენტრაცია და საქმიანი ინფორმაციის დროულად მიღება-გამოყენება დაეხმარებათ. ამ წლის კიდევ ერთი მნიშვნელოვანი დეტალი საიმედო და ერთგული პარტნიორების მოძიება და მათთან თანამშრომლობის საკითხი იქნება. ამიტომ, წინდახედულობა გამოიჩინეთ, უცნობ ადამიანებთან ურთიერთობისას, ამასთანავე გააქტიურდება ჯანმრთელობის საკითხები. აუცილებად დააზღვიეთ თქვენი ჯანმრთელობა და მოერიდეთ ისეთ სიტუაციებს, სადაც კიდურების ტრავმების მიღების ალბათობა მაღალი იქნება.

ვეფხვი

• 31.01.1938 - 18.02.1939
• 17.02.1950 - 05.02.1951
• 05.02.1962 - 24.01.1963
• 23.01.1974 - 10.02.1975
• 09.02.1986 - 28.01.1987
• 28.01.1998 - 15.02.1999

მიუხედავად იმისა, რომ ეს წელიწადი თქვენია, შესაძლოა, ის დადებითიც იყოს და უარყოფითიც. შეეცადეთ, იყოთ ენერგიული, აუცილებლობის შემთხვევაში, გარისკოთ კიდეც, მაგრამ თქვენმა საქციელმა არ უნდა მიიღოს ავანტიურიზმის, უტაქტობის, აგრესიის და სიხარბის ფორმა, წინააღმდეგ შემთხვევაში მოსალოდნელია სერიოზული პრობლემების წინაშე აღმოჩნდეთ. პაექრობა, კონკურენაცია, რთული სიტუციების მოხერხებულობისა და ენეგიულობის ხარჯზე სასიკეთოდ გადაწყვეტა – აი, ეს იქნება ამ წლის ტენდენციები. გარდა ამისა, მოგიწევთ ოჯახის წევრების, თანამშრომლებისა და თანამოაზრეების ინტერესების დაცვა. თუ შორსმჭვრეტელ და გაწონასწორებულ პარტნიორებსაც გაიჩენთ, თქვენი დამარცხება შეუძლებელი იქნება.

კურდღელი (კატა)

• 19.02.1939 - 07.02.1940
• 06.02.1951 - 26.01.1952
• 25.01.1963 - 12.02.1964
• 11.02.1975 - 30.01.1976
• 29.01.1987 - 16.02.1988
• 16.02.1999 - 04.02.2000

ამ წელიწადში თქვენ გარკვეული უპირატესობა გექნებათ და, მათი გამოყენების შემთხვევაში, მნიშვნელოვნად გაიდვილებთ წინსვლას. შეეცადეთ, საკუთარი დრო, ენერგია და ფინანსები საკუთარ თავსა და საკუთარი პრობლემების მოგვარებას დაუთმოთ. გაიზრდება დაოჯახების, ოჯახში ახალი წევრის მატებისა და უძრავ ქონების საკითხების გადაწყვეტის ალბათობა. ზაფხულში, შესაძლოა, თქვენს ცხოვრებაში მოვლენები კალეიდოსკოპური სისწრაფითაც კი განვითარდება. ამიტომ, ყველაფრისთვის მზად უნდა იყოთ, შეეცადეთ, დიპლომატიისა და ტაქტის საშუალებით აირიდოთ კონფლიქტები. საქმიანი თანამშრომლობა იმ შემთხვევაში იქნება დადებითი, თუ თქვენი პარტნიორები შემტევი, ენერგიული და თავდაჯერებული ადამიანები იქნებიან.

დრაკონი

• 08.02.1940 - 26.01.1941
• 27.01.1952 - 13.02.1953
• 13.02.1964 - 01.02.1965
• 31.01.1976 - 17.02.1977
• 17.02.1988 - 05.02.1989
• 05.02.2000 - 23.01.2001

პირად ცხოვრებაში, ბობოქარი განცდები, ხოლო პროფესიულ საქმეში ცვლილებები გელოდებათ, რაც რეპუტაციისა და ფინანსური მდგომარეობის გამყარებასთან იქნება დაკავშირებული. სიფრთხილე გამოიჩინეთ ოპონენტების მიმართ, შეეცადეთ, კონკურენცია მტრობაში არ გადაიზარდოს. თუ შეძლებთ შექმნილ პრობლემებზე თავის მაღლა დაჭერას, ამასთანავე, მოახერხებთ ძლიერი, პრინციპული და მიზანსწრაფული პარტნიორების მოძიებას, ყველა წინააღმდეგობას გადალახავთ და წარმატებას მიაღწევთ.

გველი

• 27.01.1941 - 14.02.1942
• 14.02.1953 - 02.02.1954
• 02.02.1965 - 20.01.1966
• 18.02.1977 - 06.02.1978
• 06.02.1989 - 26.01.1990
• 24.01.2001 - 11.02.2002

თქვენთვის ვეფხვის წელიწადი ნაკლებად პოზიტიური იქნება, თუმცა სიძნელეებს არ უნდა გაექცეთ, ახალი პარტნიორების მოძიება, ძველ პარტნიორებთან ურთიერთობის გარკვევა, სასიყვარულო ურთიერთობა ქორწინება, ოპონენტებთან საქმეების მოგვარება და უკიდურეს შემთხვევაში სასამართლო პროცესები - აი, ის ძირითადი მოვლენები, რომლებიც ამ წელს თქვენს ჩარევას მოითხოვს. მოუხმეთ სიბრძნეს, გამჭრიახობას და შეეცადეთ, წლის დასაწყისშივე განსაზღვროთ, რის გაკეთებას აპირებთ.

ცხენი

• 15.02.1942 - 04.02.1943
• 03.02.1954 - 23.01.1955
• 21.01.1966 - 08.02.1967
• 07.02.1978 - 27.01.1979
• 27.01.1990 - 14.02.1991
• 12.02.2002 - 31.01.2003

თქვენთვის ვეფხვის წელიწადი ზოგადად, პოზიტიურია. იდეალისტური და გამბედავი ნაბიჯების დროა, ამიტომ, მოგიწევთ ენერგიული და რისკიანი ნაბიჯების გადადგმა. წლის დასაწყისიდანვე "დაიკაპიწეთ ხელები" და მნიშვნელოვანი საკითხების მოგვარებას შეუდექით - თუმცა შედეგის მიღებას ნუ იჩქარებთ. ამ წელს თქვენთვის მნიშვნელოვანი იქნება ფინანსური კრიზისის აღმოფხვრა, ვალების გასტუმრება და იპოთეკური სესხების პრობლემების მოგვარება. ეს პერიოდი სასიკეთო იქნება საქმიანი და სასიყვარულო ურთიერთობის დაწყებისთვის და დაოჯახებისთვის. მკვეთრი მატერიალური ცვლილება მოსალოდნელი არ არის, თუმცა სოციალური სტატუსის შეცვლა და კარიერულ კიბეზე წინსვლა გამორიცხული არ არის.

თხა (ცხვარი)

• 05.02.1943 - 24.01.1944
• 24.01.1955 - 11.02.1956
• 09.02.1967 - 29.01.1968
• 28.01.1979 - 15.02.1980
• 15.02.1991 - 03.02.1992
• 01.02.2002 - 31.01.2003

წლის დასაწყისშივე შესაძლოა მძაფრი ემოციური განცდები გქონდეთ, რაც წინა წელს დაწყებულ ურთიერთობასთან ან პროექტებთან იქნება დაკავშირებული. მოიმატებს თქვენი ელეგანტურობა და მომხიბვლელობა, რაც საწინააღმდეგო სქესის წარმომადგენლებში თქვენს პოპულარობას გაზრდის. გააკონტროლეთ თქვენი სიტყვები და საქციელი, ეს წელიწადი თქვენთვის კარმულია, ამიტომ, თქვენგან გაცემული ენერგია (როგორც ნეგატიური, ისე პოზიტიური) უკან ძალიან სწრაფად დაგიბრუნდებათ. ვეფხვის წელიწადში თქვენი ძირითადი პრობლემა მატერიალური ბაზის გამყარება იქნება, არ არის გამორიცხული, ფინანსურ საკითხებში პრობლემებიც გაგიჩნდეთ. შეეცადეთ, იქონიოთ დანაზოგი, რაც კრიზისის შემთხვევაში დაგეხმარებათ.

მაიმუნი

• 25.01.1944 - 12.02.1945
• 12.02.1956 - 30.01.1957
• 30.01.1968 - 16.02.1969
• 16.02.1980 - 04.02.1981
• 04.02.1992 - 22.01.1993
• 22.01.2004 - 08.02.2005

ვეფხვის წელს შესაძლოა, გარკვეულ წინაღობებს წააწყდეთ, მაგრამ თუ სწორად გააანალიზებთ სიტუაციას და მოუსმენთ კეთილისმყოფელთა რჩევებს, წინაღობებს ადვილად დაძლევთ. მოერიდეთ არაკეთილსინდისიერ პარტნიორებთან ერთობლივ პროექტებში მონაწილეობას, ნუ გაერევით საეჭვო და უკანონო მოქმედებაში, წინააღმდეგ შემთხვევაში შესაძლოა, მეტად უსიამოვნო კითხვებზე მოგიწიოთ პასუხის გაცემა. წლის მეორე ნახევარი შედარებით პოზიტიური და სასიკეთო იქნება, განვითარებულმა მოვლენები საშუალებას მოგცემთ, დაისვენოთ, განიტვირთოთ და ძალები აღიდგინოთ. ამ პერიოდში მოიმატებს მოგზაურობის, რომანტიკული ურთიერთობების დაწყებისა და გართობის ალბათობა.

მამალი

• 13.02.1945 - 01.02.1946
• 31.01.1957 - 17.02.1958
• 17.02.1969 - 05.02.1970
• 05.02.1981 - 24.01.1982
• 23.01.1993 - 09.02.1994
• 09.02.2005 - 28.01.2006

იქიდან გამომდინარე, რომ "მამალი" და "ვეფხვი" ვერ მეგობრობენ, საკმაოდ წინააღმდეგობრივი წელიწადი გელით, თუმცა ეს იმას არ ნიშნავს, რომ პოზიტიური ცვლილებების შანსი არ გექნებათ. ამ წელს ფონს მხოლოდ რკინისებური ნებისყოფითა და მოთმინებით გახვალთ. შეეცადეთ, მტკიცედ შეინარჩუნოთ უკვე მიღწეული შედეგი და ახლის მიღწევის მცდელობაში ძველი არ დაკარგოთ. ამ წელს ასევე დაგეხმარებათ გამჭრიახობა და ლავირების უნარი, რომელიც თქვენ, სამწუხაროდ, ნაკლებად გაქვთ. არ არის გამორიცხული, თქვენი პროექტები ოპონენტებმა დაამუხრუჭონ. მოუხმეთ გონიერებას და შეეცადეთ, წონასწორობა არ დაკარგოთ, ეს თქვენი მომავალი წარმატების აუცილებელი პირობა იქნება.

ძაღლი

• 02.02.1946 - 21.01.1947
• 18.02.1958 - 07.02.1959
• 06.02.1970 - 26.01.1971
• 25.01.1982 - 12.02.1983
• 10.02.1994 - 30.01.1995
• 29.01.2006 - 17.02.2007

ვეფხვის წელიწადი თქვენთვის სასიკეთოა, ამიტომ, იაქტიურეთ და შეეცადეთ, სასიკეთო ენერგია მაქსიმალურად გამოიყენოთ. ნუ დაელოდებით მოვლენების თავისით განვითარებას, გამოავლინეთ ინიციატივა და თანამოაზრეები შემოიკრიბეთ. პარტნიორები დაგეხმარებიან და გაგამხნევებენ. თუმცა ძალაუფლების განმტკიცებისა და მატერიალური მდგომარეობის გაუმჯობესებისათვის. მსხვერპლის გაღება მოგიწევთ. ყურადღება გამოიჩინეთ ადამიანებისადმი, რომლებთანაც ფინანსური ინტერესები გაკავშირებთ. წლის ბოლოს მოიმატებს სასიყვარულო ურთიერთობის დაწყების, განახლების, ფლირტისა და დაოჯახების ალბათობა.

ტახი (ღორი)

• 22.01.1947 - 09.02.1948
• 08.02.1959 - 27.01.1960
• 27.01.1971 - 14.02.1972
• 13.02.1983 - 01.02.1984
• 31.01.1995 - 18.02.1996
• 18.02.2007 - 06.02.2008
თუ წინა წლებში იღვწოდით სამსახურებრივი მდგომარეობის გაუმჯობესებისთვის, აღიარების მოპოვებისთვის და გავლენიანი ადამიანებისგან მფარველობის მიღებისთვის, ვეფხვის წელიწადს ამ ყველაფრის მოპოვება რეალური გახდება. მიუხედავად იმისა, რომ ეს წელიწადი თქვენთვის სიმშვიდისა და კომფორტის პერიოდი იქნება, მაინც უნდა გააკონტროლოთ თქვენი მოქმედება, რათა გაუგებრობა თავიდან აირიდოთ. ეს გარკვეულწილად გამოცდებისა და აკრძალვების წელიწადიც იქნება, მოგიწევთ ცოდნის გაღრმავება, გამოცდილების გამოყენება და ხასიათის ბევრ ნეგატიურ თვისებასა თუ მიდრეკილებაზე უარის თქმა, წინააღმდეგ შემთხვევაში შექმნილი პერსპექტივის გამოყენება გაგიჭირდეთ.